شاركي في النقاش

سجلي الدخول لإضافة تعليق.

التعليقات

7,588
  1. السلام عليكم ورحمة الله..

    كيفكم يا صبايا..
    أنا براسي 100 دوامة وبآخر مشاركتي بقلكم شو صاير معي..

    بس كلو ولا زعلك يا أم أنس..

    أنا حبيت موضوعك.. وحبيت أشارك فيه من الأول بس التهينا الله يلعن الشيطان..

    بالنسبة للمحبة في الله.. أنا حبيباتي أجعل دوما مقياس محبتي للمرء هو مدى قربه من الله والحمد لله وبفضله تعالى .. أحتفظ بمقدار كبير من صداقاتي.. وبعضها وصل الآن لحد 22 سنة وأكثر.. مع أن عمري 27 سنة..

    وأنا حسيت بقيمة هالمحبة وكيف انها وحده اللي بتكون محبة صادقة ومن غير مصالح.. بموقفين..
    أولهما..
    مرض ووفاة جدتي.. قبل أكثر من 5 سنوات.. كنت بالأردن وحسيت قلوب كل صديقاتي.. وأخواتي في الله معي
    وهم اللي أعانوني بعد الله إني أتحمل صعوبة تلك المرحلة علما بأني كنت سنة 3 جامعة وأنا الكبيرة عند أهلي.. وكان مرض جدتي ((سرطان رئة)) وكنت أنا الوحيدة اللي ريحة جاي عالمستشفيات بحكم كوني المستشارة الصحية لعيلتي((كنت طالبة وراثة وميكروبيولوجي))

    ومرت فترة المرض.. وفترة الوفاة.. بما فيهما من صعوبات.. وساعدوني كتير من خواتي بالجامعة عشان ألحق على المناهج.. يارب يوجهلهم الخير وين ما راحو..والله حتى 3 من زملائي الشباب كانو واقفين جنبي مع اخواني.. وما تركونا حتى بوقت الدفن كانو واقفين مع بابا واخواني..

    زملائي الشباب كمان كانو كتير محترمين وأهم شي كانو بيخافو ربنا في بنات الناس زي أخواتهم وكانو يذكرونا بوقت الصلاة ويستغلو وجودنا في مصليات البنات بالكلية عشان نوصل الفعاليات والأنشطة اللا منهجية الإسلامية داخل تجمعات البنات..الله يوفقهم ويفتح عليهم وين ما راحو.. وهلأ صفو صحاب إخواني اللي درسو معي بنفس الجامعة..ولحد الآن من لما تخرجت طبعا انتهت الزمالة بيننا..ومعها انتهت علاقتي المباشرة فيهم وصرت أعرف أخبار عنهم من اخواني.. و بعضهم حضر عرسي.. و علاقتهم مستمرة مع اخوتي.. وقبل فترة كنت عند أهلي.. وكان واحد من زملائي سابقا جاي يشتغل هون بالسعودية..وعزمه أخوي عالبيت..

    وبالصدفة أنا وصلت من السفر عبيت أهلي يوم العزومة .. طبعا..احنا عيلة ما عنا إختلاط..بنقعد رجال لحال ونساء لحال..وفجأة راح ابني يحبي ودخل الغرفة عند الرجال..إخواني بيقولو..الشب مسكه ويقله ياخالي ويلعبه وانبسط عليه وكإنه عن جد خاله والله وقتها حتى ماما دمعت..


    آخر شي.. من أهم آثار الأخوة والمحبة في الله في حياتي الخاصة.. حكاية زواجي..
    أنا وزوجي معرفة((مش قرايب)) من 25 سنة..

    وأتوقع إنو محبة وأخوة أبوي وحماي وعلاقة العائلتين اللي استمرت ربع قرن من الزمن لحد الآن
    الله يتمها نعمة ويديمها علينا.. قولو آمين..
    كانت هاي المحبة سبب من الأسباب اللي يسرت زواجي أنا وزوجي بإرادة ربنا.. علما أنه لا يجمع بيننا ولا شيء غير علاقة أهلنا.. لا مصلحة دنيوية ولا مكان سكن (هم في عمان وإحنا في إربد)
    ولما زوجي خطبني كنت مش شايفته من 8 سنوات من لما تحجبت مزبوط وما عدنا نشوف بعض..
    كان بيننا زيارات بين الأهل مش أكتر..

    وهلأ الحمدلله حاسة اني طلعت من بيت أهلي لبيت أهلي كمان.. والسبب.. محبة العيلتين.. كانت على أساس التقوى والصلاح.. والحمدلله دامت وربنا يديمها ..آمين..



    المهم بعد كل هاي القرقرة.. اللي بدي أوصله..إنه مهما كانت طبيعة العلاقة..أخوة- زواج- صداقة..
    إذا كانت محبة ربنا هي الأساس اللي بتقوم عليه العلاقة.. أنا واثقة إنها تدوم وربنا بيبارك فيها..

    وهذه بعض المواقف التي حدثت معي في حياتي وأتوقع أنها جسدتلي معنة المحبة والتآخي في الله..
  2. المهم هلأ..

    أنا كتبت كل احكي اللي فوق وبعرف اني يمكن مللتكم وطولت عليكم..

    بس حبيت أهرب من وضع عايشته من 5 ساعات..وجيت أفضي بالي شوي بينكم.. وسامحوني.. إذالقيتو لت وعجن بموضوعي السابق لأني كتبته وأنا مش حاسة عن حالي..

    بدي أخبركم خبر مزعج .. صارلي اليوم..
    بس أمانة ما تدايقو مني إذا حكيت كتير لأني بدي أفضفض.. رح أفقع..


    زوجي عمل حادث بالسيارة الصبح وهو رايح عالدوام.... ونقلوه الإسعاف عالمستشفى
    أخوي بيشتغل بنفس الشركة.. وسمع بالخبر بالصدفة وراحله وضل معاه لقبل 3 ساعات جابه عالبيت ..

    وأنا حضرتي زي الأطرش بالزفة..

    أنا من عادتي أتصل على زوجي قبل نهاية دوامه عشان أعرف جاي على طول ولا لأ عشان ما يبرد الأكل
    واليوم خميس وهو مداوم نص دوام..
    وإحنا عادة الخميس والجمعة غدانا من برة..
    كنت ماسكة موبايلي أرن عليه ولا هو بيتصل عشان يقلي حيتأخر شوي بالشركة ..أنا سمعت صوت عنده صغار بيبكو .. قلتله انت وين.. حاول يخبي بعدين قلي انو عمل حادث بس ما حب يقلقني..
    ومن وقتها لهلأ وأنا عندي مغصة مش راضية تروح..

    الحادث كان كبير يالطيف.. كاينين الناس بدهم يطلعوه من السيارة
    والباب تبعه مش راضي يفتح مع الناس اللي تجمعو عليه لأنه معطوب عالآخر..
    وهو مغيب بالسيارة..

    وصحوه الناس من الشباك وواستنو الاسعاف لحد ما نقلوه عالمستشفى..

    الحمد لله بالآخر طلع عنده رضوض بصدره من ستيرنج السيارة وكدمات بكتفه ورجله بس قوية يا حرام.. مش قادر يحركهم..
    والسيارة.. عليه العوض.. والحق كان عالسائق التاني 100%

    اللي صار يا بنات انو لما روح هو وأخوي كنت بدي( أدق بخناقه)أخنقه يعني عشان ما حكالي..
    وأهلي معهم خبر بس بابا قلهم ما حد يقلي.. والله لهلأ أهله مامعهم خبر وهم جيراننا بالحارة..

    بس هاي الحركة بفقع منها..
    هاي تاني مرة خلال أقل من شهرين..بيصير معه فصل وبيوصل المستشفى وأنا آخر من يعلم..
    ليش... قال عشان ما أقلق..!

    المرة الماضية كان عنده التهاب زايدة وكان على وشك عملية.. بس أجلوها يوم واحد وبعدين طاب الإلتهاب الحمدلله وما عملها..

    بس برضه ما قلي غير قبل ما يروح عالبيت اتصل يسألني إذا بدي أغراض من برة وهو كان إله 3 ساعات بالمستشفى!!!

    قولولي شو أعمل فيه...
    أدبحه هلأ وهو نايم؟؟ مهو مش داري بحاله ماخد ابرة فولترين

    بكفيه اللي فيه..
    يا ناس.. بحبه وبخاف عليه بس والله لهلأ متوترة
    بحس حالي بلا فايدة لما بيصير هيك فصل..وأنا مش جنبه

    بس الحمد لله على كل حال..

    قدر الله وما شاء فعل..
  3. @daaandooon

    مرحبه بنات كيفكم جميعا
    عنوده هيني والله غارقه بالدراسه بس كل يوم بدخل و بقراء بعض الردود و شفت ردك و دعيتلك تتيسر امورك
    بعد اسبوعين امتحاناتي امانه يا بنات ادعولي
  4. هديل خليني احكيلك كلمتين قبل ما اشارك بموضوعك
    زمان
    واحنا بالمدرسه كانت معلمة العربي تحتار بعلامة النشاء كانت تحكيلي بتستاهلي علامه كامله بس عمري ما سمعت عن علامة انشاء كامله طبعا انا كنت بسلم المسوده لاني بمجرد اني ابيض بتتدافع افكار تانيه وببلش مسوده تانيه ولا الها ددخل بالاولى يعني كنت بنت حالمه جدا مثل الفراشه

    هلأ صرت احسن صرت مثل الفيل حالمه من قلة النوم بحلم انام واشبع نوم طبعا نمت بيجي 3 شهور براحه بس بالمقابل صحيت امي عشان بنبونه اذا باجي امسك قلم وابدع لازم اوقف بباب الثلاجه لاني حكتب لست للشوبنج شو ناقص وشوعنا انا بكتب شو عنا عشان ما يرد يجيب وينكب او احتار فيه
    ومع هيك ما بينلغي معنا الصداقه والمحبه الحقيقيه من حياتي وبرايي الانسان لازم ما يكون في قلبه كره ناحية حد لان الكره مرض لازم ياثر فينا سلبي

    صداقاتي كلها صدوقه بالضروره وكلها بالله مثل صداقتي معكم لازم تدوم ما بتوقع وحده من صديقاتي مفكره بمصلحه من صداقتي لما برجع عالبلاد ما بلقى وقت لان صحباتي بهبو كلهم علي وبزوروني وبزورهم بزورو امي من بعدي وبتواصلو معها وبسالو عني وبسال عنهم

    حصل وكان لي زمالات وليس صداقه بنات وشباب ربطني فيهم العمل وفرقت بينا الاستقاله لانهم زملائي وليسو اصدقاء يعني كنت مضطره على التعامل والاحتكاك بحكم العمل والمخاجله مثل ما تقولن
    ومع ذلك كنت اراعي الله فيهم وهمه بالمثل ساعدنا بعض واعنا بعض على امور الحياهيعني بشر ومش جماد

    امي اعز صديقه ومن بعدها بييجي زوجي لان هدول التنين اكثر شي ممكن بفوتو لمكنونات نفسي ومتغمسين بخصوصياتي وبحياتي واكثر اتنين ممكن يتلمسو روحي ويشوفو تعبي امي وهي على بعد الاف الاميال وزوجي بالقرب الشديد مني



    شذى كيفك يا عمري شو اخبارك انا عارفه ان البنت صغيره بس بحسها بتتجاوب معي كتير قدرت اعجنها الصراحه مثل ما بدي بقدرة ربي وكرمه علي وبشوف الموضوع بستاهل التعب كثير لما كنت بالبلاد كل امي وجيالها قالو لازم من التاسع تفطر على النونو وتتعود على النضافه فضحني كاني جربه عشان بنتي بتلبس دايبر
    بعدين مين اللي قاللكم اني ممكن امد ايدي على بنتي عشان النضافه انا بضربها عشان طهربا او عشان التحف ما تصيبهم ومش كل مره ضربتها على ايدها اكمن مره وبعدين صرت بس اجحرها يا سلام تصير لحالها تقولي لأ لأ اقولها اه لأ لا تصيبي وابوها نفس القصه هضاك حزين مرات من خوفه عليها بعلي صوته لأ ديري بالك بتفكر بهاوش بتدب الصوت وبتوخذلها نص نهار تا ترضى عليه خخخخخخخخخخخخ انا لما ازعلها بتيجي اتعيط عندي يا قلبي وقال انا بتدلل عليها برضاش الا لما اقللها ايش عملت وانه غلط وبعدين بحضنها وبقلها شاطره ما تصيبي

    اميره حبيبتي ماقلتي شو ال100 دوامه
    سموره يا قموره كم عمرك حبوبه بنات انتن مش داريات اي انا اذا بلاقي وحده بعرفها من النت بتصير جد مثل اللقيه انا درست بمدارس اربد اللي بشارع الحصن وبالطفوله وعرفت بنات كثير من اربد ودرست كمان بالكليه وعرفت من القرى اكثر واشتغلت وكثرو صحباتي اكثر واكثر
    ام منى حلوه فكرة الخضار المقطعه ببقى اسوي لبنتي انا كنت اخذلها خياره وحليب وبسكويت مش محلى يعني بيبي سناك بس اكثر اشي الخيار بس اذا رايحه على ناس عندهم صغار بدي بكسه ما بكفيني اي الكبار بدهم خيار وهون باخذ حليب الصراحه بس بدي اصير اوخد مثل ما حكيتي

    نوني لا تخافي ولا عبالك لو شفتيني يوم رحت اولد حطولي طلق صناعي بس للامانه الام الدوره كانت اصعب منه بس كنت اتالم والوب وقال وحده من الممرضات كانت جديده وضغنونه قال صارت تعيط علي ما اقل عقلها بس ما كنت فاضيه اقللها لويش بتعيطي الصراحه كنت مستعده لاكبر من الطلق يعني نفسيا متحضره لوجع عضيم فشفت كل الالام عادي انتي بس حضري نفسيتك للصبر والتحمل ورح تهون الامور قدامك مش تردي على اللي بقلك بتتيسر ومسهله ولا اشي لا اعتبريها اشي كبير بتصغر عليكي.

    مهى ولش يا كسلانه حمد لله على سلامة اختك والله مضيتيها تستقبلي وتودعي
    اما انا هاي اول مره جوزي بعزم حد من شي سنه والعزومه كانت لشخص واحد وقبل اسبوع كان في عزومه كمان لشخص يعني اكل الثنين بكفي 3 بس عاد ما بتقدري الا تبدعي اشويوتغلبي حالك وكانو بدون نسوان يعني شباب لحالهم فكنت احاول اقضي وقتي بالمطبخ اريح ما اقعد على نفسهم

تابعي تجارب أخرى من هذا القسم.