كلامك سليم حاليا كل شي مسهل وكل شي صار متوفر
لكن فقدنا العزيمة
صرنا بعصر السرعة وبدنا كل شي يصير بسرعة
المشكلة مش بالعصر ولا بالرشاقة وانها حلم المشكلة فينا
الناس القلائل الي بتقولي انهم نجحوا بانقاص اوزانهم وحافظوا عليها هم الناس الي انقصوا اوزانهم بطريقة صحية وببطء
معليش نقعد سنتين نخسر وزننا وبالنهاية بنكسب باقي حياتنا بصحة ورشاقة.
لكن نحنا متل ما قلتي بندور دايت ورا دايت ورا دايت وبدنا نتائج سريعة والنتيجة بنقعد سنين نجرب ونفشل ونضل بهالقسم سنوات طويلة من عمرنا.
ليه بنسمن ومش قادرين نخسر وزننا مع انه صار عنا وعي غذائي؟
مين قال انه عنا وعي غذائي؟؟؟
لو عنا وعي غذائي كان نزلنا وزننا بالطريق الصحيحة, مش لانه صرنا نعرف معلومات عن النزول والجسم صار عنا وعي غذائي.
الوعي الغذائي هو الالتزام بنظام حياة صحي ملائم للعصر وللجسم والاستمرار عليه.
>> هادي هي مشكلتنا الوحيدة لو نخلص منها كل شي سيء بنتخلص منه.
ليش ما عدنا نقاوم الفاست فود لانه هي عودنا حالنا
ومتل ما عودنا حالنا عليهم فنيا نعود حالنا على غيابهم, القصة سهلة بدها شوية تعب بالبداية وبعدين الامور بتصير سهلة.
فينا بين فترة وفترة ناكل منهم وبنفس الوقت نعمل نص ساعة رياضة زيادة
والامور بتصير متوازنة.
بالنسبة للشيبس والشوكولا لانه عنا قناعة انه الريجيم معناه حرمان كرمال هيك بناكل منهم كانه نحنا بمجاعة ولانه فرصة ما في دايت او يوم مفتوح او قبل الدايت.
بس حتى لو كنا عاملين فينا ناكلهم بكميات قليلة.
بنرجع لقصة الوعي الغذائي, لازم نعود حالنا على تقنين الاكل مش على الحرمان, وقت نوصل لهيك قناعة ساعتها بنوصل لحلمنا.
الخلاصة المشكلة فينا
والحلقة المفرغة نحنا خلقناها وصرنا ندور فيها ورمينا الغلط على السمنة وعنادها.
بالاصل المشكلة فينا ولا ما كان وصلنا للسمننة
ولما نقعد نحاول 6 سنين وما ننجح معناها الطريقة غلط, معناها صار لازم نوقف ونشوف وين المشكلة.
وطالما نحنا ما بنعمل هيك وطالما نحنا بندور على دايت ورا دايت وسؤالنا المعهود: كم بنقص بالشهر؟؟
ما رح ننزل
لما نتغير من الداخل رح نتغير من الخارج وعدا عن ذلك رح نضل بين اروقة القسم هاد ودايرين من دايت لدايت والسنين بتمر....
ليه حلم الرشاقه صعب يتحقق؟؟
متابعة النقاش، صفحة 3