:::::: تطبيقي لخبزات الصامولي~ الصمول~ الصمون~ ::::::

@aishex محررة

بسم الله الرحمن الرحيم



طبقت اليوم صامولي الأخت رشة عطر الله يسلم قلبها يارب ويحفظها وذريتها في غربتها،،

هذي مو أول مرة أطبق لها الصامولي،، طبقته عدة مرات وفشلت بأول تجربتين أو ثلاث وبذكر لكم سبب الفشل بعدين!


هذا رابط الموضوع الأصلي هنـــا

وهذي صور تطبيقي مفصلة

أول خطوة تأكدي إن عندك مكان نظيف للعجن والفرد..




في كوب أضفت كوب حليب ونصف كوب ماء وربع كوب زبدة والمجموع كوب وثلاث أرباع من هالخليط




دفيتهم شوي بالمايكرويف يا دوب إلين ذابت الزبدة ودفى الحليب وتركتهم على جنب يبردو





في وعاء أضفت جزء من الطحين والخميرة والسكر والملح وحركتهم سوا





ثم أضفت خليط الحليب والزبدة والماء ثم البيضة ومزجتهم سوا





أضفت باقي الطحين على دفعات إلين تشكلت عندي عجينه ناعمة لينة وطرية ويادوب يادوب ما تلتصق بإيدك





بعد ما ارتاحت ربع ساعة قسمتها لـ 16 كرة متساوية





وبديت أفرد كل كرة وألفها مثل الإسطوانة





213 تعليق 57,261 مشاهدة

0 0

شاركي في النقاش

سجلي الدخول لإضافة تعليق.

التعليقات

210

  1. @aishex محررة

    صاحبة الموضوع #72950234



    صفيتهم بالصينية وتركتهم يتخمروا على راحتهم







    وبعد ما تخمروا خبزتهم بالطريقة المذكورة :)









    وبعد ما طلعتهم من الفرن غطيتهم بقصدير وعليهم فوطة عشان تطرى الخبزات بالبخار إلي طالع من الحرارة






    أنا قلت ببداية الموضوع اني سويت هالوصفة وفشلت معي أكثر من مرة والسبب بسيط لكنه مهم جداً في هالوصفة خصوصاً!!

    سبب الفشل ما كان في مدة العجن ولا الخَبْز ولا في طريقة اللف والتخمير كل هالأمور كانت عال العال!!

    غلطي البسيط إني كنت أقسي العجينة شوي يعني كأني أسوي عجينة بيتزا أو مطازيز مثلاً! مو أقسيها يعني ناشفة لكنها قاسيه لا ناشفة ولا لينة..

    وهالشي كان يخلي الخبزات بعد ما ألفهم رول وأخليهم يتخمروا أجي ألاقي الرول إنفك وما لزق في بعضه<< مدري شلون اشرح بس الي جربت تطبقه بتفهم علي

    وبرضوا كان يعطي الخبز ثقل ولا يطلع هش،، خبز الصامولي برغم بساطته الا انه حساس يعني العجينة لازم لازم تكون طرية وحرارة الفرن عالية عشان يطلع هش وطري بعد الخبز..

    والشكر موصول للغالية رشة عطر وفعلاً يا بنات النتيجة فظيعة كأنه صامولي من مخابزنا نفس النكهة والريحة سبحان الله.. يعني الوصفة كذا...


    أي سؤال أنا حاضرة أخواتي ولا تنسوا الإستغفار وذكر الله فإن أجرهم عظييييم وفي تركهم حسرة وندامة.



    //

  2. @bhb_bldy عضوة مميزة

    #72951471
    يسعدني أني اكون اول رد
    فعلا الصامولي رائع بكل المعاني
    وسبق وجربته وحطيتة هنا
    تسلم يدك الخبز طالع من ايدك حلو جدا
    وعجبني تصويرك

  4. @flh_shmaah_mnoorh عضوة نشيطة

    #72951685
    يعطيك العافيه على التجربه الرائعه وانا جربته اكثر من خمس مراات رااااااائع الله يجزاها خير راعيه الوصفه

تابعي تجارب أخرى من هذا القسم.