موضوع مختار : من التراث الخليجي ( مطفي سمك ) ولا أروع

@lyl_la_ynthy عضوة جديدة

مساء الورد والجوري



بصراحه تخصصي حلو بس بهذي الطبخه أنا شيف ، لأنها لذيذه وما راح توقفين لين يخلص الصحن
وهي من التراث الخليجي وتذكرنا بالبحر والغوص واليامال
أترككن لتحكمن بانفسكن مع المقادير والطريقه

فيليه سمك متبل بالبهار والملح
تمر هندي منقوع ( غليظ القوام )
بصل / ثوم / فلفل بارد / كزبره / طماطم
صلصة طماطم
بهار وكركم وسنوت
ملعقة سمن المراعي
قليل من الزيت للتشويح والقلي




الطريقه
نشوح البصل ثم تباعا ... الثوم .. الفلفل البارد ... الكزبره ... الطماطم ونقلب جيدا ثم نضيف البهار وصلصة الطماط







ثم نصب منقوع التمر ونتركه يتسبك جيدا





نبدأ بقلي السمك في قليل من الزيت ونحمره من الجانبين ثم نطفي حرارة السمك قطعه قطعه في مسبح التمر الهندي ،،،،،،،، من هنا جاءت التسميه





ونتركه يغلي حتى يتسبك ونضيف هنا ملعقة سمن ليعطيه نكهه جميله
يقدم مع الأرز الابيض وأوراق الجرجير والفجل وهني وعافيه وان شاء الله يعجبكم وتدعولي



وسلامتكم ..............................................

33 تعليق 14,046 مشاهدة

0 0

شاركي في النقاش

سجلي الدخول لإضافة تعليق.

التعليقات

32

  1. @bronz_shoklyt محررة ماسية

    #72951003
    من الأكلات اللي مرررره أحبها المطفي
    بجد لذيذة بالذات لمايكون الصوص زي اللي انتي عاملاه ثقيل ومزز يكون فظييع
    تسلم ايدك
    ويعطيك العافية

  3. @lyl_la_ynthy عضوة جديدة

    صاحبة الموضوع #72951378
    تسلمي برونز شوكليت على ردج الحلو واللي يرفع المعنويات
    وتسلميلي الفواااااااحه وان شاء الله تجربينه وتحبينه

    هذا غدانا اليوم ، ومن الظهر انزل الموضوع وما استوى تعبت فيه كثير حتى ما صورته في طبق التقديم ، وحاولت ثلاث مرات وكل مره ما يعتمد المشاركه نفسيتي لو لين ما نزلت أول صوره وبعدين عدلت في الموضوع وهذي كانت الطريقه الوحيده بجد تعبت فيه
    وتسلمولي لو ما انتم غاليين كان ما نزلته ابدا بعد هذا التعب ، شكلي ارجع للحلو احسن ولا ايش رايكم ؟؟؟؟؟؟؟؟؟

تابعي تجارب أخرى من هذا القسم.