"السنع".. الكلمه الاكثر رعبا

أأأأأه
<<خنقتها العبره
يومين كل شي مرتب ويفتح النفس:42:
ويومين انواع الحوسه:09:

بس الحمدلله احس اني احسن من اول بديت ارتب نفسي
وترا مو شرط كل يوم ترتبين وتنظفين:42:

بس في شييين مقدر اسويهم
































السيب مغبر بعد العج وسبب لي كتمه ماقدرت اكنسه

والصراصير الي فالحمام ماني قادره اكنسهم:( :09:


ابغى حلللللللللللل
لاتقولون اهو يشيلهم
لانو رافض:(

انا لي سبع سنوات زواج

وللحين رفلا اهئ اهئ اهئ

الطبخ مو كل يوم يضبط خصوصا اذا كل يوم شكل

والبيت آآآآآآآآآآآآآآآه ثم آآآآآآآآآآآآآآآآه

يوم في الاسبوع تتفجر فيني القوى الكامنه ويصير قمه

وباقي الايام مشي حالك

اهم شي الاخلاق يابنات<<<حيلة الضعفاء

اهم شي تبسمي له وهلي ومرحبي ماتبي شي

وكل شوي ياعمري وياحبيبي ويشوفك احسن وحده

فيه وحده تشكي من غسيل الصحوون انا مثلك يديني صارت تحفه

بس نصحتني وحده بالقفازات واكون حاطه كريم جوا في يديني

اي شي انظفه غسيل صحوون حمام الله يكرمكم يكوون سهل ومريح

واذا فيه حاله مستعصيه مثل الغبار ولا غسيل بفلاش <<<اتلطم كني عمال النظافه

طبعا كل هذا لما يكوون برا البيت

وحده رااايقه ماانسى نصيحتها ايام زواجي

تقول لما يقوم زوجك الصباح اكيد اول شي بيروح للحمام

هاللحظه فزي مو تظلين نايمه كنك خيشه ورتبي السرير وفتحي الشبابيك

وولعي المدخنه او الفواحه

وروحي سوي القهوه وقابليه بابتسامه صباحيه تدوووخ

الموت لا رجع يبي ينام وانتي مسويه فيها سنعه هههههههههههههههههه

ومن نصايحها تقول اذا دخل قابليه وخذي الاغراض من يدينه

وقولي هلا والله تعيش وتجيب والقطي شماغه

مهر سوتها اختكم السنعه جيته ولقطت شماغه من على راسه

قال وين ياام الشباب بطلع <<<<<طاح وجهي قلت والله مااعيدها


همسات <<<مصيرك شايلتهم تلطمي واكنسيهم بمكنسة الكهرب

ياكرهي لهذي المخلوقات تجيب الهم الله يزيلها عن الوجود امين

تحملواا ثرثرتي ياامورات

ودمتم سنعات نظيفات

همسات,, ياحبيلك انا احب الناس الي كذا زيي ,, الله يسنعك ويسنعني يارب
عاد الصراصير بلا دلع لو قعدو اكثر من كذا رح يجمعون لك نمل شيليهم وارميهم وش يضرك <== ياويلللللللي على السنع .. وشكرا على مرورك ياقمررررر

الودود الولود ,, الله يجعل ايامك كلها سعاده يارب
احس انك سنعه ماادري ليش.. اما خويتك راعيت فزت الصبح هذي ماشاااااااااء الله تبارك الله عساي اقوله سكر الباب بس .. تسلمين ياحلوه على مرورك

وين الباقين ياجمااااااعه.. اين السنعات واين الرفلات يحدثوننا عن تجاربهم
اعجبتني دمتم سنعاااات

بنااات وش رايكم نتكلم عن لمن تقومين الصبح وش تسوين الى موعد الغدا..
احس هذا الوقت لو يكون مرتب ومنظم رح تعرفين تمشين يومك كامل باذن الله
انا مشكلتي ان بريك الغدا حق زوجي مره بدري 12 ونص او وحده الا ربع ..مايمديني اسوي شي

هاشرايكم بنات؟؟.. يالله نكمل الموضوع
اتمنى احد يعطيني وجه

الله يفشلكم فشلتونا عند الرجال
اسمعوني وخلوا عنكم الكسل كل وحده تقوم مع زوجها اذا جاء يروح للعمل صدقوني هذا المفتاح السري واول شي تسويه تشغل الغساله وارمي فيها الغسيل وبعدين توجهي للمطبخ وطلعي اللحمه او الدجاجه حسب وش تبين تسوين عشان تذوب وخذيلك فطور على السريع وروحي للبيت كنسي ورتبي كم رح ياخذ منك ساعه او ساعتين بالكثير
احمدوا الله ما بعد جاكم اطفال يقطعون وقتك وصدق ما تقدرين تسوين شي .....وحده منقهره
المهم نكمل نشري غسيلك وروحي للمطبخ سوي الغداء وخلي يدك خفيفه
بالنسبه لتعلم الطبخ المنتدى مليان وكتب الطبخ مافيه اكثر منها المهم التطبيق الدقيق ولا تيأسين اذا ما ضبط معاك كرري لين يضبط ومافيه احسن من انك تدخلين المطبخ مع وحده طبخها زيين وتشاركينها في الطبخ لان افضل طريقة للتعلم المشاهده والتطبيق الفوري
انتي شوفي وحده من خواتك او زميلاتك او الوالده الله يحفظها وتعلمي منها
المهم سوي غداك وانا افضل انك ما تسوين نفسك سوبر مان وتسوين عشر اشكال
لااااااا شكلين بس مثلا رز ومرق ونوعي باشكال الرز مره بالخضار ومره مندي ومره ابيض ساده مره مع لحم ومره مع دجاج مشوي والمرق نوعي فيه مره باميه , رجله , محشي , خضار
يعني طبقين بس ومعها سلطه او فاكهه بس
اذا خلصتي قصري على النار او ارفعي القدر على الحديده ونظفي المطبخ على السريع مو تنظيف عميق وبعدها طيراااااان على الحمام خذي دش بسرعه اطلعي استشوري شعرك والبسي لبس مرتب وشوي كحل على شوي روج على رشة عطر وبعدها عطري البيت او بخريه
وحطي رجل على رجل وطالعي التلفزيون او الانترنت لين يجي ابو الشباب لين كل شي على سنقة عشره انتي حلوه والبيت حلو والاكل جاهز
وش رايكم ؟؟؟؟؟