شاركي في النقاش

سجلي الدخول لإضافة تعليق.

التعليقات

19
  1. @aatr_foah_2

    صاحبة الموضوع
    دارين2007
    بصراحة تايلندا من اجمل الدول الى زرتها وبالنسبة لفنادقها جدا جدا رائعة وبلد رخيصة والمطاعم الحلال موجودة بكثرة بس شكلك حبيبتي ما عرفتيلها مضبوط انا زرتها 6 مرات حابة اقول معلومة انا سعودية وزرت تايلندا 6 مرات وعند تجديد الجواز دوري اي وا…
    والله ياختي البلد مايات على مزاجي

    رسمت لها صورة وإنصدمت بالعكس تماماً

    ولما حطيتها في مقارنة بماليزيا لقيت كفة ماليزيا أثقل بوايد والبرامج المناسبة فيها متوافرة بكثرة

    الأكل الحلال فعلاً ماكنت ألقاه بسهولة خصوصاً الفاست فود اللي اليهال يحبونه

    كنت أدخل وأسأل المطعم بنفسي والجواب غالباً لا لا لا

    الوضع في بانكوك أفضل والعرب الخليجيين أكثر وكانت مريحة بالنسبة لي أكثر

    غير ذي في بوكيت لاحظت التعري بشكل مقزز مب طبيعي نظراً لأنها جزيرة

    وهالشي ضايقني وايد لآني متحجبة وماقدر أستمتع حتى بالأنشطة البحرية

    وكل شخص لها نظرة للأمور أنا هذي كانت نظرتي

    أتمنى لج رحلة سعيدة إن شاء الله
  2. ياقلبي انتي والبحرين كمان على روسنا

    اغلظاهر اني لقيت اللي ابي

    هذا اول تحري لي عن ماليزيا

    باذن الله بشعبان بسافر انا وعايلتي

    واكيد راح اغثك

    اتمنئ تتكلمين عنها بكل شي

    وافضل المدن واذا كانت الرحله لمدة اسبوعين

    كيف نوزع الايام على المدن ومدري كيف طريقة التنقل واذا كان طيران هل تحجزون من الحين

    تقبلي مروري
  3. @aatr_foah_2

    صاحبة الموضوع
    دلوعة وأبويه السبب
    ياقلبي انتي والبحرين كمان على روسنا اغلظاهر اني لقيت اللي ابي هذا اول تحري لي عن ماليزيا باذن الله بشعبان بسافر انا وعايلتي واكيد راح اغثك اتمنئ تتكلمين عنها بكل شي وافضل المدن واذا كانت الرحله لمدة اسبوعين كيف نوزع الايام على الم…
    حبيبة قلبي عزيزة وغالية ماطلبتي

    ماليزيا من أحلى ماخلق ربي سبحانه

    رحتها 3 مرات وماشبعت منها وبسرعة توحشني

    كل شي فيها بفضل الله سهالات

    بلد عائلي آمن مسلم وشعب ودود وبرامج ووناسة

    اللهم جوها حار لأنها بلد إستوائي لكن حرهم أرحم من حرنا :09:

    ياريت تقولين لي أي مدينة أو جزيرة ناوية تزورين هناك عشان أقول لج خط الرحلة المناسب

    وأبي عدد الليالي اللي بتقضينها هناك بالضبط وهل يوم السفر محسوب مع عدد الأيام أو شلون

    وبالنسبة للميزانية هل هي مفتوحة لو سكنتي في فنادق فخمة أو تبينها رحلة إقتصادية وفنادق عادية

    وطلب أخير هو إنج تخاطبيني بالتواريخ الميلادية مب الهجرية لأني ماعرفها ههههههههههه

    وترى إذا ناوية تنتقلين بالطيران الداخلي كل ماحجزتي بدري يكون السعر أفضل

تابعي تجارب أخرى من هذا القسم.