اعاده ملف Ronii للاطباق و الافتكاسات ;)) (دايما متجدد) وبالصور لازم تدخلوااااا ;)

شاورمه فراخ بالبطاطس
"""الطبق ده من كتاب الشيف اسامه بس هوا عامله باللحمه و انا عاملاه بالفراخ"""


4 بطاطس مسلوقين 3/4 سلقه و مبشورين (ابشري واحده واحده قبل الاستخدام علي طول
دقيق
زيت
شاورمه فراخ:
شوحي شويه بصل مقطع ترنشات في شويه زيت ، حطي1/2 كيلو صدور فراخ مقطعه صغير شوحيها لغايه ما لونها يتغير و بعد كده حطي ملح،فلفل،سماق،زعتر و سويها ممكن تحتاج شويه ميه ، بعد ما تستوي تكوني مقطعه طماطم صغير و شويه بقدونس و تقبلي و اطفي النار



ابشري 1 بطاطس و رشي عليها شويه دقيق بالشكل ده


في طاسه تيفال علي نار متوسطه حطي شويه زيت و حطي شويه بطاطس


شليها من علي النار وحطي شويه شاورمه بس مش علي الاطراف بالشكل ده


و غطيها بالبطاطس بالشكل ده


و اضغطي علي الحواف بالشكل ده علشان نلزء الجوانب كلها


و حطيها علي النار تاني و كل شويه حركي الطاسه علشان قرص البطاطس يفك من تحت



اقلبيها في طبق و حطي زيت تاني في الطاسه و حطي القرص علي الناحيه التانيه علشان ياخد لون...و كري العمليه لغايه ما المقدار يخلص انا عملي 4 قرص




بعد ما تستوي قطعيها و قدميها بالشكل ده مع سلطه خضرا او طحينه


وبالهنا و الشفااا

مشكوره حبيبتي على ها الاطباق الرااااااااااااائعه والاكثرمن رائعه

$الدمعهّ الحزينه$
ميرسي علي المرور كتير:26:

الخفايا
يعافيكييييي علي المرووور:26:


مكرونه بالسجق الشرقي
"مقدار 2 صينيه"

900 جرام سجق شرقي (حلواني اخوان)3 اكياس
1 1/2 كيس مكرونه (اي نوع صغيره)
2 بصل مقطع مربعات
2 فلفل رومي مقطع مربعات
1/2 علبه الطماطم المقشره جاهزه (او 3 طماطم مقطعين و معاهم ملعقه صلصه)
ملح ، فلفل ، زعتر ، سماق
للبشاميل:
3 ملعقه زيت
3 ملعقه دقيق
2 كوب لبن
1 ملعقه مسطرده
ملح
للوجه:
بقسماط
جبنه مبشوره


نسلق المكرونه عادي


و نعمل البشاميل عادي و بعد كده نحط معلقه المسطرده


علي النار نشوح البصل في شويه زيت


بعد كده نحط السجق و التوابل و نشوحه لغايه ما لونه يتغير


نحط الفلفل و يشوح


نحط الطماطم و كوب ميه


c down....

و تترك علي النار لغايه ما السجق يستوي من الشكل ده للشكل ده


نقلب المكرونه مع مقدار السجق


نحط الخليط في الصينيه


نحط البشاميل و نرش شويه بقسماط و الجبنه و تدخل فرن لغايه ما تحمر


و تقدم بالشكل ده


و بالهنا و الشفا:42: