اتصلتو علي خواتي اليوم وقالولي انهن بيجون بعيالهم يسمرون عندي وقالولي لا تسوين عشاء لانهن بيجيبون معهن اطباق العشاء واحنا كلنا ثلاث وعيالنا ما يتعدون السته كلهم مع بعض لكن طبعا ما يصير لابد ادخل واجهز كم طبق فسويت ورق عنب و سمبوسة سعوديه وحلا الكاسترد والجلي
ومع القهوة جهزت دونات للاسف ما صورتها
وحطينا الشاي وبعد ما صورته حطينا معاه فشار وشيبس دوريتوس وتغميسة جنان عباره عن 2م لبنة +علبة زبادي+م ص كمون+شوية نعناع مطحون +2م مايونيز
المهم زين اني ذكرت اصور العشاء لاننا كنا فاتحين فمنا على عرب ايدول الله يهدينا وياك نبي نعرف من بيفوز
ذكرتني بنت اختي وقالت لي خالة ما ودك تصورين زي دايما خخخخخخ مذيتهم بالتصوير
هذي اطباق العشاء:
اختي ام مصعب جابت:لازانيا الكيكة المالحة بالدجاج
اختي ام سلطان السلطة وتراها سلطة عادية خيار وجزر وطماطم مقطعتها كبار ومعها ذرة وحطت صوص عليها وهو كاتشاب ومايونيز وزبادي ورشة ملح والخبز المحمص من فوق مادري وش اسمه بنكهة الزيتون
وانا اطباقي سمبوسة سعودية باللحم و ورق عنب وحلا الكاسترد والجلي وطبعا الاطباق الي سويتها باكتب طريقتها بالتفصيل والي ما سويتها لا تسالوني عنها ترا مادري والله عن الطريقة:eek:
بسم الله ماشاء الله تبارك الله
يتـــــــــــــــــــــــــــــــــــــــــــــــــــــــــبع
لا تقطعون الموضوع لو سمحتو
