بنتي يمكن انا اللي مرضتها ...والاحساس بالذنب قتلني..تكفون وش الحل؟؟/ قديم

قصب سكر ماصل ...هلا فيك ... وشكرا لاهتمامك بالموضوع وبمشكلة بنتي.. وصلنا الصفحه 6 او 11 او 100 او الصفحه الاولى ماهمني ياقلبي ...اللي همني اني احل مشكلة بنتي وانكم تساعوني وتشجعوني واخذ القوه من الله ثم من نصايحكم
وبالنسبه لسؤالك عن دور ابوها انا رديت قبل كذا مره بعلاقته معها بس والله مدري باي صفحه ..
وان شاء الله تبي تتغير بنتي واملي بالله كبير ..بس ياختي اكيد مو بيوم وليله هذي مشكلة سنين واكيد علاجها يبي له اقل شيء اسبوعين او شهر او مدري ... يعني حاليا ما اقدر اقولكم ولا عندي شيء جديد اقوله عنها ..
اللي تغير اني صرت اذا لاحقتني وقعدت تتكلم معي اسمعها...والى الان مازالت ماتتكلم الا معي وتاركه ابوها واختها واخوانهاعلى الهامش... وصرت اطول بالي عليها وامزح معها ..يعني احس اني صرت احسن من قبل معها...وبانتظار النتائج .... واكيد ابخبركم عنها اكيد ...مثل ماحزنتو على بنتي ابفرحكم فيهاان شاء الله ...بس اتمنى الجميع يدعون لها

نوف هلا فيك .... ومشكوره على الدعوه ...اللهم امين

عزيزتي مطر الصباح
مشكلتك قريبه كثير من مشكلتي مع بنتي
بس انا استفدت من موضوعك وقررت اغير معاملتي معها

اقري موضوعي اللي نزلته فيه شكر لك :)

:( أختي (مطر الصباح)..أنا قريت رسالتج بتمعن ولأني أم مثلك،وحسيت بكل كلمة تقولينها.....بصراحة آنا آسفة إذا قلت للأخوات اللي قالوا (إإيش هالقساوة).....بالعكس أنتي فعلآ أم حنونة...والدليل في بداية رسالتج تقولين:انج تكتبين رسالتج وأنتي تبكين....وأنج كل يوم تحسين بندم و تحسين أنج تقسين معاها...
الأم القاسية عمرها ماتعترف بخطأها أو تقصيرها مع أبنائها.
واللي أقوله لك باختصار:أعرضي عليها طبيب نفسي ...لاترددين..لأنج إذاسكتي عليها راح يزيد عليها الأمر... وهذا من واقع تجربتي مع إبني الثالث من أول ما جبته،خالتي (أم زوجي)ساكنه معاي في البيت...كانت وايد تحبه من بين عيالي،فصارت تهتم فيه كثير وتأكله وتشربه و تخليه ينام عندها إلى ما صار تعلق فيها..في هذا الوقت كانت تمر فيني ظروف نفسية من زوجي وخالتي...فما حسيت بحنية مع ولدي لأنه بعيد عني ،وقام يأخذ طبايع خالتي ولايبيني.والحمد لله الحين ولدي عمره9سنوات.. والحين هو متعلق فيني جدآ.رغم أنه تصرفاته فيهامن بنتك :عنيد ،كثير المهاوشات مع أخوانه الكبار..ما عنده اصدقاء..رغم أنه إجتماعي،بس مايعرف كيف يكسبهم ..يشتكي من التأتأة ..عنده تبول لاإرادي في الليل،وعرضنا عليه لطبيب قال:أنه ما يشتكي من مرض عضوي، إ نما نفسي..ويشتكي من صعوبة التعبير وإجاباته دائمآ مختصرة لدرجةأنه أثرعلى مستواه الدراسي...وكل هذا بسبب إنه كنت بعيدة عنه يوم أنه صغير ..وما أعطيته الحنان الكافي..رغم أنه كان غصبآ عني..وقبل أسبوعين،رحت لموعده في المستشفى في قسم أمراض البلع والتخاطب والدكتورة في هذا القسم هي دكتورة نفسية للأطفال....في بداية الأمر أناكنت مثلج خايفة أنه ما راح يتقبل هالشي لأن هوجدآذكي ،ويعرف يميزبين الأطباء...لكن من أول مقابلة هو حس بارتياح رغم إنه من النوع الخجول..إلا أنه قام يتكلم معاها..وأعطتني الدكتورة نصائح في كفيية علاجه وتحسين نطقه والتعبير في ما يحس فيه..واللهم لك الحمد والمنة أنه في خلال الأسبوعين لاحظت التحسن..وإني الحمد الله صرت متعلقة فيه وأحن عليه وألمه وأبوسه(رغم في السابق ماكنت أسويله كذه) لأنه في داخلي أنه مريض ويحتاج لعناية خاصة...أدري أختي أني طولت عليج ..بس حبيت أقولج تجربتي لأني فعلآ خايفة على بنتج مثلج ..وأتمنى لها الشفاء والستر والعافية وأتمنى أني أسمع منج أخبار طيبة عنها.... ودمتي أختك (أم عبدالعزيز).

عزيزتي مطر الصباح
مشكلتك قريبه كثير من مشكلتي مع بنتي
بس انا استفدت من موضوعك وقررت اغير معاملتي معها

الله يساعدني وإياك لحل مشكلتنا ويحنن قلوبنا على بناتنا ويحفظهن من كل سوء ......... آميييييييين
:26: