يلا انفضوا غبار الكسل وتحدوا انفسكم

مساء الخير

حابه اكتب لكم موضوع اليوم يشجعني ويشجعكم بنفس الوقت

ولاتزعلوا من كلامي لأنه موجه لي لاني نزلت وزني ورجعت اكل وتكاسلت وبدء يرتفع للأسف

بالله من جد مامليتوا وانتوا تدوروا من ريجيم لريجيم؟؟

نسويه يومين بعدين نحووووس الدنيا ونخبص

وش الفايده

خلاص العيد على الابواب اذا ربي احيانا مابقى غير 4 شهور تذكروا الملابس الكشخه والي ماتجي الا عالاجسام

الحلوه

تذكروا ان كل اكله تاكلونها راح تدفعوا ثمنها غالي ومايروح هالكيلو الا بجهد وحرب وريجيم عشان ينزل

الأكل موجود مو جود الاكل موجود اقنعوا نفسكم بهالشي

يعني والله ماراح تصكر المطاعم ولا راح تنتهي الدنيا لو حرمنا نفسنا شويه

الحلا فيه الشوكلاتات فيه المعجنات فيه كل شي موجود رسخوا في عقلكم انه ماراح يطير

بس جسمنا الا طار وصار منفوش:09:

من قوله يالله اليوم مايضر ولا يوم مفتوح ولا بكره ببدء ولا ولا ولا.........الخ

من حجج سخيفه عشان نمتع نفسنا

والين متى راح نضعف عند كبسه ولا بشاميل ولا ورق عنب ولا حلا ولا دونات قولولي الين متى

الين متى بنقعد بحسرتنا بكل مناسبه ونشوف الاجسا:09:ام والقوامات الممشوقه

ومن اليوم ورايح ماراح تهزمني قطعه حلا ولا شيبس ولا دونات ولا كنافه

لازم نكبح شهيتنا

يعني بيجي يوم من الأيام وباكل هالاكل يعني ماراح يطير

برمجوا هالفكره بعقلكم

بس بعد ما اكون نحفت وصار جسمي واااااو و عندي ثقه بنفسي


واروح باذن الله في رمضان اختار اللبس الي يعجبني مو الي يدخل فيني

واعيد وانا مبسوطه وخفيفه مثل الفراشه

اكلتي وبعدين؟؟

وش استفدتي غير الحسره والندم وتأنيب الضمير

وربي ماتسوى علينا هاللقمه الي تخرب تعب الايام كله

وكله كووووووووم واليوم المفتوح كوم ثاني يخرب تعب اسبوع كامل ويزيد وزنك:(

انا بقاطعه لأني ارجع بصعوبه للدايت من بعد ما اكون خبصت الدنيا ورجعت الي نقصته بأسبوع وكفاح وتعب ورياضه

وجوع

اليوم المفتوح حلو بعد شهر

بعد مانزلتي عدد مايستهان فيه

من الكيلوات

بنات وش رايكم؟؟

هل انا على حق ؟

وهالكلام كتبته لنفسي بالدرجه الاولى