السلام عليكم ورحمة الله وبركاته
الله يجزاها خير اللي تعرف علاج لربو وضيق التنفس عند النوم او حتى غير النوم تدلني عليه
والله لا ليلي ليل ولا نهاري نهار
ما اقدر انسدح من كثر ما اكح وانكتم احس خلاص ما اقدر اخذ اكسجين :44: ومن كثر ماني مكتومه صار صدري يوجعني ولا اقدر اخذ نفس عميق احس صدري مررره يوجعني
اخذ بخاخ فنتولين <اتوقع كذا اسمه بس ولا كني اخذ شي ما فاد :icon33:
الله يحقق مرادها اللي ترد علي او ترفع الموضع
ولا تنسوني من دعائكم بالشفاء العاجل
شاركي في النقاش
سجلي الدخول لإضافة تعليق.
التعليقات
10- الله يعينك اختي انا برضو عندي ربو
والله ولو انك ماحلفتيني توني ماخذه بخاخ فونتلين لاني مشيت شويه ع السير
وترى زياده الوزن لها دوور كبير في الكتمه
انا فيني وانا صغيره يعني قبل لايزيد وزني
اول شي اول ماتجيك ازمة الربو خذي بخاخ على طول وانا افضل الي لونه بنفسجي
افضل من الفونتلين الرصاصي حتى انه اغلى بكثير منه
لا تتساهلين فيها وتقولين شويه وبتروح
ثاني شي اكبر غلط تسوينه انك تنامين على ظهرك او جنبك اليسار
لاااااااااا غلط
حاولي تنامين او تنسدحين فقط على جنبك اليمين وحطي مخدتين تحت راسك
وارفعي شوي نفسك ع المخده
صدقيني راح تخف الازمه شوي وبترتاحين
حاولي وقتها ماتتكلمين كثير ولاتسوين اي مجهود
وانا عن نفسي لما تجيني الازمه مااقدر اتنفس من فمي اتعب كثير واحسه يزيد
اقعد اتنفس من انفي وارتااااح شوي
هذي اشياء مبدئيه سويها بالبيت اذا ماارتحتي روحي المستشفى - الله يشفيك ويشفي كل من أبتلي به بنتي عمرها سنة ومعها حساسية
قسم بالله تقطع قلبي لمن تجيها الأزمة...
أنصحك إختي تروحين لإسماعيل رسلان طبيب معروف في الرياض
بإذن الله بتنسين شي إسمه ربو عالج حالات كثير من ضمنهم كبار في السن...
لازم تروحين للعيادة وتحجزين بدفع مقدم 200 ريال ...
ودي أكتب لك عنوانه بس والله ما أعرفه
سوي بحث عنه وبتلقين العنوان.... - عسى الله يشفيكم وربي جربته فبنتي صغيره عمرها ست سنوات كانت تنكتم وتكح وتعاني ومن تجري او تتعب بس لو شوي تتعذب واتعذب معها وياكم مره نركض بها عالمستشفى تتغير عيونها وفمها يصير ازرق وتصيح من رجولها قسم بالله تحزن وكنت شايله منها هم مايعلم به الا الله كيف ادخلها المدرسه وهي بهالشكل وكيف بتحمل البرد اذا جاء
وسبحان من فرج همي قالت لي اختي شمميها الثوم دقي الثوم ناعم وشمميه البنت كم مره لين يروح عنها المرض
وفعلا سويته لها دقيت الثوم ناعم وخليتها تشمه واقول لها علشان ياماما تقدرين تلعبين وتروح عنتس الكحه والتعب
ويارب لك الحمد ارتحنا وراح المرض وراحت الكتمه وتفتحت الشعب الهوائيه وراح نقص الاكسجين وراحت الكحه الحين تلعب وتركض ومافيها شي الحمد لله
بس ابغى تدعون لي ربي يشفي امي ولايحرمني شوفتها - والله انا نفسك معي ربو ومرت علي ايام قلت خلاص باموت منها بس ذحين انا اذا حسيت البخاخ مانفع اخذ حبوب ليه عليها حدود 9 سنوات بس ماارتاح الا معاها مره روووعه تبعد عنك الضيق والكحه والأزيز والصفير اللي يضايق وقت النوم وانا صرفه ليه دكتور من مستشفى الجامعه اذا تبغي اسمه وطريقته ارسلي ليه ياقلبي
- اوراق الجوافة عندالعطار تغلي ثم تشرب تحطين ثلاث اواربع اوراق
ينضف الصدر ويوسع الشعب الهوائية
مرة في اليوم وبياله شاي لاتكثرين اول مرة واذا ناسبك كرري
فيه دكتور شاطر عن تجربه انا وعيالي في جدة مستوصف بدرالدين في عنيكش
محمود شاطر وناس تجيه من كل مكان
مواضيع مشابهة
تابعي تجارب أخرى من هذا القسم.