شاركي في النقاش

سجلي الدخول لإضافة تعليق.

التعليقات

55
  1. @khsrt_hyaty

    صاحبة الموضوع
    حنان
    معاك حق 
    لان زوجي فيه الغرور
    ومركزه في الدوام يخليه يترفع
    الاحظ انه تغير وصاربس همه نفسه
    وانا لازلت احن لايامنا الاولى
    ويبي له  فن التطنيش لكن من يملكه
    الجازي
    فعلا والله مايبيلهم النوعيه هذي الا كذا
    يرتاح ونرتاح
    شرفتم موضوعي واستفدت
  2. @fdoook

    الله يعينك
    عندنا وعندك خير يعمري
    ولا تكدرين خاطرش
    انا يوم يرجع زوجي من السفر
    احسه بيكون تعبان
    وهمة النومة والاكل
    اجهز له اكل معتبر
    والبيت فل ومعطر ومبخر
    ونا وعيالي مرتبين كنه يوم عيد
    واهلي وارحب بحدود
    علشان لا يعجبه وكل يوم ينط يسافر
    واحس حياتنا استغفر الله حرب ما هي زواج
    واعرف اني لوسويت ليلة رومنسية يتنقلب كارثة
    وحاليا مو متحملة كوارث
    بس لا بد اجرب
    علشان خاطري
  3. @mshaghb_aolady

    والله ما كل الرجال يحبون الحركات بعضهم يكتفي بزوجته تستقبله وهي متشيكه وواحديبغها مسوي حركات والاخر يبغها محضره وجبه دسمه همه بطنه المهم من هذا كله الواحده هي عارفه اش لي يسعد زوجها فكل واحده لا تقلد احد تسوي شي االي هي عارف انه بيسعد زوجها انا عني اعرف زوجي لما يكون غايب يحب لما يرجع استقبله وانا كاشخه والغرفه فيها حركات ينبسط وما اكلف على نفسي يعني الموجود اهم شي النضافه
  4. @hthyan_4

    فعلاً احنا مو بهذلنا غير التقليد والمقارنات كل وحده تسوي ليلة رومانسية مدري ايش تنزلها هنا بالمنتدى وتقول تعالو طبقو اولاً احنا ايش دخلنا بالحركات اللي تسوينها مع زوجك ولزوجك هذا شيء من خصوصياتك المفروض مايطلع برا غرفة النوم مو برا البيت بعد ثاني شيء ناسيه ان الاذواق تختلف والتفكير يختلف والنفسيات تختلف والبيئات تختلف حتى الاخوان والخوات من ام واب مستحيل تقولي تفكيرهم واحد او ذوقهم واحد كذا ربي خلقنا مختلفين .. أنا مااقول تطنش الوحده زوجها او ماتسعى لتغيير حياتها للأفضل لكن قبل ماتبدأ بهالشيء تدرس شخصية زوجها مثل مانقول تجس نبضه ومدى تقبله للموضوع ومن هالنقطة تقدر تعرف اذا هالشيء اللي بتصلحه في مصلحتها ولا ضدهااا وترا الرومانسية مو محتاجه هذا كله الرومانسية مشاعر قبل كل شيء وايحاءات نفسيه ممكن بورد طبيعي وإضاءة خافته وعطر توصلين لها أما الأشياء اللي أقراها يسوونها البنات مبالغ فيها وتاليتها البنت تقلب نجار من كثر ماتطقق بالخشب ولا حاملة أثقال من كثر ماتشيل وتحط بالسرير وتقلب الغرفة كأنها محل أبو ريالين من زحمة الأشياء اللي فيها وكلها خنبقة في خنبقة ولو كلاس الترتيب والبساطة والنعومة وعدم التكلف في كل شيء والكلمة الحلوه والنفسية الرايقة هي اللي تخلق العاطفة الجياشة بين الزوجين ...  

تابعي تجارب أخرى من هذا القسم.