شاركي في النقاش

سجلي الدخول لإضافة تعليق.

التعليقات

792
  1. أروووووووووووما

    تسلمين الغاليه وربي يسهل ولادتج انتي بعد .. عليج بالمشي من تدخلين التاسع ..
    المخدر يحطون لج اكسجين مثل الكمامه على ويهج .. انصحج لا تآخذينه لانه يخليج تنامين ويبرد الويع تراه .. وعقبه بتمين مدوخه لا بتقدرين تدفعين ولا تولدين .. هذا الي تعبني انا اكثر في الولاده .

    زوجي شو اسويبه متفيج هايج الساعه شافني هلكت وقال يالله بغير لها جو بهذا الكلام
  2. arooma
    طيب أم عـبـدالـرحـمـن انتي كيف شايفة نفسك ؟؟؟ هل كنتي تاكلين واايد و شهيتك مفتوحة على الاكل و الحين لأ ولا شو الفرق؟؟؟؟
    بنتي كنت 24 ساعه اطحن ... كله آكل واكلي يكون دسم .. واكثر شي جبس مقلي .. لكن حملي هذا شهيتي قليله .. واذا تغديت ما تعشيت واذا تعشيت اكون قبلها مب متغديه واكثر شي سلطة وفواكه .. يعني كرهت اللحوم هالمره والبيض والحليب ... بس مستانسه اني ضعفانه
  3. أم عـبـدالـرحـمـن
    بنتي كنت 24 ساعه اطحن ... كله آكل واكلي يكون دسم .. واكثر شي جبس مقلي .. لكن حملي هذا شهيتي قليله .. واذا تغديت ما تعشيت واذا تعشيت اكون قبلها مب متغديه واكثر شي سلطة وفواكه .. يعني كرهت اللحوم هالمره والبيض والحليب ... بس مستانسه اني ضعفا…
    هلا والله خواتي شخباركم الصراحة أنا بسوي كوبي للكلام اللي بكتبه ما فيني أكتبه وعقب ما يطلع عاد إحنا العرب متعايزين يالله كييييف ؟ :)

    رسيل : ما شا ءالله على بناتج والله عجيبات ما شاء الله وموقفج والله يضحك والله وزين كانت الدكتورة طويلة البال :)

    قوارير : الله يحفظج حبيبتي ويحفظ لج محمد ولدج وكل غالي يارب والله القيصرية مريحة بس تعب شكلي بجيب بقيصرية عشان آلام الظهر والله كريم ...

    أم حماني : فديتها شواخي من هي في بطنج تعبتج لين ما طلعت الله يحفظها وإن شاء الله الياهل بيجي وبيخليها تحس بالمسؤولية وإن شاء الله ما تتعبين بالتوفيق بينهم يارب ...

    حنين الفهد : يا حبي لسوالفج والله أعيش الأحداث ,,, لا ن شا ءالله هالولادة مسهلة يارب ولاتتعبين فيها إن شاء الله وكل خواتي بعد....

    أروما : شكلج خاااااااايفة وواااايد تسألين عشان تتطمنين وأنا والله أخوف منج بس أدش لمواضيع خواتي اللي ولدوا وأقراها ويزول الخوف والحمد لله على كل حال ... الله ييسر علينا الحمل يارب والولادة ..

    نوني حبيبتي الله يوفقج ويحفظج ....

    إمرأة شرقية بنفتقدج والله ...

    ضاع إسمي ...راعية مبدأ شخباركم حبيباتي إن شاء الله تمام ؟! دوووووووووم يارب
  4. حزينة على طول
    هلا والله خواتي شخباركم الصراحة أنا بسوي كوبي للكلام اللي بكتبه ما فيني أكتبه وعقب ما يطلع عاد إحنا العرب متعايزين يالله كييييف ؟ :) رسيل : ما شا ءالله على بناتج والله عجيبات ما شاء الله وموقفج والله يضحك والله وزين كانت الدكتورة طويلة ا…
    خواتي أنا ببدأ الدورة مالت الكمبيوتر بإذن الله يوم السبت وببدى وياها حفظ القرآن كاملا لين الولادة بمعدل 5 صفحات يوميا تعرفون شو اللي خلاني أتشجع ؟

    جات حرمة تعزي جدتي وتعرفها من زمان (هالكلام أمس) المهم جابت معاها بنتها الكبيرة ومعاها ولدها وهذول ماشاء الله عليهم ناس معروفين بالصلاح فقالت لأمي عن المشروع اللي في مساجد الشارقة كلها وهو عن حفظ القرآن كاملا لمدة 4 شهور بالمعدل المذكور وأنا من زمان خاطري أحفظ القرآن كامل عشان أقرأه يوم الولادة بدال الصراخ والأنين ( حلوة هذي ) :) فسبحان الله هذول الأسبوعين أموري متيسرة بفضل الله والله يا خواتي أدعيلكم دايما المهم إن طريقة تسميعي بتكون عن طريق التلفون يعني كل يوم أسمع خمس صفحات وأمي معاي بعد والله يقدرنا يارب ولا تنسوني من دعواتكم خواتي ..وأنا بعد ما بنساكم إن شاء الله ...


    خواتي الحبيبات من منطلق خوفي الطبيعي :) ليش الممرضات يوم يكشفون على الرحم كم مفتوح يعور ؟ والله كم من موضوع قريته وكلهم يخافون من هالشي ..يعني ليه يدخلون إيدهم؟.

    رسيل حبيبتي أنا بعد والله ركبتي وطالع واليسرى بالذات تعورني وأمي تقول لي إشربي حليب والله كريم ...الله يعافيج يا إختي ويعافي كل أمة محمد...


    أريد أتكلم الصراحة ما مليت من الكتابة :)
  5. حزينة على طول
    خواتي أنا ببدأ الدورة مالت الكمبيوتر بإذن الله يوم السبت وببدى وياها حفظ القرآن كاملا لين الولادة بمعدل 5 صفحات يوميا تعرفون شو اللي خلاني أتشجع ؟ جات حرمة تعزي جدتي وتعرفها من زمان (هالكلام أمس) المهم جابت معاها بنتها الكبيرة ومعاها ولد…
    رسيل حبيبتي سامحيني لأني ما طرشت لج الرسايل وأشكرج الصراحة على نصايحج ...

    صار لي أسبوعين وسبحان الله أموري متيسرة وحاولت أصلح حالي مع زوجي بس الله يشهد إنه ما يحاول يسوي شي بس يفرض آرائه على أهلي وآخر كلامه خليها ترجع البيت وتدخل غرفتها ولا تسلم على أي حد وتقعد ثلاث أربع شهور من غير محد يكلمها عشان تحس بغلطتها ....إنا لله وإنا إليه راجعون ,,,,من الغلطان ؟ أنا أو إنته أو الأهل ؟ ! والله أحس إني أحيانا أعيش بصراع لو حد فتح موضوع زوجي بس أقعد أصلي عالنبي فوق ال500 مرة وسبحان الله أحس براحة من قراري والله يا خواتي أنا ما أحبذ فكرة الطلاق بس زوجي من ألحين يفكر يتزوج الثانية يتبع أسلوب الهرب من مواجهة المشكلة وحلها ... وعمتي وخواته كل يوم كلام وكلام وكلااااااام وأنا تعبت والله ما أعرف شو أقول وشو أسوي بس أصلي إستخارة والله كريم يا أخواتي الله ييسر أموري وأمور كل المسلمين .........

تابعي تجارب أخرى من هذا القسم.