شاركي في النقاش

سجلي الدخول لإضافة تعليق.

التعليقات

46
  1. @hgran2012

    اول شي المفروض تعرفين سبب طلاقه و بعدين قرري
    اختي بعمرك و تقدم لها واحد مطلق بنت عمه و طبعاً قال سبب طلاقه أنه يبي زوجته لما يطلعون يتمشون تلبس سكيني و تلبس عباية كتف و تحط مكياج <<<<<<< بالله هذا رجال عاقل
    طبعاً على طول ابوي رفضه
    ومايمنع انه البنت تتزوج مطلق بس لازم تعرفون اسباب طلاقه و تسألون عنه و كيذا يعني
  2. حبيبتي اولا استخيري الله واستشيري من هم اكبر منك وناقشي والديك في الموضوع وخذي برايهم
    والاخت الي تقول المطلق عنده بلاوي لا ياختي كذا انتي ظلمتي كل المطلقين اصابعك ماهي سو في مطلقين زوجاتهم هم السبب في الطلاق وانتي كذا حكمتي على كل مطلق ومطلقها بالفشل
    الطلاق ليس نهاية المطاف لكل الطرفين اعرف ناس تطلقوا وبداءو حياة جديدة وناجحه
  3. لانك بتكونين مسئولة عن ولد موب ولدك لو حتى كان نيتك سليمة وقصدك التربية ومثلا ضربتية او هاوشتية او منعتيه عن اي شئ بيحطونك شينه ومرت الابو الكريهه , ابوه واهل ابوه دائم راح يكونون بصف الولد ضدك , الولد راح يكون مدلع من الجميع و لازم تتحملين هالدلع الماصخ , الام اللي هي الام تهاوش وتربي واحيانا تضرب لكن ماحد يقول لها شئ لانها امه لكن انت بتصير ثومه مأكولة ومذمومة , بكرة الولد لتهاوش مع عيالك الابو بيصف ولده لانه اكيد بيشوفك بتصفين بصف عيالك حتى لو كنت تصفين بوجهه الحق بتشوفين التفرقه بين ولده و باقي عياله منك لان حاس بتأنيب الضمير على الولد

    الخصوصية انسيها خصوصا اول الايام و حلاوتها و شهر العسل والسفرات و بكل شئ بيكون معكم حتى بالطلعات تحسبينه بيترك ولده اكيد بياخذه معه وبيجي ايام بيروح ينام مع الولد ويخليك لوحدك لان الولد بيصير قلق وتعالي لصارت امه ماتخاف الله وش بيصير بتقلب الولد عليك و تعالي فككي وحوسي

    الابو بيصير عنده تجارب سابقة وبيصير شديد معك و كلامي من اللي اشوفه يعني مثلا ( وهذه افتراضات وامثله )

    طلق زوجته لانها مهمله وماتطبخ انت بيصير المجهر عليك مرتين لو يوم تعبتي ماراح يعذر لانه مايبي يعيد الخطأ والتجربة
    لو طلقيته راعية صرف ووتسوق راح يبخل عليك و يضيق عليك

    وراح يصير فيه مقارنات ابشرك سواء من زوجك بداخلة ولا من اهلة

    والشئ الثاني بيصير تواصل بين زوجك وطلقيته عشان الولد ولا تقدرين تتكلمين وماتدرين مع الايام يمكن يحن قلبة ويرجعها عشان ولده

    وتأكدي من سبب الطلاق يمكن زوجته عسل و هو الله يستر عليه ولا ممكن اهله كثير صاروا يتطلقون بسببه الاهل الله يستر عليهم

    انا اقول مثل امك و خالاتك وش لك بالطاليب و الهم خذي واحد مثلك عزابي , تجربون الزواج مع بعض اول شهر عسل مع بعض الحمل الاول اللحظات الصغيرة والولد الاول اللحظات الصغيرة هذه هي اللي تحلي الزواج

    وشوفي الرجال كيف يخافون على نفسهم ويعرفون مصلحتهم لو انه مطلق او معدد او شايب مايدور الا البكر تتوقعين ليه عشان الفراش بس , لا طبعا عشان يكون هو اول رجال بحياتها من كل النواحي ومايبون مقارنات ووجع راس ولو عندها ولد ندرة الندرة يرضون فيه وهم يتزوجون عشان بنات الناس تربي عيالهم

    فكري بالموضوع و امك ابخص و ماتبي لك الا الراحة
  4. @shadn_16

    يعني انتي فاضية تربين وتصالين عيال الناس
    الحين الواحد عياله يالله يقدر عليهم بيقعد يربي عيال الناس

تابعي تجارب أخرى من هذا القسم.