كيف اسوي شوربة الذره الحلوه؟

اخواتي الغاليات

ابي طريقة شوربة الكريمه بالذره الحلوه مثل المطعم الصيني

وابي طرق شوربات بس سههههله يمديني اسويها اذا جيت من الدوام


وشكككككرا لكم

5 تعليق 3,199 مشاهدة

شاركي في النقاش

سجلي الدخول لإضافة تعليق.

التعليقات

5
  1. @rtroth

    حبيبتي شوفي اسويها بطريقه شوي غريبه بس مشي حالك لذذيذه مره
    جيبي شوربة خلاصة الدجاج حقت ماجي وبعدين سيوها لىالنار ولو عندي مسلوقة دجاج حلو المهم وبعدين جيبي دجاج مسلوق مفتت صغار مره وحطيه عليها وبعده الذره وسكر لحد ماتوصل للطعم المطلوب
    هيا اخر شئ جيبيا الصفايه وفكي عليها حبة بيضه علشان تسير خيوطط في الشوربه
    وعلى فكره خليها شوي تخينه لو ماسارت تخينه
    حطي شوي نشا مع مويه وحطيها عليها



    عندك شوربة الطماطم والبطاطس والجزر والكوس نفس الطريقه وهي
    كشني شويه بصل مع تحميس عليه شوية دقيق وبعدين حطي الطماطم وحطي معاه حبه بطاطسه
    اما البطاطس والجزر بس لوحدها
    المهم ولما تستوي حطيها كلها في الخلاط واخر شئ حطي عليه كريمة الخفق او قشطه او شوي حليب بوني غير المحلى
    وبالهنا والعافيه ياااارب
  2. @kmor6

    اسلقي صدر دجاجه مع ملعقه صغيره خل وملح واذا استوى الدجاج طلعيه وفككيه بالشوكه ورجعيه للمويه اللى سلقتيه فيها اضيفى له ذره اما معلبه او مثلجه واتركيه يغلى لمدة ربع ساعه ثخنى قوام الشوربه بملعقه نشا مذوبه بقليل من الماء واضيفي رشة فلفل اسود وملعقة سكر والهنا والعافيه
  3. @aaaoysh

    بعطيج طريقة شوربة ..... يم يم يم ....

    شوربة البروكولي ..

    تاخذين شوية بروكولي وشوية قرنبيط (زهرة) تسلقينهم شوي ..بيستوون بسرعة
    وتاخذين بطاطس تقشرينة وتقطعينه وتسلقينه .. بيستوي بسرعه ..
    بعدين خلطي البروكولي مع القرنبيط مع البطاطس في خلاط العصير بيصيرون صلصة غليظه ..
    رجعيهم على النار وصبي عليهم شوية كريمة .... ملحي وبهري حسب الذوق ..

    اخذي كم قطعة توست صغير ورشي عليه جبن مبشور ودخليه الفرن ليما يتحمر

    صبي الشوربة في وعاء التقديم ... ورصي الخبز بالجبن على السطح...

    اكلي وادعي لي :)
  4. @aaaoysh

    طريقة شوربة ثانية.. شوربة الدجاج مع الخضار

    اخذي افخاذ دجاج مع العظم (أحلى) واسلقيهم في ماي ومكعب ماجي مع شوية بهارات صحيحة (فلفل أسود - مسمار - دارسين)... واسلقي مع الدجاج جزر مقطع مكعبات + بطاطس مكعبات لحد ما يستوون ...

    قبل لا تقدمين الشوربة... خذي نص كاس ماي بارد وذوبي فيه 1ملعقى أكل (متروسة) نشا (كورن فلاور) ... لما تشوفين الشوربة تغلي وايد .. صبي النشا ... بتشوفينها تغلظ شوي .. وقدميها

    وبالعافية ,,,, (اذا عجبوج خبريني)
  5. @ghla_21

    صاحبة الموضوع
    اشكررررررررررررررركم اخواتي
    ماقصرتوا وجزاكم الله خير

    وكلها طرق سهله وان شاء الله بسويهاااااا

تابعي تجارب أخرى من هذا القسم.