ملابس الزوجة عند حمولتهااااااا ... نقاش جاد

الحمدلله الذي عافانا مما ابتلاها
هي وحده من ثنتين انها كانت مكبوته وتتمنى تجرب المشخلع والقصير وهي عند اهلها وماقدرت والزواج بالنسبه لها الفرج عشان تلبس وتتحرر ومن الشفاحه ماعاد تدرين وين تلبس فيه ودها تجرب كل شي بسرعه وبكل محل ومكان ههههههه حتى ملابس النوم الله يعافيها ولا يبتلى مسلمه
هنا الغلط على زوجها من الافضل يقول لها هاللبس في حدود البيت لكن عند الناس اصلا مايجوز بس اذا هو بلا خوف من الله وقليل دين عاد شي ثاني ماينشره عليها


او ان الاهل غلطو بالاختيار كان الاولى يأخذون وحده تناسبهم وتناسب دينهم وبيئتهم الا اذا كانت من الفئه الي فوق وانغشو فيها


الاهم ان الام تقولها هاللبس لا تلبسينه عندي ولا عند ضيوفي اذا فعلا قصير جدا وفاضح ومايناسب انسانه سويه مسلمه
براحتها اذا بتزعل اهم شي الانسان يرضي ربه
مايدور رضاها على حساب الله

حبيبتي عندنا وعندكم خير سلايفي الجديدات 3 كلهم لبسهم عاري وقصير فوق الركبه وبيت حمولتي مليان رجال فرضا لو راحت المطبخ اولغرفه وشافها احد
لاحيا منها ولاغيره من رجالها وياويلي لواتكلم لان خوات زوجي عاجبهم لبسهم ودايم يمدحون بلبسهم وانه على الموضه
وانا اقول الله لايبارك بلبس يدخلني النار يازين الحشمه
الله يهدينا ويهديهم النصيحه الايام هذي يفسرونها على انها غيره وحسد احسدها على ذنب وغضب الله الحمد لله والشكر

لي وجهة نظر
اذا كانت هالزوجه عروسه جديده وساكنه مع اهل زوجها على طول ماعندها بيت مستقل يعني فاانا اعذرها لانها زوجه جديده وبفعلها هذا قاعده تعف زوجها وتبهره وجزاها الله خير اللي عافه زوجها وعيونه عن الحرام وتمتعه في نفسها ولها كل الحق
اما اذا ان لها بيتها المستقل الخاص فمالها عذر والمفروض تتستر عند الخروج لاهل زوجها
ولو انها ساكنه مع اهل زوجها ومتضايقين من لبسها ف خلاص يقولون لولدهم يستقل بنفسه بشقه خاصه والسلام وهي بتكون زوجته اول الفرحانين بهالخبر
اما معاهم ساكنه على طول وعروس جديده وتبغونها باكمام ماصارت الصراحه اجل ايش الفرق بينها وبين اخواته في نظرة!!!
انا مااايد السكن مع اهل الزوج مره مضاره اكثر من منافعه والزمن تغير المفروض كل واحد يستقل بنفسه بشقه حتى لو في عمارة وحده عادي اهم شي كل واحد ينستر بشقته والسلام ويقفل عليه بابه وينستر