اااخ بنتي 12سنه تتفرج على افلام وسخه من الايباد ارجوا الدخول من الحكيمات فقط

السلام عليكم جميعا
بنات ولله رجولي ترجف وخانقتني العبره كانت امنيتها الايباد وانا اعرفها مو راعيه هالخرابيط كل وقتها لعب ودايم تحت عينيي واشيك كل يوم وكل لحظه ماشفت شي شين منها بالمره لدرجه اذا دخلت غرفتي اخذته منها حتى لو مانامت بس مابي شي من وراي
وابوها نفس الشي محرصها ومهددها اذا لقى شي بيسحبه منها للابد
دخلت غرفتي انوم اختها وشفتها منسجمه مع مقاطع كاميرا خفيه باليوتيوب رحمتها وقلت تتسلى فيه الين اطلع وطلعت وكانت شابكه السماعات يعني ماسمعتني وما درت الا وانا فوق راسها
واشوفها كاتبه بالسيرش كلمه اغتصاب اااااااخ بس حسيت اني كرهتها وكل الحنيه والبرائه الي فيها انتهت ولله
وكذا مقطع مو واحد ولا اثنين ومعظمها الافلام المصريه القديمه وشي اجنبي
اخذته بدون اي كلمه ودخلت غرفتي وهي تبكي عند الباب وتقول غصب عني يعني تحاول تبري نفسها
الحين مادري وش اسوي ولازم اعلم ابوها عشان حتى هو ينتبه ويدري ان الي بيدها دمار ولازم يساعدني عليها بس اعلمه وهي ماتعرف انه داري
وش رايكم احرمها منها كم يوم
والا كيف اتصرف ولله مرره محتاره
الله يكفيها شره يارب ومن قال امين
والي بتنقد ليه تجيبون لها لو بيدي ماجبته ولا شمت ريحته بس الشكوى لله غصب عني

99 تعليق 32,021 مشاهدة

شاركي في النقاش

سجلي الدخول لإضافة تعليق.

التعليقات

90
  1. @roooofh

    يا اختي اعطيها بس وقفي النت واليو توب من القيود واالبنت في هذي السن تبغى تعرف عن كل شي تسمعه الله يصلحها
  2. @baathr_ordh

    حبيبتي للاسف نبي نوووفر لهم كل شي واحنى عارفين انه مو فصالحهم
    بس على قولگ الشكوى لله

    انا اقولك حلي شيلي الايباد منها شهر شهرين عشان يكون لها عقاب
    والشي الثاني عندك فالاعدادت حقت الايباد مكتوب قيود يحجب اليوتوب والكاميرا وحتى سفاري تبع النت وتحطي له رقم سري ماتعرفه
  3. @dl_my

    هذا الشي سمعته من صديقاتها
    لمن كنت بالمتوسط اسمع مثل هالسواليف
    ولمن اقول ماأدري يضكحون
    وانا عاد أعلم امي وكانت تشرح لي بأسلوب زين
    بس هي مستحيه تقولك ماما شمعنى هذا ولا هذا


    الحل :
    رجعي لها بعد فتره ، بس يكفي انها حست بالذنب حاليا
    ولا تقولين لأبوها ماتدرين وش يسوي يمكن يضربها او شي ماتسوا عليك
    بس لاتخلين طول الوقت تكون على الأيباد
    خليها تتفرج تلفزيون تقرا كتب
    اي شي
  4. ياعمري الله يصلحها

    ماكنت حابه اطلع ولا ارد لكن فيه طريقه بل ايفون والايباد والايبود تسوينها تلغي كل المقاطع الي ماتصلح للاطفال

    وفيه وحده بعد كانت حاطه موضوع عن الطريقه انو تكتبين سن بنتك كم عمرها وخلاص اذا سوت سيرش تطلع لها بس المقاطع الخاصه بهالعمر اتمنى اني افدتك

    ادعيلي بتسهيل امري

تابعي تجارب أخرى من هذا القسم.