ابموت من الغبن زوجي حسبي الله ونعم الوكيل

حبيبتي ارجوك
اكتبي الكلام اللي بتقولينه لها وبتستفيد منه هنا


لان فيه غيرها كثير يواجه نفس المشكلة ويبي يستفيد ويعرف يحل مشاكلة بمساعدة الاخرين:44:

الله يعينك ويصبرك ويفرج همك

اشكر كم على دعواتكم لي و تعاطفكم معي يا بنات اخيرا في احد حس باللي اعانيه ولا سخف باللي حسه
لكن بعض الردود زادتني هم على همي يا بنات انا من يوم اخذته وانا كنت ابي الطلاق بس ماحد عبرني لكن الحين بعد هذي السنوات والاطفال صعبة جدا
يا بنات انا في بيتي احس اني قاعده في شي ملكي ماحد له فضل علي انام اقوم اطبخ ماحد ينهرني او يتضايق من وجودي او وجدود اطفالي
احس اني لو بارجع لاهلي بارجع زي الضيفة الثقيلة واطفالي ما اقدر اخليهم لو يوم واحد هذولي قطعه مني
وبالنسبه لبعض البنات افهموا شخصيتي غلط\انا موب انسانة سلبيه بالعكس لي شخصية وشخصية قوية لدرجة ان امي وابوي يتأثرون بكلامي ويطلبون مشورتي في بعض الاحيان وماني من النوع اللي يرضخ بسهولة بالعكس اناقش واجادل واذا سار علي ظلم اتكلم وادعي ويمكن هذا اللي زاد الطين بله لان ثقافة زوجي واهله ان الزوجه تكون اله مسخرة مالها صوت ولا راي
ومابي اظلمه اواطلع نفسي ملاك انا لما اعصب من افعاله اتلفظ عليه بالفاظ مستفزة مثلا ازي موقف امس يوم قالي مافي روحه للزواج قلتله والله اني قاعده استناها متى تقولها لانك واطي ومنحط
لكن ما اتكلم عليه كذا الا اذا شفته قاعد يتفنن في ذلي واهانتي زي يحرمني من شي وياخذ عيالي يمشيهم ويرجع لي وهو يغني كانه يقول شوفيني مبسوط وعايش حياتي
وبالنسبة لللي سالت عن وضعي وثقافتي انا دارسه دبلوم وحاليا ادرس بكالريوس انتساب وبالغصب وافق اني اكمل على اني قاعده اكمل على حسابي وطبعا نفس حركاته مرة خلاص كملي مرة مافيه دراسة
انيقة جدا جدا وهذا الي تعبني اكثر انا عندي ذوق عالي واحب الافكار الجديدة في سواء في الملابس او في الديكورات في الملابس لانها مقدور عليها واهلي يعطوني احيانا فلوس ففي الغالب ما احس بالنقص في هالشي لكن في بيتي ناقص كل شي
كل ما شفت شي قلت ان شا الله اذا ربي رزقه اسويها وتقدم الافكار وتجي افكار جديدة وكل شي اقول ابسوية الناس يسوونه ويجيبون غيره وانا انتظر
اجتماعية بس من يوم اتزوجته انعزلت

وبالنسبة للي سالت اني موظفة هذا الكلام قبل الزواج اول ما اتزوجت فصلت عن الوظيفة لانها في قطاع خاص
واللي قدمت النصايح من الاخوات اله يجزاكم عني كل خير واللي دعت لي بعد
بس ارجوكم لا تدعون عليه لانه سيئ واذا دعيتم عليه اكيد بينالني نصيب من هالدعوه لاني عايشة معه ادعوا بس ان الله يسخره لي لاني مؤمنه انه مب معجز الله سبحانه