ابي رايكم بهالسالفه ....

السلام عليكم ورحمة الله وبركـــــــاته .....


بنات انا عندي موضوع محيرني وبصراحه ما اني قادره افهم!!!!!!!!!!!!!



انا لما كنت صغيره يعني وعمري تقريبا 7 سنين كنا نروح لخوالي ونجتمع عندهم من الاربعاء لعصر الجمعه وكانوا خوالي وخالاتي كلهم يجون بعوائلهم المهم وحنا الاطفال كنا نقعد نلعب مع بعض :7_5_131:..من يوم انا صغيره وهم يقولون فلان لفلانه يعني انا وولد خالي اكبر مني ب2 سنه .. انا كنت عادي سمعت الموضوع وتعلقت فيه وهو بالمثل تعلق فيني الين ما صار عمرنا تقريبا انا14 وهو 16 بعدها بحكم اني كبرت وصار حرام اكشفله ويشوفني ما عاد شفنا بعض ..بس الله يعلم انه ماراح من بالي بس قلت ماعليه ***** الله يكون للحين ذاكرني ...ولما صار عمري 20 سنه تفاجأت :oانه يفكر يخطب بنت خالتي وانا انصدمت وانهرت لحالي وقعدت ابكي والمشكله وصلني الخبر في يوم زواج اختي قبل الزفه ونفسيتي صااارت زيررو ..والمشكله بنت خالتي هاذي الثانيه ماتتغطى منه ابدا لدرجة انها كانت تذاكر معاه وهم كبار يعني تقريبا بالثانوي وامها اللي هي خالتي ما تكلمها ولا تقولها شي ..المهم انا بلعت الهم وسكت مريت بحاله ما يعلم فيها الا الله سبحانه ..بعد فتره تحسنت نفسيتي بس كنت محافظه على حبه بقلبي :heart:وما قلت لاحد خبيت الهم بصدري حتى امي ما شكيت لها لاني مو متعوده عليها بحكم انفصالها من الوالد ورجعت وانا كبيره ولاقلت لخالتي اللي ربتنا بغيلب امي ولاحد كلهم نسوا انهم كانوا يقولوا فلان لفلانه حتى هو نفسه نسى هالشي الله المستعان ....المهم بعد تقريبا سنه تقدم لبنت خالتي هاذي ورفضوا اهلها بسبب مشاكل خاصه بينهم وهو من صدمت انهم رفضوا طلع وما رجع الا بعد فتره قاعد على البحر ما قدر يستوعب انهم رفضوه وطبعا انا بعد ما تقدم لبنت خالتي شلته من بالي ونفسي رفضته ......وهو طبعا له اخت من الرضاعه اللي هي بنت خالتي وبنت عمته بنفس الوقت (****لله ما اوجع راسكم بالخارطه ) اخته هاذي مجنووونته ماتبيه يتزوج تبيه لها لحالها ومدري من وين سمعت بسالفة انه زمان كان يبيني ويحبني وقومت الدنيا وما قعدتها طلعت علي كلام وسوت سالفه انا لما دريت قعدت مسطوله اختي الكبيره ما عجبها اللي صار دقت على ولد خالي وكلمته بالموضوع وغير كذا ولد اخوي دق عليه وغسل بكرامته الارض هو واخته من الرضاعه وقام يتعذر وما بقى الا شوي ويبوس الايادي ما يبي الموضوع يكبر علشان لاتصير سالفه ... وانا من بعد هالموقف طاااح من عيني حسيت اني بالفعل خسرته وبنظري ماااات ماله وجود والحمد لله الله عانني ونسيته وقدرت اتخطاه وامحيه من ذكرياتي ...وبعدها تقريبا ب6 شهور قرر انه يتزوج بنت عمه اللي اكبر من ب7 سنين ..وبيوم زواجهم كنت الله يكرمكم بصالة حمام قاعه الافراح وقاعده اعقب على الميك اب في وقت الزفه والباب اللي يدخل معه المعرس جنب باب الحمام بالقاعه وكنت لابسه احمر فستان روعه تصميمه جنان عاااد انا مشالله كنت حلوه هذاك اليوم وبقووه:27:.. وانا قاعده اضبط شعري ما دريت الا هو واقف بالباب وهو لابس البشت ويطالعني مدري شصار حزتها دارت فيني الدنيا بس تمالكت نفسي ودخلت بسرعه وقعدت وهو دخل وزفوه وهذا الكلام بالعرس ..بس اضطر يسوي حفله ثانيه علشان فيه نااس ما قدروا يجووا للعرس وبالحفله حقته لما دخل هو وعروسته عينه ماوخرت من علي حتى اختي لا حظت هالشي ....حتى لو التقينا بمكان معاهم احسه يرتبك مرررررررررره لما يعرف اني موجوده ..والله يجنني اكثر انه يعرفني حتى وانا لابسه العبايه :pالاحظ تصرفاته انه يدري مين انا ...................ادري طولت عليكم بس والله حيرني كل ما قلت خلاص نسيته يرجع يسوي تصرف يبعثر علي الجديد والقديم ..وهو الحين بمشاكل مع زوجته لها اول مالها اخر لدرجة احتمال يصير طلاق و***** الله اني ما اضعف ورجع افكر فيه واميل لاني ماابغااااه احسه جرحني ومابغى افكر ما ابغااااااااااااه بحياتي ...وسلامتكم هاذي سالفتي وابغى رايكم فيها ولو انتوا مكاني ايش راح تسوو ن :(

23 تعليق 1,939 مشاهدة

شاركي في النقاش

سجلي الدخول لإضافة تعليق.

التعليقات

18
  1. @ksh_sbr

    لو اكون مكانك اشغل قلبي بربي

    خلي طول وقتك قران صلاه استغفار وذكر

    صدقيني م راح يجي ذكراه في بالك

    وادعي لك بالزوج الصالح ..


    الله يرزقك الزوج الصالح اللي يغنيك عنه
    وينسيك اياه

    والله يرزق كل من تبي الستر بالزوج الصآلح
  2. @zog_dlaa

    يابنت الحلال شيليه من بالك خطب مرتين وماكنتي وحدة فيهم لو يبغاكي تقدم لك وبعدين اخته مجنونته ع قولتك ليش ماردته عن الثنين الي خطب لاتزعلين مني اختي والله اني ابغى لك الخير لايوسوس لك الشيطان وحكاية يميزك بالعباية اتوقع الرجال يميزون الحريم بالعباية خاصة الي يشوفونهم باستمرار يعني تلقينه حتى بنات خوالك التانين عارفهم
    الله يعوضك بالي احسن منه ونصيحه شيليه من بالك نهائي لاتعبين اعصابك وريحي بالك
  3. @shyokh55

    لاتفكرين فيه بتاتاً الله يعوضك بأحسن منه وعلى كلامك بينهم مشاكل يعني ماتدرين من سببها
    بس انتي متعلقه فيه بسبب كلام الاهل من صغركم يعني لو فكرتي صح
    راح تلقين هالتعلق شي نفسي فقط لاغير
    الله يعوضك بأحسن منه
  4. @skoty_aathbhm

    لاتفكرين فيه بتاتاً الله يعوضك بأحسن منه وعلى كلامك بينهم مشاكل يعني ماتدرين من سببها
    بس انتي متعلقه فيه بسبب كلام الاهل من صغركم يعني لو فكرتي صح
    راح تلقين هالتعلق شي نفسي فقط لاغير
    الله يعوضك بأحسن منه

تابعي تجارب أخرى من هذا القسم.