ضربني ومحتاجه اروح اهلي

صحيح مو المفروض توصل لضرب ولازم تتناقشو بالموضوع وتوضحي وجهة نظرك ومن راي تعاتبيه على الضرب وتعتذري عن قصور نظرتك برا بوالدته خاصة انها بمدينة ثانيه لما تزوركم يكون لها مكان خاص يشعرها باهتمامكم
وتقدري تعتبريها غرفة ضيوف حتى اهلك اذا جو تستخدميها حطي فيها اكثر من سرير وجلسة بسيط وتلفزيون
اخويه الله يسعدة وزوجته جهزو غرفة لوالدتي وجدتي لانه يسكن بمدينه ثانيه عشان لما يزوروهم اهلي يكون لهم مكان مجهز لهم ياخذو راحتهم وكفايه انه قدرهم ربي يسعدهم ويرزقهم الذرية الصالحة
واجمل مافي الموضوع ان زوجته الي اختارت وجهزت وتفرح بجية اهلي ربي يسعدها خلت الكل يحبها ويقدرها نعتبرها اخت مو زوجة اخ الله لا يغير علينا
وبنفس الوقت قولي كان المفروض تطرح وجهة نظرك باسلوب افضل صدمتني بعد العشرة تمد يدك كان الحق لك الان اصبح عليك
وعلى فكرة بما انها اول مرة بعد سنوات يارب تكون الاخيرة فسامحي واحتسبي الاجر بس فهميه انك سامحتي مو ضعف لانك مقدرة ظروفة البناء يخلي الواحد أعصابه تعبانه واختلاف وجهات النظر يزيد الوضع
واتعوذي بالله من الشيطان اتجهزي لمناسبة اهلك وانبسطي الهم والوحدة ماراح تحل الموضوع بالنقاش والتفاهم والتسامح تنحل
ربي يسعدكم ويوفقكم 

بدون ما أقرأ الموضوع .. اول شيء أرد عليك .. و بعدين أقرأ

و الله لو ضربني اروح لأهلي ومعد يشوفني

يطلقني هذا هو رضاي

ردج كان استفزازي وشكله كان معصب منقبل وانتي زدته عليه

ماعليش تسرعتي بردك انه امه ماراح تعيش عنده

لو قلتيله ان شاء الله خير وسكتي كم يوم حتى لو عارفه في قلبك انها مرتاحه في بيتها وماتفكر تعيش عندكم

وشكله فهمك غلط وتسرع ومد ايده

عالعموم طنشيه لين تفتحون الموضوع بهدوء وتتفاهمون

الله يصلح حالكم

ماشاء الله لاقوة الا بالله
واضح انك انسانه تخاف الله وبتلاقين اللي تزرعينه لا تخافين
وهو غلطان 100%
الاسلوب هذا الهمجي ما يتعامل مع انسانه فيه وعايشه معاه سنين وعشره
ولو عندك لبس قديم مرتب البسيه وروحي لاهلك غيري جو

وزوجك كملي معاه
لو مشيتيتها هالمره زاد المره الجايه وصرتي ممسحه له كلما دخل لطش فيك ضرب

وبصراحه استغربت الردود اللي طلعت برا الموضوع !
الحين الام ما سوت شي
وبشهادة الحرمه انها طيبه وفي حالها
ليه هذي الردود اللي ضدها !
يعني الا تسوون زيطه وسالفه على ام الزوج ؟

نصيحه وحده معركتها الدنيا
زوجك اسفهيه
لكن لا تعاندينه في سالفة الغرفه
كل الرجال االبارين بامهاتهم كذا الحين يسوون اذا صار لهم بيت مستقل وملك
كل اللي اعرفهم كذا واللي ربي رازقهم يسوون اجنحه
غرفة الام موجوده ومأثثه ومقفله ومعها المفتاح بعض الاحيان تجي وبعض الاحيان بس شي نفسي له وللام انها مقدره ومتذكرها ولدها بغرفه في بيته
وياسرع الدنيا وانا اختك
بكره تمضي زي الساعه وتروح لقبرها ولا ينفعك الا طيب الاصل والسمعه عند زوجك وعندها والناس

حتى عيالك اذا شافوك مسويه كذا لجدتهم بيحسونه شي جميل وانت فهميهم ان هذا من حقوق الام بكره ما تدرين لاتحتاجين ويتذكرونك يسوون ما سويتي مهما صارو حريمهم قشران