ضربني ومحتاجه اروح اهلي

الله يسعدك ويسعد اخواتي اللي ردهم منطقي وعقلاني
واللي اساؤ الظن الله يسامحهم وما ودي اغثكم بمشكلتي بس والله انكم نعم الاخوات
ماكنت متوقعة احد بيرد علي لكن تفاجات بالردود الطيبة من خوات طيبات وفاهمات ومقدرات وكان ودي ارد عليهم
وحدة وحدة بس المشاركات محدودة ربي يسعدهم
والله ياعزيزتي ماقلت له اني ما ابغى امك وهو عارف اني مستحيل اقولها انا معترفة اني
قد اسات التعبير لكن اللي حصل حصل ومع ذلك متاكدة انه كان
منضغط عشان هم البناء وربي تعبت معاه في البناء 
عشان ابغا شي لازم اقناع ودوخه راس وبالنهاية تطلع ارائي صح واراءة
غلط  اما بالنسبة للحفلة هو عارف بموعدها قبل المشكله كان يبغى يروح اما اللحين
ما ادري عنه لان بعض الاخوات جزاها الله خير سالتني على الخاص وما قدرت ارسل لها عشان
محدودية المشاركات شكلها بتقولي شي المهم
والله يا اختي ماني قادرة اكلمة او حتى اركب جنبه بالسيارة ودي 
في نفسي ان المشكله ماتخف قهرني قهرني ذلني عشان اهله كيف لو سبيتهم مدري محتارة العد التنازلي بدا وامي تقولي تعالي 
وانا متضايقة مقدر اخاف تاخذ يده على الضرب قبلها دفدفني عشان بس درج البيت اختلفنا عليه واللحين آه 
كرامتي ما ارضى انه يكون كذا ما اقدر اذا اي وحدة تقدر وتتحمل ما اقدر
حتى الاهل مايشجعون ان الوحدة تلتجأ لهم لذلك افكر ماروح وانطق ببيتي ش رايكم
وفكرة الغرفة للام صراحة مرة حلوة بس ماخطرت في بالنا بحكم انها بعيدة واذا جت
في اي مكان ممكن تنام على الرحب والسعه حتى هو تو يستوعب
تصدقين قعدت افكر بالاخوات اللي دائما ينضربون الله يعينهم يارب وهل كانت بدايتهم كذا
والله خايفة ومحتارة للعلم ما قلت لخواتي قلت بس لكم انتم
ربي مايوريكم مكروة ولا ضيقة

محد قاللك لا تردين بس بأسلوب الواحد ينصح بس ماله داعي يجرج

الله يساعدك ياصحبة الموضوع وازعلي عليه عشان يعرف غلطة وفهميه انك تبينها وودك فيها بس اذا جت بنطلع الاثاث وتصير لها وقولي لو تبي غرفتي اعطيها لانه صدق عمتك زي امك وتذكري يوم من الايام بتصيرين عمه

شوفي بقولك شي
انت تحسين زوجك يحبك وشاريك ومغليك ولك عنده معزه مع انه سوى هذي الحركه وانه ندم ؟
اذا كذا اقولك روحي لاهلك في يوم الحفله وهو اللي يوديك فاهمه لا تروحين مع غيره لازم هو يوديك ضروري
وارسلي له اذا رحتي لاتجي بجلس فتره عند اهلي نفسيتي تعبانه وبعيد ترتيب حياتي وافكر فيها
لا تقولين له شي يضايقه او تقولين منيب راجعه او او
لا خليه يحسك غامضه برسالتك وفي نفس الوقت تخوفينه من فقدك
بيحاول يكلمك فاذا انت مستعده للصلح خلي جوالك مفتوح
والا سكريه يوم يومين وغيري جو فعلا روحي وتعالي معهم وانسيه وخليها زي الراحه لك من الضغط والبيت
ركزي معاي لا تسوين شي وتتركين غيره
اولا اللي فوق كله لو مثلا جا لك بنفس الليله وطلب منك ترجعين معاه كنه ماشاف الرساله ارجعي واضح ؟
ولو ما جاك وفّضل يكلمك قبل ولا لك خلقه سكري الجوال يوم يومين لا تكثرين لكن لا تتصلين عليه انت خليه هو يتصل او يرسل
اذا كلمك وطلب منك الرجعه اسكتي ووضحي له انك متضايقه بالصوت وقولي بصراحه يابو فلان كنت احسبني غاليه عندك وبعد هالسنين تضربني وانا امي وابوي ما مدو يدهم علي ؟
تضربني وانا ام عيالك ؟
تضربني وانا اهلي مستأمنيك علي ؟
لو تدري وش يقولون عنك ويمدحون فيك وانا بقلبي غصه اقول اه لو تدرون
للحين ما قدرت اقولهم وش سويت مابي تطيح هيبة ابو عيالي
وحسسيه بالذنب
بيحاول معاك ويلين معاك
بيقولك ارجعي
ارجعي وحاولي تخلينه يعوضك بهديه عارفه انها ما تسوى شي لك لكن بالنسبه للرجال تسوى
دايما الحرمه اللي تخليه يتعب ويدفع هي اللي يحبها اكثر ويحس لها هيبه ومعزه
لكن لا تفلينها معاه
خليك زعلانه وتسولفين لاترجعين معاملتك له صافيه زي اول
قولي في قلبي عليك غصه
ثم رجعي اموركم مع الايام حبه حبه مهما كان ابو عيالك لكن تعبيه حبتين

^^^^^
واذا تحسينه بايع ولا لك عنده غلا ولا معزه ولا عشره ولا ندم
فلا تسوين اللي فوق ابدا


واستخيري وكثري استغفار

خواتي العزيزات اشكر لكن من قلبي تفاعلكن معي
وان شأء الله راح اعمل كل مافيه خير وربي يعينني
بس مو معناته اسامحه على طول بسوي اللي قلتي لي
اختي وقار الشيوخ وان شاء الله تظبط
بغض النظر عن اسلوبة واللي صار كله
والله ماتصدقون اني مرررة زعلانه على نفسي
ليش مو انا اللي ذكرته بموضوع غرفة لامه
ليه فاتت علي لاحد يقول انتي ماتبينها لا والله
لكن غفلت عنها ربي لايشغلنا بالدنيا ولايجعلها
اكبر همنا وبالنسبة لغرفة الطعام باذن المولى لاتركها
لامه لاجل ربي موعشانه رفض هو
دعواتكن الطيبة بالله لاتنسوني

الحين امه ماجت ولا قالت بجي وتهاوشتو على هالسالفه

هو غلطان يمد يده واتخذي موقف علشان لا يظن ان هالشي سهل عندك
و ردك انتي بعد ماكان له داعي كان سايرتيه وقلتي نفرشها ونعطيها غرفه ثانيه
او
اذا صارت بتجي بنفضي غرفة ان شاء الله وان ماشالتها الارض احطها بعيوني

ترى الرجال حساسين من ناحيه امهاتهم وحتى لو ماتقصدين بيفهمونها خطا