ابي مشورتكم الله يفرج همومكم

يااختي استخيري كثري استغفار واعزمي ع القرار لاتستعجلين وفي نفس الوقت لاتجاملين ترا الطلاق امره مو هين بس طلاق الحين بالملكه ولا بعد الزواج

واضح من كلامك انك اصلن مو معطيتنه فرصه يحببك فيه او حتى تتقبلينه
اذا انتي ما بتدورين غير الشي الشين فيه كذا كفت الطلاق بترجح لك
بس شوفي الاشياء الكويسه فيه اتركيك من الشكل ووسيم ومو وسيم اهم من الشكل كلامه ثقافته
تعامله معك هذي هي الاشياء الي بتدوم مو الشكل

مادري وش اقولك
بس ابوك كلمه انك تبين الطلاق ولو رجعتي قلتي لا خلاص ابيه يمكن هو يستحقرك لان الرجال مو لعبه مره ايه ومره لا

حاسه فيك الله يعينك
استخيري

الله يجزاكم خير كلكم .. بس انا حبيت اوضح اكثر لاني كتبت الموضوع بسرعه .. انا ما قد بينت له اني ما اتقبله حتى يوم طلبت الطلاق قلت لاهلي يقولون له انها هي ماتبي الزواج علشان ما ودي اجرح مشاعره ..بس هو بصراحه جماله اقل من المتوسط بكثير يعني مره مهب حلو .. وانا خايفه اني ما اعطيه حقوقه بعد الزواج يعني اخاف اظلمه .. انا حاولت كثير واذا بعدت عنه فتره اقول اني خلاص اقدر امشي حياتي معه بس اذا شفته احس اني مستحيل اقدر اكمل معه .. واللي زايد مشكلتي انه مره طيب معي ومهب مقصر معي يعني لو كان غير كذا كان صار الطلاق اهون علي .. يعني انا مره متحسفه عليه صرت اتمنى وحده من خواتي تاخذه .. وانا الحين في حيره ما ادري اسمع كلام امي والا ابوي .. امي تقول اتركيه احسن ما تجيني بكره وانتي حامل والا عندك بزر .. مع ان امي من اول كانت تقنعني فيه .. وابوي يقولي بتندمين وهو مره متحسف عليه ..

طيب من البدايه ما كنتي مرتاحه له ولا لك رغبه فيه وافقتي لييييش ؟
تجاملين اهلك يعني الزواج والارتباط مافيه شي اسمه أستحي او أخاف
والمفروض ما يكون عندك أدنى تردد عن الشخص تكونين موافقه وانتي واثقه
من موافقتك ..
حبيت أعطيك هذي ^ الدباجه عشان تتعلمين من حياتك انو الامور الجاده اللي
فيها تحديد مصير ل ساعدتك مات تجاملين فيها ولا تتسرعين
الحل
انك تستخيرين الله في هذا الزواج اكثر من مره وتجلسين بينك وبين نفسك وتشوفين
اسباب موافقتك له وأسباب عدم موافقتك له بالعربي كل وحده فينا ي البنات يكون عندنا
هدف معين من الزواج وكل بنت هدفها الرئيسي ،الاستقرار والامومه، وبعدها تجي الامور
الثانويه وكل بنت وتطلعاتها لهذا الزوج انتي شوفي وش تبين بالظبط بدون تسرع
لكن اذا حسيني انو عن جد مافيك تحبينه ولا تتخيلين انو هذا الزوج اللي تحلمين فيه
أنا اقول الانفصال الان أحسن من بعد الدخله اللي هو الزواج
والله يسخر لك اللي فيه الخير لك في الدنيا والآخرة ي رب ..