مرحبا صبايا كيفكم ان شاء الله بخير ...... ادخل بالموضوووع على طول
اخوي الله يحفظه متزوج من 4 سنين تقريبآ وعنده ولدين فديتهم المهم من يوم تزوج وهو مو مرتاح لزوجته لأنه تزوجها واحنا بالاساس مانعرفها صح من جماعتنا بس مانعرف البنت وعن سنعها في البيت بس سبحان الله نصيب وسالفه زواجهم قصه بحد ذاتها
المهم كان يشتكي منها كثير يقول ماتنظف وما تهتم في ولدها ومادري ايش واحنا نصبره ونقول صغيره وبتتعلم شوي شوي علمناها بس هي الله يهديها الاحضها تزعل منا واحنا والله مانبي حريم اخواني يضحكون عليها وهي ماتبينا احنا بيهم وتتقبل منهم بس منا احنا ماتتقبل ابد تزعل وتروح تتشكى على زوجة اخوي الثانيه وتقول هم ملاقيف يتلقفون حتى إذا رحنا عندهم عشاء نساعدها ونغسل معاها بس تتضايق والسبب اخوي الله يهديه يقول خلي خواتي يعلمونك وتعلمي كيف تغسلين الحمام زين وبدون اسراف لانه قالها نظفي راحت كبت الكلوركس كله والفلاش ماكفاها يوم الا هو مخلص ويهاوشها هو تعب منها وهي تعبت منه واخنا محتارين فيهم مره ماودي العيال يضيعون بينهم جلسو فتره طويله وهم على هالحال وبعدين ماعاد سمعت عنهم اي سالفه وقلت في نفسي الحمد لله تعدل وضعهم المهم اخوي قبل امس جاني وقالي والله تعبت معاها مره وابي اتزوج وارتاح انا انصدمت ليه حرام عليك خاف على عيالك وعليها هي قال انا تعبت والله تعبت انا قلبي يتقطع لما اروح عند الناس والقى تقديم القهوه والنظافه والاكل كلها عال العال وانا افكر في اللي عندي لو اعزم احد راح اتفشل منهم انا اصحابي بالدوام ينادوني بس اصرفهم عشان لو رحت لازم اعزمهم وغير كذا الاثاث اثثت بيتها من افخم الاثاث ومالقيت اهتمام ابد التحف شريت لها تحف وتكسرت
بيته اغلب التحف من ايكيا والانارات بعد من ايكيا بس كلها راحت فيها يقول وش اسوي مالي الا اتزوج انا من يوم قالي الكلام ذا ما قدرت اتكلم ومادري وش اقول البنت ارحمها مره وماودي تتضرر من اخوي وفوق ذا اولاده اخاف عليهم يتعقدون من اللي يشوفونه الولد الكبير يفهم ماشاء الله عليه واخاف يأثر عليه ويتعقد :icon33:
دلوني وش اسوي والله اني تعبانه من كثر التفكير واخاف تتطور الحاله ويطلقها لا سمح الله :44:
الموضوع مغلق