كل تفكيري في اخوي وزوجته يارب سترك//اكتفى من الردود

اخوج الله يهديه يعني أشوف ماله عذر قوي علشان يتزوج عليها

بس شكله هو مشتهي الزواج و حط هالسبب عذر وبعدين اخوج من صجه يعني الزواج الثاني بيحل المشكلة!!!

قولي لاخوج ترا مافي انسان كامل مثل ما انت ما يعجبك هالشي فيها تلاقيها بعد أهي شايفه فيك أشياء ما تعجبها وهذا طبيعي في البشر لان الكمال لله وحده .


وبعدين انتي ليش سكتي لما قال بتزوج!! ، المفروض تهدينه و تركدينه وذكريه بمخافة الله فيها و في عيالها و اشلون الحمل و المسؤولية بتزيدون عليه وغير هذا اهو عند الله محاسب علي اي تقصير لها و لعياله
وخليه اييب خدامه مثل ما اقترحت وحده من البنات وانتي حاولي ترسلين لها فيديوهات من اليوتيوب عن طريقة ترتيب البيت وقولي لها بطريقة حلوه ان هالشي لايق على بيتها وراح يعجب اخوج لانج تعرفين ذوقه وراح يعشقها ويزيد حبه لها علشان سوت نفس الترتيب اللي في باله هو.


ولا تشيلين بقلبج عليها لانه واضح من ردودج ان في قلبج شي عليها و شايله بخاطرج وصدقيني اذا صفيتي نيتج راح تتسنع وحاولي تنسين وعديها ترا مافي انسان كامل حتى انا وانتي وان شا الله مع الوقت تصير علاقتها زينه و تتعدل

طيب اذا كان على نظافة البيت ليه مايجيب لها شغاله والمسكينة عندها عيال تلحق على ايش ولا ايش

اختي قولي لاخوك يتفاهم مع مرته بالكلام الطيب ووقت مايشوفها مروقه او يكلم امها

اما انتي واخواتك اخاف بعدين تصير مشكلة بينها وبين زوجها و تحقد وتدعي عليكم والناس بتنظر لكم بنظرة انكم خربتوا بيتها -الناس يسبقون الشر دايم-  

ياقلبي لنفرض أنه تزوج عليها ,, من باب العدل يوم لها ويوم للضره صح ,, يعني نص حياته راح يعيشها مع الاولى والبيت مو نظيف ,, يعني مااستفاد شيء (( بيطلع من مشكله قله النظافه وبيبقى على مشاكل الضراير )) ,, الخدامه خيار افضل من الزواج ,, والزوجه مو ملزوم تنظف وإذا كانت يخدمونها في بيت أهلها لازم يجيب لها خدامها ,, واتوقع الموضوع مو موضوع خدامه الموضوع اكبر بس يمكن هو مستحي يقول لك ,,