نحيـــــفه وأبي اسمن (تم دمج المواضيع المتشابهه )

احس من سابع المستحيلات اسمن
ماخليت شي ماستعملته ولا فاد
حتى سبروفيتا اللي فادتني قبل سنه اللحين ماتنفع
واذا زدت كم كيلو جاتني نزله معويه وخسرت هالكيلوات
ياناس من يعرف حل لمشكلتي
قسسسسم تعبت من النحافه خواتي دايم يمصخروني والناس كل ماشافوني قالو امك ماتوكلك
الله يسمنا من غير شر

بسم الله الرحمن الرحيم
السلام عليكم ورحمة الله وبركاته
حبيباتي
اكيد عرفتم اني اعاني من النحافه الزايده وزني 37 وان زاد 38 فمراهقتي كنت 33 تخيلوا هالوزن
انواع الاحراج
1- تعليقات الناس (انتي نحيفه -ليش انتي عظام - انتي ماتاكلين .............الخ )
2- الثقه(معدومه اذاصرت جالسه مع احد غير اهلي
ارتبك اتعلثم الصوت مبحوح ارتجف بس اخاف من نظراتهم لي اقول اكيد يستهزءون فيني وهلم من الهواجيس
3- اللبس (مالقى شي يليق لي صح فيه مقاسي سمول لكن موزين علي ابدا والحذر الحذر من اني البس كم عاري او قصير لازم طويل انحرمت من الملابس الي كمها قصير والتنانير المديم لازم البس شرابات
4- النفسيه (زفت على زفت كارهه نفسي لاقصى حد ماتتخيلون شلون هالكره
5- اخر شي افكر فيه اني (اطالع نفسي في المرايه
ياربي لك الحمد
6- الزواجات حدث ولا حرج انواع المهزله والتريقه انا انا اتريق على نفسي اضحك على نفسي
الفستان معاناه لحد مالقاه ولازم كم طويل ياليــــــــــــــــــــــــــــــــــــــــــــــل ماطولك


الحين تبون تعرفون النتايج
نتايج نحافتي وماسوت فيني

1- اصبت بمرض الرهاب الاجتماعي
2- كرهت نفسي
3- فشلت في دراستي
4- انطويت على نفسي تقوقعت
5- لم اتزوج الى الان (اصلا من المرأه الصاحيه العاقله الي بتزوج ولدها وحده مثلي اللهم لك الحمد )
6- اصبت بمرض الامبالاه بالنفس ماهتم بنفسي ولابشكلي ولا بلبسي ولا شي
7- انعزلت عن العالم اقسم بالله بعض اقاربي مايعرفوني لاني ماقابلهم كثير
8- فقدت ثقتي بنفسي كثيرا لدرجه اتحاشى ان اقف بجانب فتاه جميله
9- احيانا احس اني ولد ليس لي صدر ولا ارداف
ولا وجه ممتلئ
اخيرا
1- اتمنى ان لاتنظرون لي بعين الشفقه اتمنى تساعدوني لاتتركوني
2- لاتعتقدون اني لم اذهب الى دكتور بل ذهبت
وكشفت
3- لاتعتقدون اني لم اجرب خلطات بل جربت الكثير ولم يفد معي
4 -جربت فواتح للشهيه لم ينفع


اتمنى ان مااكون ازعجتكم او ضايقت على احد بس ابغى المجربين تكفون الي سمنت على شي تقولي وش


والسلام خير الختام