(تجارب المطلقات) دعونا نتشارك بمعاناتنا واراءنا وتطلعاتنا لبناء مستقبل جديد

قهوة بالبندق

انا معاك في كل كلمة قلتيها احنا تونا صغار والبنات اللي في عمرنا مو احس منا الفرق ان احنا دخلنا تجربة والله ما اراد لها النجاح والاستمرار.. واحنا بالذات المفروض نفكر مليون مرة قبل لا ندخل في تجربة ثانية ويكون مصيرها الفشل.. والزواج من رجل متزوج صعب جدا لانه اكيد راح تكون فيه مواجهات ومشاكل واحنا كفاية علينا اللي شفناه في التجربة السابقة ..

um jana
والله يا بعد قلبي انا اواجه نفس الاحساس احس مستحيل احب شخص ثاني غير زوجي السابق صعب وللاسف كلامك صح ان المجتمع ينظر لنا ان احنا درجة ثانية << الحين بتكفخنا قهوة بالبندق
بس انتي يا اختي ما عندك اطفال ؟؟؟؟؟
بس مالنا الا تقبل الواقع وهذا قضاء وقدر والله يصبرنا وهذا اكيد ابتلاء من رب العالمين وجزانا عنده اكيد.

بس يا بنات انا احس بالوحدة لان اهلي الله يهديهم والله انه حتى سؤال ما يسألون عني وانا ساكنة في شقة بروحي مع بنوتاتي الله يحفظهم.

ولا احد من اهلي يدري اني تطلقت ما عدا أمي واخواني وخواتي وكم صديقة مقربة جدا.

احس ما اقدر اقول لاحد اني تطلقلت والكل حاط في باله انه احنا اسعد زوجين في الدنيا لاني كنت دايما اخبي مشاكلي حتى عن أمي .. الله يعين.

مشكورة يالغالية ومشكورين كلكم ياللي رديتوا علي الله يوفقكم ويسعدكم ..
حبيباتي اختي راجعت عند طبيبة بمستشفى الملك فهد العيادات التخصصية
وما استفادت بالعكس احسها حاست ابو الدنيا تدرون وش سوت ؟ قامت تسألها
عن الطلاق وش سبب الطلاق ؟ وليش ما اصلحتوا ؟ ومافيه امل الحين ترجعين له؟
ومن هالكلام فرجعت اختي لنا وهي حاسة اننا ظلمناها وانا فصلناها عن انسان يحبها
والله العظيم يابنات انها مايحبها ولا فكر فيها عسى الله ينتقم منه الي كسر فرحتنا وفرحتها
وجرح امي وابوي لليوم هذا ... والله قابل ابوي بالمحكمة ولا سلم عليه يقول يالله زهبتوا
الفلوس ؟؟؟؟؟؟؟؟؟؟؟؟؟؟؟؟؟؟؟؟؟

اختي راجعت عند الدكتورة مرتين وعطتها دوا سيروكسات عشان القلق والتوتر وصارت تنام
بعدين نساية درجة اولى تنسى وين تحط جوالها وتقعد تهاوش البيت كله وين حطيت جوالي ساعدوني
دوروا عليه والبيت ينقلب فوق حدر عشان نست جوالها ليش ؟؟ الغالية قاعدة تفكر بأحلام وذكريات
تلوع الكبد .. وطول الوقت تقول كان اصلحتوا ..


تقولون نوديها دورات وثقة بالنفس يابنات هي مو راضية حتى طلعة السوق ماتطلع واذا طلعت ملت بسرعة وطلبتنا نرجع للبيت .. ولما تجلس مع ناس اغراب ماتصدق يسألونها انت متزوجة او لا تقول لهم على طول مطلقة وتشرح لهم الخارطة كللللللللللللللللللللها تعبت اقول لها غسيلك لا تنشرينه لأي احد المشكلة انه اي احد ينصحها تقول شفتوا يقولون سوي كذا وكذا على الرغم من اننا نصحناها بهالشيء لكن ماتقبل منا وصارت تاكل بدون ماتحس اربع وعشرين ساعة تاكل ماشا ءالله عليها انا خايفة عليها صار شكلها مو حلو ... مدري وش اسوي معها يابنات والله تعبت ..

هلا انانسة كيفك وكيف عيالك .. ياحليلك الله يسعدك يارب شفتي لقافة شايلة هم الكل .. بس يارب تنحل مشكلة اختي وتتزوج واحد يقدرها وترتاح من هالحالة الي هي فيها ..
يابنات هي تركت القراءة يعني بس تحب تشوف الصور بالمجلات اذا شدتها الصورة تحاول تقرأ لأن قراءاتها صارت ضعيفة بسبب تركها للقراءة فترة طويلة وصارت تتهجأ .. مابي احد يقول عن اختي انها جاهلة او امية .. مدري وش اقول الله يفرج همها وهمكم ...



تصدقين لما افكر بالزواج او يجيني احد افكر الف مليون مرة فيها مدري وش اسوي مو اني خايفة انها بتخرب علي لأن قلبها ابيض بس من الي هي فيه بس انا خايفة عليها من القهر والحزن اذا شافتني عروسة وهي لا لأن الي اصغر منها متزوجات وعندهم عيال وهي لا .. ولما تشوف عيالهم تلعبهم بعدين تروح تبكي لحالها وتقول ياريتني تحملت زوجي الاول على الاقل اجيب منه طفل ..؟

الله يفرج همكم وهمها