مشكلتي مع زوجي

السلام عليكم
اخواتي حصلت بيني وبين زوجي مشكلة اتمنى انكم تشوفوا انا غلطانه ولاهو
طبعا انا بيتي من يوم ما تزوجت كان ناقص أشياء كثيرة وبحكم انه كان يدرس انتساب في الجامعه وكمان عنده ديون الزواج انا ماكنت اطلب منه انه يكمل النواقص في البيت وكنت اصرف على نفسي من مكافأة الجامعة وبس ولنا اربعة سنين وخلصنا طبعا خلص الدين اللي كان عليه وخلص الجامعه اللحين بديت اعدل في البيت واكمل الناقص وما شاء الله راتبه زاد ومع ذلك يقول ماعندي ماعندي وكل ما طلبت شيء يقول ماعندي المهم سوينا بويه للبيت كامل كلفت 5000 ووعدني انه في شهر 3يستلم جمعية ونكمل الباقي طبعا جاء شهر 3ه قلتله فين الجمعيه قلي رفعتها استني لمن يعطوني البونس اكمل البيت سكت الين جاء شهر شعبان قلتله ها بنكمل ولا لسه قال والله البونس ماجاء قلتله طيب اقل شيء غير الكراسي والمغاسل حق الحمامات خربانه والله اتفشل لو احد جاء عندي كلها خربانه طبعا غير مغسلة وكرسي الحمام اللي احنا نستخدمه وحق الضيوف لسه باقي واشترى نجف التكلفة لكل اللي سواه 1700 وامس كنا نتكلم واسأله عن فلوس شفتها في درج السيارة طبعا مبلغ كبير وقلتله اعطيني منه اكمل البيت واعطيك لمن استلم حافز قالي فلوسي مالك صلاح فيها لا تحاسبين وتسأليني انا زعلت منه وقلت اجل مين له صلاح في الفلوس وانا والله ما طلبتها الا اني ابغى اعير غرفة المعيشة وقالي انتي هبلة ما ادري كيف تفكيرك تبغي تغيري البيت كله وعقلك ناقص والله اني بس كنت بكمل الناقص واغير موكيت غرفة المعيشة لانه له سته سنين وسار وسخ مره واجيب انتريه لمدخل البيت لانه فاضي بالله انا غلطانه في شيء وايش الحل برأيكم اللي عندها حل تساعدني فيه

21 تعليق 4,533 مشاهدة

شاركي في النقاش

سجلي الدخول لإضافة تعليق.

التعليقات

20
  1. @mtgr_dy_alkmr

    حبيبتي انتي عودتيه والا المفروض ماتحطي من فلوسك للبيت مدام يشتغل وراتبه حلو
    حاولي كل شهر تعدلين شي وتحاولي تقنعيه والله يسهل امورك .
  2. @mtohm

    بيبو حبيبة زوجها
    ألله يكون بعونك وانأختك بس نصيحه ياقلبي حافزلك مولبيته بوجهه موبوجهك دلعي نفسك ولاتعطيه هلله
    لامنتب غلطانه طبعا هذا بيتك من حقك تأثثينه كامل على حسب مقدرته انتي صبرتي عليه اول وجا وقت يعوضك خاصة انه اذا فعلا الفلوس اللي شفتيها حقته اساليه مجمعها لييه ولميين واذا عنده مخطط لشي ثاني يقووللك انتي زوجته وشريكته ولا تتنازلين عن حقك لكننن بالسياااسيه مو بالغصب حني عليه لاتسكتين
  3. انتي عودتيه من البدايه تصرفين وهذا اكبر غلط

    لاتصرفين على البيت من حافز لك مو للبيت اشتي فيها لنفسك حبيبتي .|. وحاولي تناقشينه بالموضوع بهدوء وشوشي الاساليب الي ممكن يتفهم بها واتبعيها

تابعي تجارب أخرى من هذا القسم.