وانا اقرا انلحس مخي
لاني مو مستوعبه انو نوصل له التفكير
الوحده فيكن تكتب موضوع يجيب الهم ل القاريء
ولو احد رد قلتو ليش الهجوم وليه وليه وانواع التبليغات وتبثرونا كلن تقتبس وتسب
الحين انا مو متصوره صراحه اللي جالسه اقراه
يعني انتي تبين تمشين العالم ع كيفتس؟ ي اختي الزواج مهو غصب
المره تبي تخطب ولدها ل بنت اختها الله يوفقهم بنت اختها ترا
ولابعد من زين الامور تدعين انو م يتم الزواج ؟ اعوذ ب الله ليش طيب الحقد والحسد ؟
كونكم تربيتو انتي وبنات عمتس ف بيت واحد م يعني انو لازم نصيبكم يكون واحد
وان كلكم تنحشرون ف حموله وحده وانكن ي الاخوات تأخذن اخوان
تتكلمين وكلتس قهر وغبنه ليش ؟ عشان تبي تخطب البنت ل ولدها ؟ والمشكله تتحسبين
طيب انتي قذفتي البنت ب لفه يوم قلتي ( تعطي الصالح ل بنت استغفرالله) ؟
شلون ( بنت استغفرالله) انتي هنا تشككين ف اخلاقها انها ماش
ويوم تقولين تلبس قصير ومزلط ومادري وشو يعني خلاص ب سبب هالملابس اطلقتي الحكم
انها ( بنت استغفرالله) ليش يعني كل من لبست هاللبس تكون تعبانه وداشره ومش ولابد ؟
ورجلتس اول شيء تعذربين فيه ثمين تقولين ( احبه احبه واغار عليه)
يعني م عليش م عرفنا ليش كل هالاعتراض ع العمه عشان بنت عمتس ؟
ولا عشان اخت اللي ب يخطبونها وسالفتها مع رجلتس ؟
ولا عشان تلبس عريان ولا عشان رجلتس م يحتك فيهم ولا عشان غشتكم ف عيالها ؟
حددي موقفتس ؟ تقولين انتي ي طويلة العمر ان جاكم علم ان فلان يحشش وعلمتي ابوتس
ورفضتو عقب جات عمتكم واقنعتكم طيب انتي ليش توافقين؟
طالما العلم جا من برا ب يكون اكثر مصداقيه
من العلم اللي ب يجي من نفس العائله
يعني ليش م صدقتو الناس اللي برا ؟
واللي غالباً مالهم اي مصلحه ف انهم يكذبون عليكم لانو عرف عن الناس
المدح حتى لو الشخص ردي يمدحونو
وطبيعي الام والاخت ب يرفعون ف عيالهم ويخلون من الصالحين حتى لونهم محششين وخريجين سجون
يعني هنا الغلط غلطتس انتي
مع انو مادري ليش مقهوره ع هالنقطه وانتي تقولين
( احبه)
دام حبيتيه خلاص ادعي لو ب الهدايه ولا هجي بيتكم لين يتأدب ولا عاونيه ع العلاج
بس تجين وتسبين ف البنت عشان بس لبسها ؟ وتدعين ان الزواج م يتم ؟
هذا اصلاً م يجوز هذا حسد ولا تبررين حسدتس ف بنت عمتس وانها يتيمه وضعيفه
ليش هو م في رجاجيل الا عيال هالعمه؟
م كثر الله ف هالدنيا الا الرجال واطلق من عيال عمتس بعد
ورزقها اللي اله كاتبو لها ب يجيها
يمكن ربي كاتب لها زوج صالح اطلق من ذا
ويبيها تطلع عن العائله عشان راحتها
ونصيبها يكون متخلف تماماً عنكم
هل تعلمين انتي الحكمه من هالسالفه؟
ي اختي هذا اعتراض ع المكتوب يمكن الله كاتب لو يأخذ بنت خالتو وش دخلتس تعترضين وتتلقفين؟
غصب هو الزواج ؟
الحرمه تبي تزوج ولدها واعتقد انتس انتي حي الله بنت عمو م انتي امو ولا اختو عشان تعترضين
وتدعين ومير الدعاوي م هي ضاره الا انتي ل انها دعوه من غير وجه حق
حتى بعض الاخوات م يتدخلون ف خطبة اخوانهم وانتي تجين تدخلين ف خطبة ولد عمتس واخو رجلتس ؟
وسالفة انهم يجتمعون ويدشرون هالشيء انتو تتحملون غلطو ليش ساكتين؟ ليش م تعلمون كبيركم؟
عاجبكم هالوضع ؟ صدق انتي غريبه حتى وانا اقرا حسيت مادري شلون كنكم من كوكب ثاني
وترا عمتكم م هي ملزومه تخطبكم ل عيالها حتى لو كنتو بنات عمهم
عيالها هي اللي ربتهم وكبرتهم ومن حقها تختار لهم اللي تبي
وهي اختارتكن انتن لانو النصيب هيك
( حتى وان بعض العوائل ل شافو ولدهم زين يطلعونو والشين يدبسونو ف بنات العائله)
لكن ب النهايه م هي ملزومه ب كيفها
مثل م انتي لو كبرو عيالتس تختارين لهم اللي تبين بدون اي تدخل من فلانه وعلانه
عمتي بتخطب لولدها بنت اختها... وانا؟؟ ليش تزوجني ذا؟
متابعة النقاش، صفحة 12