العيش المشلتت يامصـــريات وحواءيات تعالو

السلام عليكم


ابغى طريقة العيش المشلتت بس يكون على الصاج

اللي تعرف ياليت تفيدني

ويكون مثل للي بالصورة




9 تعليق 2,067 مشاهدة

شاركي في النقاش

سجلي الدخول لإضافة تعليق.

التعليقات

9
  1. @am_aaadm

    شوفي ياقلبي
    طريقتة شوي صعبة او بمعنى أصح متعبة بس النتيجة روووووعة

    دقيق أبيض
    نشاء
    ملح
    ماء
    زبدة
    سكر ناعم

    تخلطي الدقيق مع النشاء والملح وتعجنيهم
    حتى تحصلي على عجينة ناعمة ملساء
    تقسميها اربع كور
    وتتركيها ترتاح لمدة ساعة

    بعدين .. تاخذي الكورة الأولى وتفرديها بالزبدة ( يعني تحطي على الطاولة شزية زبدة وتفردي العجينة عليها )
    وكل شوي تبلي يدك بالزبدة وتفردي
    حتى تحصلي على قرص من العجينة كبير وشبة شفاف
    اعدهنية بالزبدة ورشي علية شوووووي سكر ناعم ( شوي بس لا تكثري )
    وبعدين لفيها بشكل رول وبعدين بشكل حلزوني
    زي كذا " واعتذر من صاحبة الصورة نزلتها للشرح فقط وليست لي " !









    بعدين حطيها على جنب واشتغلي بكورة العجينة الثانية
    نفس طريقة الأولة بالضبط وحطيها على جنب
    وكملي باقي كور العجينة بنفس الطريقة

    وبعدين خوذي اول كورة لفيتيها وافرديها من جديد
    وادهنيها بالزبدة والقليل جداً من السكر

    ولفيها بشكل اسطواني ثم حلزوني " زي ماعملنا اول
    ويكون عندك الصاج حار حطيها عليه على نار هادئة
    واضغطي عليها بمنشفة نظيفه
    ثم اقلبيها على الوجة الآخر ولما تتحمر شيليها
    وكملي باقي عجينتك بنفس الطريقة

    ملاحظة مهمة .. كل ما لفيتي وفردتي كل ماطلعت معك احلى واطعم
    يعني حاولي تفرديها وتلفيها وترجعي تفرديها وتلفيها وتفرديها وتلفيها ثلاث اربع مرات بتتكون عندك طبقات كثيرة ورقيقة ومررررة تطلع لذيدة
    بس اهم شيء خلي يدك بالزبدة وادهني ورققي العجينة على قد ماتقدري !
    وبإمكانك تستغني عن السكر
    وايضاً ممكن تدخليها الفرن بدل ماتحطيها على الصاج !

    وعلى قلبك بالعافية

تابعي تجارب أخرى من هذا القسم.