شاركي في النقاش

سجلي الدخول لإضافة تعليق.

التعليقات

204
  1. @marigold

    الله يجزيكي خير يارب و يشفيكي ويعافي المسلمين اجمعين
    طيب هي ليش سوت لك السحر و شو كان الغرض منه تفريق واللا ايش
    حسبي الله على ساحر وساحرة
  2. @ghsn_alfrh

    الحمدلله على سلامتك ..ويارب لك الحمد على شفاءك..والتحصين له فوائد عديده..


    سلمت أنآملك الرآئعه..
    وجوزيتي خير الجزآء..
  3. @rgh_aaaklh

    صاحبة الموضوع
    السلام عليكم اخواتي معليش اتاخرت بس المنتدى ما يسمح لاكتر من سته مشاراكات في اليوم ...
    اخواتي الله يسمع منكم واشكر من كل قلبي كل من دعت لي بالشفاء وتمام العافيه افرحني تشاركم معايا

    الاخت الي بكت من قصتي ابغى اقولك الحمدلله انا افضل من غيري كثير يارب يجعلك سالمه معافاة من كل شر

    اما عزيزتي الي اندمجت في القصه وانفجعت من صوت اختها موتييني من الضحك يارب يديم عليكي الافراح

    اختي الليله قماري جلست طول العصريه اكتب لك على الخاص وبعدين مارضيت تترسل اكتشفت اني مثلك ما وصلت 50
    مشاركه
    بس ممكن اقولك باختصار اول شي الكوابيس هادي شي طبيعي جدا كانت في حياتي اليوميه وكنت اشوف اشكال شي مو طبيعي مرعبة ومخيفه لدرجة احيانا اصحى القي نفسي اتنفس بسرعه وقلبي يدق بسرعه واحيانا كمان اكون عرقانه من كتر الخوف والمصارعه كأنها حقيقه ..
    بالنسبه للاسماء صراحه مدري انفع اقولها ولا لا بس هيا من اسمائهم بس كنت انادي اخويا باسم معين وبعدين طلع اخويا معيون والعين له نفس الاسم الي كنت اناديه فيه
    اما اخوكي المريض من وصفك قريب جدا لحالتي ولازم معاه متابعه وتحمل وصبر مثل ما صبروا اهلي عليا
    الصلاه من اقوى الاشياء الي كانت تتعني امكن عشان كده ما يرضى يصلي , والترويش وما ادراكي ما الترويش كان قضيه لحالو لاني اول ما ابدا بالترويش احس فس في احد معايا في الحمام الين بطلت اتروش بعدين ساروا اختي او امي يروشوني غصب بالماء والمح الخشن والسدر بس كل مره احطوا شي
    النحف الي فيه اخوكي انا مريت بنفس الشي التفصيل في قصتي تلاقيها
    يارب اشفيكم ويعافيكم ويرد كيد الساحره في نحرها يارب

    وحيدة القمر الحمدلله انا الحمدلله بخير وعافية بس اذا ما داومت على القراءه فتره ارجع اتعب شويه بس مو كتير ولمن سالت كان الجواب اذا الانسان اتعالج من دي الاشياء لازم يستمر لانه احتمال كتير يمرض تاني.. شكرا على السؤال ياعسل

    ريم الريم..... سؤالك ضحكني من جد لان اي انسان راح يخاف بس انا كنت مريضه جدا ومدة طويله يعني اربع سنوات والاستحضار او نقول اني بسم الله كنت اتحول فجاه واتغير صوتي ونظرتي فاخواني في الاول كانوا ينفجعوا وبعدين ساروا شويه شويه يسالوني انا مين عشان يعرفوا واذا جوابي مو مظبوط يسيبوني في حالي و عموما لمن كنت اطيح في اي مكان عرفوا النظام يسكوا الباب ويروحوا يجروا ينادوا على بابا او ماما او اختي ...
    هم تؤام صغار ماشالله كانوا اولى ابتدائي تقريبا

    غنوجه وكتاكيت تسالوني معجبين بالقوه الي اتمعت فيها ترى مو انا هنا كان نتيجة الدعاء والاية (ألا ان نصر الله قريب )والايه ( فانصرنا على القوم الكافرين)
    غير الياس الي كنت احس فيه واني حاموت وان الدنيا سوده وان مافي حل واني عمري محى اتعافي من شدة المرض بس كان دايما بابا يقول هدا توهم يوهمك هوا بسم الله عشان تياسي وتوقفي قراءه ورقيه وتحصين وكل مايزيد الاحساس دا زيدي انتي تقرب من الله لان هادا الشي يتعبهم ويحرقهم ودايما يردد (إن كيد الشيطان كان ضعيفا)
    الامل والقوه والاراده كانت من الله عز وجل ثم من وقفة اهلي معايا ولمن اطيح واسير مو انا واتغير بابا كان يستلم القراءه والرقيه لدرجة احايانا كنت اشوفوا وصل من العمل اقوم اجري اندس عشان لا يقرى عليا خخخخ ادري شي يضحك بس ما كنت انا الي اسوي كده
    اقوم استحي من نفسي ماما تدعي الين تتفقع عيونها من البكى وبابا يقرى وحريص عليا وانا ما اقوم بالدور حقي فكنت اسوي الي اقدر عليه عشان ارضيهم ويحسوا اني فعلا بدي اتعافي وحابة وقفتهم معايا هادا سر الاراده والقوى

    ورود الامل سؤالك عن الفتره الي ما كنت ادري اني مريضه فيها صح كلامك طويله بس السحر لمن سار شويه شويه سرت اتغير وحسيت باشياء بديت احسها في دا العمر وهيا للافاده
    1- خوفي من الجلوس لحالي
    2- احساسي ان احد واقف ورايا واشمي ورايا لمن امشي
    3- كثر الجاثوم الي تصحي وتحسي احد حابسك ما تقدري تقومي
    4- كرهي العجيب من كل شي
    5- حبي للجلوس لحالي في غير اوقات الصلاه
    6- حلمي المتكرر للحيوانات (الكلاب والاسود)
    7-الصداع المستمر بدون اسباب
    8- دايما مسخنه وحراره في جسمي بس لمن احد يحس حرارتي يقول طبيعيه ولمن اقيس في المستشفى يقولوا عادي سليمه
    9- الخمول والكسل والتعب من اقل مجهود
    10- الغضب الشديد لدرجة تتنفخ عروق رقبتي
    وطبعا غيرها كتير بس هادي الي كانت ظاهره وما شكيت واحد في المليون اونا سحر او اي شي تاني لاني ما اذيت احد ولا اتخيلت ان ممكن في احد يؤذيني
    بس لمن ضاقت الدنيا واتجهت الى الله وعرفت اني تعبانه عرفت ان الاشياء الي كنت اعاني منها من ال19من دا السبب
    الدعاء وقراءة القران بنية حرق الصداع الي في راسي هوا الي كشف السحر وذكرت في قصتي ايش السور الي قرأتها دفعه وحده بدي النية في نفس الوقت بان السحر لان الله تعالى اراد
    اشتداد السحر والله مدري امكن لان كان كل شي عين على مس على سحر وقوة مقاومه منهم اتجاه القراءه والزيت والرقيه والترويش والدهان لان اعرف كل ما زادت القراءه زادت المقاومه وظهور الاعراض حتى يضعفوا وييتسلموا يا اخرجوا او ينحرقوا
    الرقيه وسرعة التاثر ترتبط بشيئين على حد علمي نية القراءه وقوة السحر اذا كان بسم الله قوي لايظهر بسرعه وكل مايتعب ويضعف يبدأ بالظهور عشان كده دائما يقال للمريض ان ظهور المقاومه اول طريق الشفاء عكس ما يسووا الناس لمن الشخص يتعب يسبوه خوفا عليه

    اخواتي الي بدهم يعرفوا من سوا السحر وليش وايش سويتلها ترى انا عمري ما قابلتها وجها لوجه ولا اعرفها شخصيا بس الي اعرفوا ان عندها بنت تزوجت من قريب لي من بعيد وتطلقت وهيا كانت رافضه زواجي من ولد اختها ادعائا منها اننا عيله
    مو كويسه
    المهم انا حلمت فيها وماكنت اعرفها وبعدين السحر نطق بنفس الاسم الي حلمت فيه وبعدين اكتشفت ان الاسم دا موجود وانها تسير خالة طليقي وهيا نفسها الي بنتها تطلقت وهيا نفسها الي كانت تقول لاختها فكي الزواج دا
    شربت السحر مع قهوة مره وانا نفاس في ولدي الي مات بعيد الشر عنكم وعن اولادكم اختها التانيه باشرتني قهوه وانا شربتها والله ما نسى داك اليوم ابدا واقول ياربي ليش القهوه بارده ما يحموها ونفس الشي السحر هوا الي نطق وقال على القهوه وعرفت ليش كانت القهوه بارده يوم صالون مليان ضيوف لانو اصلا ماكان من الدله

    عزيزاتي انا اتوكلت على ربي الشافي المعافي يا مغير الاحوال من حال الى حال ..لا فكرت فيهم لحظه لا هيا الي سوتوا ولا اختها الي شربتني هوا شلتهم من راسي وربنا ينصرنا ولو بعد حين خليها هيا الي خسرت دينها وانا ****لله قربت وقربت اهلي من الله سبحانه والاذكار والقراءه خير لي امكن لو ما مرضت ماسرت كده وانا متاكده ان الله تعالى دفع بهذا ماكان اعظم

    واي استفسار او سؤال اواي شي انا تحت امركم لعلي اكون سبب في شفاء احد الاخوات

تابعي تجارب أخرى من هذا القسم.