السلام عليكم ورحمة الله وبركاته
صباحكم إشطه بدخل بالموضوع دغري ياناس ياعالم انتم مقتنعين بسالفة انه لازرتي أهل زوجك خليييك ثقل ورسميه وماتتكلمين و و و إلخ
من جدكم يعني شلون وليه ووش بستفيد إذا صرت ثقيلة دم على قلبهم
طيب فسرو لي هالإنفصام
لاجو يبون ينصحون بنتهم اللي راح تتزوج قالو لها اسمعي يافلانه ايانا و إياك تفكين الميانه مع حمولتك ترا ترتاحين وتفتكين ومايمونون عليك بشي
وإذا زوجو ولدهم شف عاد لاتخليها تركب على راسك تجيبها كل يوم يمنا ويدها في يدينا ولو مر عليها يوم وماسولفت معاهم وشقت الضحكه زعلو وطربقو الدنيا
الخلاصه ليه قاعدين نخرب ونزيد الطين بله ليه مانرتقي بأفكارنا ونخاف الله قبل ماننصح
لو كل وحده نصحت بنتها وقالت عامليها مثل ماتعامليني ماصار فيه كره بينهم يعني الحين لاتزاعلتي مع امك ماتمر كم دقيقه الاقلبك يطبخ وجيتي وانهيتي الزعله
أما لاتزاعلتي مع أم زوجك طربقتي الدنيا فوق تحت وكبرتي راسك وشنيتي حرب عظيمه ولا ويمكن بعد خليتي بينها وبين ولدها حزازيات
بالنهايه الله يوفقنا أجمعين لما يحبه سبحانه ويرضاه ويسخر لنا قلوب كل من حولنا ويحفظنا أجمعين من الشيطان الرجيم
شاركي في النقاش
سجلي الدخول لإضافة تعليق.
التعليقات
105- صح كلامك بس الناس ماخده فكره ان كل اهل الزوج شينين
كلهم ما يحبون الخير لزوجات عيالهن وهكذا يقومو ينصحو على مايعيشينو هما - انا مقتنعه بالرسميه لاني في يوم حسبتهن خوات وطلعو رغم التعامل الطيب انا بالنسبة لهن مرة اخو ومستحيل ارتفع لمنزلة الاخت وتعرضت لاهانة بسبب سذاجتي وبعدها توبه نقعد نضحك ونسولف بس ما اطرح الميانة ولا اقعد احكي بروحاتنا وجياتنا وايش شرا لي وكم عطاني وووووو لانهن بطبيعة الحال يغارن سوا الام او الخوات وغيرك كذا ما اخذ شي الا لمن استاذن ولا جتى اسدح ولدي بمكان الا لمن استاذنهن لان مو ناقصة نظرات وهمزات ولمزات وكمان حتى ما ادخل البيت الا لمن ادق الباب واستاذن
- أنا اهل زوجي ينحطون على الجرح صح تحسي فيهم غيره لكن طيبين وانا مؤ مرة رسمية لان ساكنه قريب منهم وروحاتي وجياتي اغلبها معهم
- طبيعي راح ياخذون فكره انهم شينين لأن كل واحد متخوف من الثاني وبدأت علاقتهم من هالأساس
أسعدني مرورك تالين - لأنه من راي هذ ا الصحيح بالنسبة لي
لأنه لما تكوني خفيفة غير لما تكوني ثقل يحترموكي
كثير اعتقد من اهل الزوج مايرغبوا في كثرة الزيارات حريم عيالهم لهم
كل شي بحدووود ساعدي معهم سولفي بس حطي حد لك
مواضيع مشابهة
تابعي تجارب أخرى من هذا القسم.
-
موضوع صريح (من تزوجت عشان ازعجوها اللي حولها بالزواج وهي مو مقتنعه بالشخص )
55 تعليق -
وش الحل مع زوجي اللي مو مقتنع فيني
19 تعليق -
أنا أشهد أصدق مثل في التاريخ زوجك على ماتعوديه ..... اللي مقتنع مثلي يذكر تجربته
59 تعليق -
اللي مقتنعة من وجود الخادمة عندها بسألها سؤال ربي يسعدها ..
30 تعليق -
قولولي كيف ارد على اختى من امي اللي تتهمنى بعدم برها . . وهي مقاطعه امي من سنين عشان
4 تعليق