اللي مقتنعه بسالفة الرسمية مع أهل الزوج تدخل

السلام عليكم ورحمة الله وبركاته

صباحكم إشطه بدخل بالموضوع دغري ياناس ياعالم انتم مقتنعين بسالفة انه لازرتي أهل زوجك خليييك ثقل ورسميه وماتتكلمين و و و إلخ
من جدكم يعني شلون وليه ووش بستفيد إذا صرت ثقيلة دم على قلبهم
طيب فسرو لي هالإنفصام
لاجو يبون ينصحون بنتهم اللي راح تتزوج قالو لها اسمعي يافلانه ايانا و إياك تفكين الميانه مع حمولتك ترا ترتاحين وتفتكين ومايمونون عليك بشي
وإذا زوجو ولدهم شف عاد لاتخليها تركب على راسك تجيبها كل يوم يمنا ويدها في يدينا ولو مر عليها يوم وماسولفت معاهم وشقت الضحكه زعلو وطربقو الدنيا
الخلاصه ليه قاعدين نخرب ونزيد الطين بله ليه مانرتقي بأفكارنا ونخاف الله قبل ماننصح
لو كل وحده نصحت بنتها وقالت عامليها مثل ماتعامليني ماصار فيه كره بينهم يعني الحين لاتزاعلتي مع امك ماتمر كم دقيقه الاقلبك يطبخ وجيتي وانهيتي الزعله
أما لاتزاعلتي مع أم زوجك طربقتي الدنيا فوق تحت وكبرتي راسك وشنيتي حرب عظيمه ولا ويمكن بعد خليتي بينها وبين ولدها حزازيات


بالنهايه الله يوفقنا أجمعين لما يحبه سبحانه ويرضاه ويسخر لنا قلوب كل من حولنا ويحفظنا أجمعين من الشيطان الرجيم

106 تعليق 36,163 مشاهدة

شاركي في النقاش

سجلي الدخول لإضافة تعليق.

التعليقات

105
  1. @talyn_alamorh_2

    صح كلامك بس الناس ماخده فكره ان كل اهل الزوج شينين
    كلهم ما يحبون الخير لزوجات عيالهن وهكذا يقومو ينصحو على مايعيشينو هما
  2. @hbym

    انا مقتنعه بالرسميه لاني في يوم حسبتهن خوات وطلعو رغم التعامل الطيب انا بالنسبة لهن مرة اخو ومستحيل ارتفع لمنزلة الاخت وتعرضت لاهانة بسبب سذاجتي وبعدها توبه نقعد نضحك ونسولف بس ما اطرح الميانة ولا اقعد احكي بروحاتنا وجياتنا وايش شرا لي وكم عطاني وووووو لانهن بطبيعة الحال يغارن سوا الام او الخوات وغيرك كذا ما اخذ شي الا لمن استاذن ولا جتى اسدح ولدي بمكان الا لمن استاذنهن لان مو ناقصة نظرات وهمزات ولمزات وكمان حتى ما ادخل البيت الا لمن ادق الباب واستاذن
  3. @hrm_hbybha

    أنا اهل زوجي ينحطون على الجرح صح تحسي فيهم غيره لكن طيبين وانا مؤ مرة رسمية لان ساكنه قريب منهم وروحاتي وجياتي اغلبها معهم
  4. @zytonh7

    صاحبة الموضوع
    طبيعي راح ياخذون فكره انهم شينين لأن كل واحد متخوف من الثاني وبدأت علاقتهم من هالأساس
    أسعدني مرورك تالين
  5. لأنه من راي هذ ا الصحيح بالنسبة لي

    لأنه لما تكوني خفيفة غير لما تكوني ثقل يحترموكي

    كثير اعتقد من اهل الزوج مايرغبوا في كثرة الزيارات حريم عيالهم لهم

    كل شي بحدووود ساعدي معهم سولفي بس حطي حد لك

تابعي تجارب أخرى من هذا القسم.