أنا وحمواتي وأم زوجي ونفسيتي

نصيحه اخت لاتخربين حياتك واحمدي ربك انتي بنعمه عظيمه وقليل تلاقين اهل زوج كذا وزوج صبور
اذا تبين النصح منا كل اللي ردوا قالوا اللي باقوله واكثر بعد وماشاءالله ام زوجك عادتك بنتها ومريحتك فلاتخسرينها ع شان مشوار والا ع شان صديقات مايبون لك الخير.

انت قلت ابوهم تعبان في البدايه وبعدين احمدي ربك غيرك زوجها يشيل ويحط ومع ذلك مالك فضل واخوي واحنا نتخارج لا تقولي ل صحباتك شي هذي غيرة بنات تعلمني في البنات وكمان لو كانو اهل زوجك دايرين ع حل شعرهم ماراح يعجبوك وبتعيب فيهم والله اسجدي ل ربك شكر ع النعمه الي عندك ومصيره يخرج ل وحده ان شاء الله

حبيبتي زوجك رجال والنعم فيه
واللي زين بأهله,,هذا به خير
وانا بس ابيك تتخيلين,,مجرد تخيل
لو انك صرتي شينه فيهم,,,,ونكدتي على زوجك عشانهم,,,,وطلع من الرجال اللي مايحبون النكد,,,ثم قال لك بيت ابوك ياسعك
وقتها صاحبتك,,ايش بتنفعك فيه
والله وقتها لو هي متزوجه,,انو غير اول وحده تنبذك من حياتها
حبيبتي الناس طيبين فيك,,,وهذا كلامك انت,,,الله ماشفناه,,لكن بالعقل عرفناه
واللي طيب معاي,,اصير اطيب منه
وانتبهي حبيبتي صاحباتك يخربن عليك,,,ولو اللي مثلهن تقطعين علاقتك فيهن يكون احسن لك
لأن مع الوقت راح يأثرن عليك
طيعيني واقطعيهن,,وغيري رقمك,,,واللي تواجهينها,,قولي زوجي قالي
اما انك تبين تتمشين مع زوجك لحالك,,من حقك ,,لكن ماتستاهل تخربين حياتك عشان هالشي
وعندي فكره
مره قولي فلان انا الليله عازمتك,,للمكان الفلاني,,الليله لنا ثنيناتنا,,,,
وترا بكره بعزم عمتي وبناتها,,,دورهم
وزي كذا لين هو من نفسه يصير,,يطلعك لحالك,,,بس اذا ماوافق,,ترا ماتستاهل تخربين حياتك عشان طلعه
ونصيحه من وحده ماتعرفينها,,خليك زينه فيهم,,,فيوم راح تكونين مضرب مثل عنهم,,لحرمة الولد الزينه
وترا وانا اختك اهل الواحد ماينبدلون,,,لكن البنات ملي البيوت

انا وضعي قريب من وضعك لما نروح لمدينتهم لاتحكي لصديقاتك عن حياتك ولاتحطي ببالك انك تنكدي ولا تقارني لك مكانتك ولهم مكانتهم اهم شي محترمينك ويحبونك ومو معاملينك خدامة لا سمح الله لا بالعكس قلبهم عليك
الله يديم النعمة هذا اهم شي

الله يديم عليكي السعادة وراحة البال والحب والاحترام المتبادل بينكم للابد
ماشاء الله تبارك الرحمن ..
عزيزتي
حبيهم واحترميهم وقدريهم وهذا كله راح تلاقينه مستقبلاً
مع ذلك زوجك حبيبك ، مايمنع تطلعوا مع بعض يومين بالاسبوع تكون خاصة فيكم
وكل شي ياقلبي مع الرجل خذيه بدلع وغنج .. الغي من قاموس حياتك الزوجيه العناد والزعل والمضاربات اللي من دون سبب مجرد تحكم ..
الرجل يحبون الكلمه الحلوة والدلع والتمسكن والتفاهم والنضوج..
اسرارك الخاص بينك وبين حبيبك ولا مخلوق في الدنيا يعرف عنها حتى اقرب الناس اختك وامك انتبهي وحطيها حلق في اذنك ..
اذا ضاقت فيك يوم استغفري وامسكي مصحفك وسجادتك وناجي ربك ..

نيتك طيبه وعلى نياتكم ترزقون ..

الله يوفقك ويسعدك