بنات انقذوا اختي من حالتها والله تقطع القلب:(

الله يعين أختك ويهون عليها يارب

وتصييييير رشيقه يارب
جيبي لها صور الاشخاص اللي كانت أوزانهم بالــ 200 كيلو وصاروا بال60 وبالــ 50 كيلو دائما تلقين صورهم بالمجلات ( قبل وبعد ) وقولي لها لا تفقد الأمل وشوي شوي

وقولي لها لا تدخل المطبخ نهاائيا أنت جيبي لها الوجبات الى غرفتها وقولي لها معنا سنه كامله نبغى كل شهر 10 كيلو
ورياضه يوميا صدقيني كلها شهرين ثلاثه ومعدتها تصغر وتصير ما تاكل الا كميات قليله

وروحي معاها للسوق واشتري لها ثلاث مقاسات بنطلون XLو L و M
بعد كم شهر يصير الاول مقاسها بعدين تتشجع علشان تلبس المقاس الثاني اللي هو اصغر من اللي قبله
وبعد مايصير الثاني مقاسها تنبسط كثير وتبغى تنحف اكثر علشان الأصغر يصير مقاسها بعد كذا تشتري سمووول
وشوي شوي مع تشجيع واراده صدقيني بتنحف بعدين اسلوب التشجيع له دوركبير
ممكن انتم بالبيت تشجعونها لكن مو بالطريقه الصحيحه

وانشالله يارب تنحف ونشوفها عرووسه

اذا تقدر تدخل المستشفى العسكري في الرياض تسوي عملية ربط معده عند الدكتور محمد الزبن
ممتاز شفت 3 بنات مسوين عنده ماشاء الله تبارك الله طلعو شي ثاني وبعدها يسوون التجميل من شد وشفط
واسئل الله العظيم ان يشفي اختك ويهون عليها ماهي فيه

تأثرت جداً من قصة أختك لتشابهها مع قصتي فلقد عشت حياتي إنطوائية وما أثق بنفسي ولكن الحمد لله ربنا رزقني بزوج محب وحنون ومتفهم ..........والآن أنا في طريقي لعملية الربط إن شاء الله .
صدقيني أختك مش محتاجة ريجيمات أو رياضة بقدر ما محتاجة للحب والحنان ، فهميها إن الأجسام عبارة عن وعاء للروح ولازم تحب نفسها الأول وياما في ناس مشوهين في الحياة وما عندهم أمل حتي بإزالة التشوية أما هي والحمد لله بقليل من اللإرادة والمثابرة تقدر تحسن من مظهرها .
صدقيني أهم شئ النفسية تتحسن وتزداد ثقتها . أقترح الذهاب إلي طبيب نفسي قبل البدء بأي برنامج ريجيم

ربنا يوفقها وينحفها بصحة وعااافية

مشكورات حبيباتي على ردودكم ودعاويكم الله يسعدكن دنيا وآخره

أختي ELWAWA
مشكوره يالغاليه تحزيم معده قصدك ربط معده ؟ وتعرفين احد راح لندن ونفع معه؟
وانا مو بالسعوديه حبيبتي بظفار بالسلطنة
والله يسلمك يالغلا ومشكوره على كلامك البلسم.

******

أختي سكونه الله يسعدك ويسعد اختك ماشاء الله عليها
اكييد بتصير نفسيتها احسن وعقبال اختي ياااااارب ياكريم
وياليت اختي تفيدينا بتكلفة الربط وهل كان فيه اثار جانبيه واشلون كانت نفسيت اختك بهالسنه؟؟
الله يستر علينا عيل الشفط مانبيه .


*********

أم يقونة هلا غاليتي الله يستر عليك وعلى أختك وينولكن الله تتمنينه ياااااارب
وانا بعد شفت اللي تقولين عنها باوبرا بس معقوله من الشفط؟ يمكن ريجيم كيميائي بدون رياضه يسبب هالتشوهات لان حتى الوجه اللي ماله دخل بالشفط:(
انا معك المفروض بالريجيمات بس والله مانفع معها يأست من شي اسمه ريجيم لان مايعطي نتيجه معها ومااظن حالتها راح تسمح بالمغامره اكثر يبي لها شي صارم ...ومشكوره حبيبتي مره ثانيه

*********

أختي جرح 2 آمين يارب يعطيك ألف عافيه


*******

أختي شيهانا الحلوه هلا والله وغلا صحيح كلامك مية الميه اهم شي الارادة هي عندها ارادة وتبي تنحف بس اختي الموضوع مو بيدها سوت كل اللي قلتيه بدون فايدة ومثل ماقالت وعت على الدنيا وهذا حالها وانا الحين ادور لها على طريقة تقضي على هالسمنه سوا اخصائيين يعطون نتيجة أو طرق جراحية مجديه وامانة تدعون لها بصلاتكم وبقيامك ان ربي ينحفها وهي بصحة وسلامه.

********
أختي
alsayda1 ويعينك يالغاليه ويفرج هم كل مسلم

********

أختي
Dalo3at_papaآمين ومشكوره على مرورك



وبنات أحد تعرف مصحات السمنه بالامارات أو بلبنان أو حتى أوربا ياليت تفيدونا

واذا احد عندها التكلفه بشكل عام اكون لها شاكره ..

الله يعينكم والله ..اهم شي اختي نفسيتها ..سوي بحث على النت وطلعي مواضيع عن ناس كانوا متان واااايد وعقب نحفوا لدرجة ما تصدقين انهم في يوم من الايام كانوا متان..علشان تشوف وترتفع معنوياتها شوي..غير هذا الفترة هذي حلوة خلها تستغلها لأنها صغيرة وممكن تضعف بسرعة..سمعت عن مصحة في فرنسا في منطقة فيشي متخصصة حق علاج السمنة ويمدحونها وايد..بس والله ماعندي معلومات عن المصحة..بس ممكن تسألين ويفيدونج..اهم شي معنوياتها..انا ما الومها من كنت صغيرة كنت دبدوبة بس في السنتين الاخيرتين يوم زاد وزني اكثر كرهت كل شي حولي..بس الارادة لها دور..بالتوفيق