ساعدوني عجينة الفطائر تخرب معي دايما

السلام عليكم ياستات البيوت الشاطرات
دايما احاول اسوي فطاير لكن تخرب علي
واحاول التزم المقادير وكمان تخرب علي

مرات تطلع الفطاير قاااااسيه ومرات تطلع العجينه مره متينه
ومرات تطلع العجينه خفيفه وتنطبق علي

ماتطلع معاي هشه ولينه وتذوب في الفم
ماادري ايش المشكله
جربت عجينه الربع ساعه وعجبنه العشر دقايق
وعجينه اخمرها ساعه

لكن كل المحاولات فاشلة للاسف

الله يجزاكم الجنه قولولي أسرارفطايركم

والطريقة بالتفصيل من البدايه الى وضعها على المائده
وكم تحتاج وقت في الفرن
وحرارته كم وايش الافضل الفرن العادي ولا فرن الكهرباء

وشكراااااا

16 تعليق 19,685 مشاهدة

شاركي في النقاش

سجلي الدخول لإضافة تعليق.

التعليقات

16
  1. @aum_saeed202

    هذي عجينتي وصدقيني بتعتمديها ان شاء الله

    حطي في الخلاط فنجان شاي زيت
    و4ملاعق حليب بودره
    ملعقه خميره فوريه
    ملعقتين سكر ورشة ملح
    وكوب ماء عادي لابارد ولا حار
    واخلطي وحطيه في زبديه وحطي دقيق الكويت افضل شي
    ورشي واعجني لين تسير متماسكه ولينه وعادي لو تلصق شوي
    وغطي عليها ساعه
    وافرديها بالدقيق نفسه وشوفي كيف تسير اذا فردتيها خليها نحيفه بس ماهو لدرجة زي الورقه لا امتن منها
    وان شاء الله اكون افدتك الله يوفقك

    طبعا تخليها بالفرن الين تنفش ويزيد حجمها وراقبيها من تحت لا تحترق
    بس تصفر لونها اذا تبغيها لينه ويكون الفرن اقل من المرتفع وتشغلى من تحت واذا نفشت وصفرت من تحت تشغلى الفرن من فوق دقايق بسيطه وانتي واقفه ماتروحي
    الفرن الكهرباء افضل شي للفطاير
    اذا سويتيها علميني
  2. @am_oghdanha

    شوفي حبيبتي هذي عجينتي من عشرين سنه معتمدتهاوالكل يسألني عنها بعضهم تضبط معاهم أحسن مني 
    شوفي حطي 2 كوب طحين كويتي افضل شي وحطي فوقه رشة ملح وملعقة طعام سكر 2م ط حليب بودر و1م ط خميره وربع م بكنج بودر وربع كوب زيت ذره وكوب مو مليان ماى دافئ واعجني عادي وخليها ترتاح عشر دقايق واعجنيها مره ثانيه وخليها لين تخمر وشكليها على سطح مدهون بالزيت ودخليها فرن حار مسبقاً
    أنا عن نفسي اسوي مقادير 6 أكواب طحين اللي هو كيس كامل الكويتي

تابعي تجارب أخرى من هذا القسم.