بخصوص الناس الي تخطب وما ترجع تعطي الناس رد !!
متابعة النقاش، صفحة 12
شاركي في النقاش
سجلي الدخول لإضافة تعليق.
التعليقات
87- الله يعوضك
- يالله من جد ف ناس والله انها خنقتني العبرة من جد تافهين اليوم لهم بكرة عليهم حسبي الله ونعم الوكيل الله يربط ع قلوبكم وعوضني وعوضكم خير منهم يااارب
- الله يعوضك ويعوضنا خير
الله يسعدك كلامك رائع والله ينفع به الناس اللي يسوون هالحركات
والله يكتب لنا أجر الصابرين على المصايب والجروح اللي يتسبب فيها
من يسيرون على هالطريقه الشينه واللي تحسس البنت أنها سياره موب آدميه
تحس وتشعر وتتألم من أفعالهم الشينه.
الله يهدي الجميع ويسهل دروبهم - فوق
- بصراحة انتم السبب في هالشيء
قلنالكم يابنات مليون مرة لاتقبلون بشوفة الحريم الا بعد شوفة الرجال
يعني بعد مايجي الولد وبعد مايثبت جديته وبعد ماتسالون عنه
وبعد مايعطيكم الموافقة , خلوهم يجون قبل الملكة كتعارف فقط
بس انتم معندات , وحقكم ومايجيكم
اقعدوا طول عمركم فرجة للي رايح واللي جاي ,اقعدوا تخسروا من ذا الحلا وذا العصاير وذا الفطاير والدنيا وخلوا خلق الله اللي ماتعرفونهم يدخلون بيوتكم ويتفرجون عليكم
الحل بيديكم لاتطلبين الناس الحل
عزوا نفسكم واكرموها واحترموها يحترمونكم الناس غصب عنهم
وسبب انهم يروحون مايردون مب بالظرورة يكون انك ماعجبتيهم
تدرين ان بعض الامهات تدور ع البيوت تخطب وتخش باليوم الواحد بيتين وثلاث واربع , بعذرها لقت ناس يفتحون لها الباب
وتدرين ان بعض الامهات تخطب وتروح تفرج وولدها مايدري
وتدرين ان بعضهم ولدها مب جاد وناوي ع العرس بس تقولك ابقنعه بعد ماشوف البنت
مافيه حل منتب مربين خلق الله
الحل بيديكم
لاترضون بشوفة الحريم الا بعد شوفة الرجال واثبات الجدية
وان قالوا نبي نتعرف عليكم ونبي نشوف العروس قبل الملكة
قولي ابشروا بس بعد مايجي الولد ويعطينا الموافقة
ابد محنا كاتبين عقد الا بعد ماتشوفون
الفايدة من هالطريقة
بتضمنين جدية الولد واهله , وبتعزين نفسك عن انك تكونين سلعة بيدين الناس اللي مايخافون الله يدخلون ع البيوت يتفرجون
وغير كذا شوفة الرجال احسن , مايبيلها كلافة ولاقهاوي وعصاير وحلويات بمبلغ وقدرة
ويازين الرجال يجي يناظرك انتي مايناظر البيت والكنب والاثاث وغيره من الاسباب اللي ممكن تردك امه او اخته عشانها
والرجال نظرته للجمال غير الحريم, يعني اذا شافك وعجبتيه واقتنع مهما حاولت امه او اخته تثنيه عن قراره , خلاص الولد شايفك وانتي عاجبته مايمديهم يلعبون عليه
والاهم من ذا كله
الشوفة شرعاً للرجال
وحديث الرسول يقول انظر اليها
ماقال خل امك ولا اختك ولاعمتك تنظر اليها
مواضيع مشابهة
تابعي تجارب أخرى من هذا القسم.