مشكلتي مع زوجي بعد ماسمعته وكشفته

لاتكلمين ابوك نصيحة اصبري لين تهدى اعصابك

يااااا اختي يااا حبيبتي الله يصلح لك شأنك كله ايش اللي ادق على بابا وادخله ف الموضوع اووووعي لاتكبرين ولاتطلعين المشاكل لبره والله تكبر وهذيك هي اللي تكسب .. معظم الرجال بس يعصبون يبدئون بالسب واللعن يعني مو قصدهم شي الرجال يحب المره اللي تحتويه مو اللي تقلب الدنيا ع راسه كلميه شوي شوي وفهميه ب اسلوب اوعي يلقى المشاكل والنكد عندك والراحه عند جارتك واذا ع بنتك درسيها واجرك عند الله ..الحين ي قلبي الرجال مايرضون يدرسون عيالهم ابد لاهين بالطلعات واذا قعد ف البيت على النت الله المستعان وبعدين هو جرب تدريسها وعرف ان الله حق ف قراره نفسه وان البنت هي اللي ماتحفظ بسرعه ..الله يهدي سركم ويحفظكم

بصراحه هو غلطان وانت غلطانه بعد لا تزعلين مني

يعني هو غلط عليك وعصب،لا جاي اسبوعك لا تمدين البوز ،باين عليه رجال عاقل وعادل بينكم

امسكية بكل هدوء وبجو حلو وقوليله يا ابو فلان انا زعلانه منك علشان كذا وكذا ما ابغاك تجيب سيرتي قدامها اهون عليك انا،وغير عن جارتي انا ما ابغي بنتي تسمع ذا الكلام عن امها ،وتخاف منك

والله هو يعتذرلك

اما تقعدين دفدفينه ودق على ابوي وانت موب رجال مو حلوة

انا قلتلك هو غلطان بس بعد انتي معالجتك للموضوع غلطططط كبير

حبيبتي تبغين الصدق ترى أنا والله مش حياديه لا مع الزوج ولا الزوجة اللي غلط نقوله انت غلطت
وبالنسبة لزوجك الغلط راكبه من رجوله لراسه أول شئ من ناحية عصبيته على بنته والإسلام أمرنا بالرفق في كل شئ وانتي تقولين يصارخ ويضربها غلط هذا الأسلوب ومع بنت صغيرة راح تنشأ في قلبها وحشه من أبيها يمكن الأب مايحس فيها بس صدقيني ترى البنات حساسات وبيظل هالموقف في ذاكرتها وراح يعقدها بكرة ..
الشئ الثاني اسلوب زوجك غلط من البداية المفروض كان يحترمك ومايقلل من قدرك بأأي شكل من الأشكال لأنك برضه زوجته وأقل ماتبغاه الزوجه من زوجها الحنان والإحترام مش الفلوس والأكل والشرب فالكل كان لاقيها في بيت أهله
وانتي أصبتي يوم واجهتيه بس حسيت من كلام زوجك إنه تهرب وما رسى بك على بر وهذا يؤكد خطأه كان أقل شئ احتواك وتأسف وباس رأسك ومافيها شئ وهذا ماتنقص من قدره كرجل بالعكس ولنا في رسولنا صلى الله عليه وسلم اسوة حسنه وكلنا نعرف إنه كان يحب عائشه وحتى زوجاته عارفين ومع ذلك قاد الرسول امه كامله وليس أسرة فقط
معليش أنا عارفه إنك مقهورة لأنك حسيتي بجرح في كرامتك بس برضو اقولك اصحي تتصلي على أبوك مو لشئ بس لأني أرى انه هو أخطأ والمفروض يعترف بخطأه ولايعيدها ويكررها ثاني مهما كان مضغوط منك وخلقه ضايق أبد ماله حق يروح يتفشش فيك في البيت الثاني لأن الأمر اللي يخصك معناته يكون في بيتك وبس بدومن ماتطلع مشاكلكم لبره وردة فعلك مع زوجك يوم دفيتيه كانت ردة فعل وأكيد هو اللي خرجك عن طورك والا أنا حسيت من كلامك ماشاءالله الأخلاق الرفيعه بس غلطتي في انفعالك معه كان رميتيله الكلام وطلعتي وهو بيراجع حساباته وبيقر بغلطه ..
وآسفه ع الإطاله بس حبيت ادخل وأعلق لأني لمست في سطورك عبرة مدفونه وأنا والله ماأبغى أخرب بيتك وأشتت بناتك بس أبغى أقولك حاجة مهمه خليك مع الله والله بينصرك

لاتكلمييييين ابوك انتبهي...!!

اذا كان اسلوبه كذاا بنتك ذاكري لها انتي لاتروح تتعقد منه ومن صراخه...
وهو طنشيه الين يعتذر... وبعدين لا تجينه بالاسلوب هذا وتوقفي عند الباب عشان لايسوي حركه تضايقك...

الله يوفقك ويسخره لك...