شاركي في النقاش

سجلي الدخول لإضافة تعليق.

التعليقات

1,982
  1. السلام عليكم

    قروب الأمل

    مجموعة ال٥٠
    يومياتي ليوم الثلاثاء

    الفطور/

    شابورة نخالة و٢بيض مسلوق وجبنة قليلة الدسم وملحها قليل

    الغداء/

    تونة وعليها شرائح ليمون وخيارتين


    العشاء/

    تفاحة خضراء وعصير أناناس وكيوي


    الماء

    لتر ونص

    الرياضة

    أربعين الى ٣٠ دقيقة


    الله ينحفنا

    الحين جوعانة امكن اخذ سناك قبل العشاء عصير أناناس وشابورة ونخالة مدري يمكن

    لأني راح اكل خمس وجبات ويكون الأكل خفيف ومعتدل عشان يحرق جسمي بسرعة

    تراني والله مقاطعة الرز والمشروبات الغازية والشيبس والمعجنات والشكولاتات والحلويات

    والله كله في سبيل الرشاقة والوصول لهدفي


    ياااارب نحفني

    وش رأيك فيني ياشيومة
  2. @algory_202

    احاسيس . .
    يومج حلو حبيبتي بس بدلي الموز عشان ماتلوع جبدج و تزهقين . .



    ام فهودي ..

    حياج الله بينا مره ثانيه و الخوات لما يكونون ف بيت واحد لازم يصير بينهم سوء تفاهم
    يا على شباصة او على شنطه او على اي شي ثاني خخخ
  3. * آلجوري *
    الحضور و الغياب و الرياضه لفريق رشاقتي سر جمالي 8/10/2012 \ الاثنين الحضور+ رياضه 1. هنوش 2. سويت 3. فلونا 4. جوجو وميمي 5. احاسيس فياضه 6. دلوعة بكيفي 7. سوسو 8. الجوري 9. زحوووومة نص غياب 1. روحي …
    بما اني من الحلوات :42: فانا بخير كيفك انت ياقمر
    حبيبتي بما انك في فريقي فارجوكي امشي على دايت صحي ومتوازن لان قلت الطعام والاكتفاء بوجبة واحدا مارح يفيدك
    والرياضة لزم 45 دقيقة والا رح تنخصم من نقاطق ونخسر وازعل منك كتير :09:
    الوزن ارسليه يوم السبت لي او لعالية



    الله يوفقك وشدي الهمة واياك والتخبيص :mad::mad:
    ونحنا نحبك ياغالية
  4. @am_fhod_oghlaoy

    * آلجوري *
    احاسيس . . يومج حلو حبيبتي بس بدلي الموز عشان ماتلوع جبدج و تزهقين . . ام فهودي .. حياج الله بينا مره ثانيه و الخوات لما يكونون ف بيت واحد لازم يصير بينهم سوء تفاهم يا على شباصة او على شنطه او على اي شي ثاني خخخ
    ام فهودي ..

    حياج الله بينا مره ثانيه و الخوات لما يكونون ف بيت واحد لازم يصير بينهم سوء تفاهم
    يا على شباصة او على شنطه او على اي شي ثاني خخخ

    الله يحيك وحصل خير وان شاء الله ارجع التزم لاني زدت شوي
  5. ام فهود وغلاوي
    مساء الخير على الجميع حابه اعتذر للجوري ولسويت انجل على اللي حصل ويعلم ربي اني ماقصد ولوكان لي مكان بينكم برجع انزل يومياتي عشان التزم وشكرا انتضر ردكم شكرا اخت عليا على قبولي معك في القروب ومن اليوم راح انزل يومياتي


    اشوف الاوزان ثابته و البنات يتمللن من الثبات

    و التمارين

    و الدايت

    و يغيرون نظامهم لعل و عسى ينكسر ثبات الوزن

    بس انا بقول لكم ان الرياضه اهم من الدايت

    اقول لكم ليش

    لان العضل اثقل من الشحم دبل الوزن

    لكن الحجم نص الحجم او اقل

    يعني اذا بنقارن احجام

    شوفوا حجم كيلو الشحم مقارنه بحجم كيلو العضل




    و هذا 2 كيلو و نص من الشحم مقارنه بمثلها من العضل



    يعني لمن تلعبين رياضه

    بدل الشحم يصير عضل مكانه

    فتوقفين على الميزان وما تلاحظين اي تغير بالارقام

    لكن الغريب ان فيه تغير بمقاس الملابس !!!

    لان جسمك جالس يبني عضله

    والعضله ثقيله ووزنها على الميزان كبير

    لكن حجمها صغير و ملموم. ماهي مثل الشحم

    ماله شكل محدد و كبير ويتمايع بكل مكان




    ******



    عشان احمس البنات

    هذي صور لملابسي قبل و بعد

    صوره يوم كنت بوزن 105

    قبل شهر تقريبا

    و صوره للوزن الحالي 89 حسب يوم الجمعه الماضي


    يعني الفرق بعد نزول 16 كيلو

    و هذي البلايز



    بوزن 105

    البلوزه الرماديه كانت ضيقه علي مبينه كل كرشتي و شاده عند صدري

    و الورديه الحين مرتبه

    كويسه عند الصدر وماهي ضيقه عند الكرش

    مع العلم ان جسمي فوق امتن من تحت بكثير






    وهذي البنطلونات






    اول ما بديت كان البنطلون الكبير ما يدخل فيني

    كان يوصل لنص الفخذ وماقدر حتى ارفعه لمؤخرتي

    و الان البنطلون الاصغر مناسب لي تماما

    مرسوم على جسمي

    لا اوسع ولا اضيق




    ********


    الحين بتقولون وش دخل ثبات الوزن و الرياضه بهالصور

    وانتي نازله 16 كيلو عشان كذا نزل مقاسك ؟!!


    بقول لكم ليش

    لان اكبر بلوزه الرماديه يوم اشتريها كان وزني

    84 و كانت ضيقه

    و البنطلون الكبير شريته بنفس الفتره وكان يادوب يتقفل

    كنت مترهله و كلي شحوم مايعه

    الحين صح وزني اعلى

    لكن عضلتي مرسومه و ملمومه

    ف صرت ابين اطول و انحف

    و الملابس احلى علي

    لان خفت الشحوم و مياعتها

    و مع الرياضه انشد كل شي

    و مع الايام بينزل الوزن اكثر

    ويصير الجسم احلى :hearts:

    ******

    يعني الزبده

    زيدوا الرياضه هزوا هالشحوم :icon30:

تابعي تجارب أخرى من هذا القسم.