فخد الرومي مع رز بالبسلة رائع وينفع في العزايم وبالصور

بسم الله الرحمن الرحيم
وحشتوني حبيباتي حبيت ارجعلكم بموضوع من صفحتي بناء علي طلب بعض البنات
دايما بيكون الديك الرومي حجمه كبير علي الاسرة شوفوا الطبق ده للفخد

نبدا الاول بالرز :

حنحضر رز بسمتي - بسلة -جزر مقطع مكعبات - لحم مفروم معصج (مستوي بالبصل والملح والفلفل)-مرقة تكفي لتسوية الرز

نغلي المرقة واول لما تغلي نسقط الرز

نضيف البسلة والجزر والملح ونغطي الحلة ونوطي النار لحين السوا


بعد لما يستوي الرز نضيف اللحم المفروم ونقلبه كويس مع بعضه

نغرف ونرش المكسرات حسب الرغبة

وبالف هنا وشفا مع اي نوع من اللحوم
انا عملته مع فخد الرومي كانت رائعة
طريقة الفخد
هنا فخد رومي وزنه حوالي 3كيلو

بليز ماحدش يرد لسه باقي الموضوع :26:

60 تعليق 15,307 مشاهدة

شاركي في النقاش

سجلي الدخول لإضافة تعليق.

التعليقات

59
  1. @lyl_mhmd64

    صاحبة الموضوع
    نكمل
    نحضر تتبيله الفخد: كوب صغير زبادي -ملعقة كبيرة صلصة -ملح وفلفل -ورقتين لوري - روز ماري-ملعقة توم مفروم

    نعمل شقوق رفيعة ببوز السكينة في اماكن متفرقة من الفخد علشان التتبيلة تدخل في اللحم جوة ونقلب التتبيلة وندعك بيها كل مكان في الفخد ونسيبها علي الاقل 5ساعات في التتبيلة

    نحطه في حلة كبيرة مع كمية صغيرة من المية ونوطي لغاية لما يستوي تماما ولو امتص المية كلها ممكن نزود كوب مية
    بعد السوا ننقله للشوية سواء شواية فحم او كهربا لغاية لما يحمر
    انقله وهو سخن علي الرز علشان تتجمع النكهات

    ويقدم بالف هنا وشفا
    اتمني يكون عجبكم ولو عجبكم ان شاء الله انزل طريقةصدر الرومي
    اسيبكم في رعاية الله ومستنية ردودكم
    سلام عليكم

تابعي تجارب أخرى من هذا القسم.