هلا أختي اسأل الله لأختك وأمك الشفاء العاااجل ولكل مرضى المؤمنين ..
شوفي الروماتويد مرض مستعصي والأمراض المستعصية كلها تيجي من العين والحسد
لاتنصدمي قدر الله وماشاء فعل هذا ابتلاء من الله والابتلاء منحة ونعمة من رب العالمين
ذكر وبعده عافية ان شاءالله
انصحي اختك بالرضى والقبول والتسليم بأمر الله وخبريها ان الروماتويد ممكن السيطرة عليه وتقدر تعيش بشكل شبه طبيعي حتى مع بعض الآلام عاد بتتعود عليها وكلما ماحست بيها تذكر الله، الله سبحانه وتعالى اختارها عشان تكون قريبة منه وتذكره أهم شي تنظم حياتها تبتعد عن أي صدمات أو مشاكل أو زعل أو نكد ممكن يعكر نفسيتها لأن النفسية عامل قوي في ارتفاع نسبة الروماتويد وتطوره
خليها تقلل من الأكل الدسم وتحاول تنتقي الأكل الطيب مثل دقيق القمح الكامل وتكثر من الخضروات ذات اللون الأخضر سلطة وفاهكة عنب ورمان وتفاح ممتاز جداً وفيه كبسولات اسمها كبسولات زيت حوت القد هذه كمان ممتازة وطبيعية عبارة عن مكمل غذائي ..
ماتسهر كثير لأن السهر بيزيد الالتهاب والتيبس والتعب
تحازل تتحرك وتحرك مفاصلها وتتعرض للشمس يوميا
الالتزام بالأدوية مهم خاصة لما يكون المرض في بدايته عشان نقدر نسيطر عليه مايزيد، أي زيادة في نسبة الالتهاب ماهي طيبة وهذا اللي بيخلي الدكاترة يوصفون الكورتيزون لأنه دواء سحري أول ماتشربيه تحسن نفسك اتعافيتي بس هو ماهو علاج للروماتويد وللعلم كل الأدوية والعلاجات حقت الروماتويد ماتعالج المرض ولاتنهيه انما تساعد على الحد من تطور المرض تسيطر على الالتهاب عشان مايزيد وبالتالي مايحصل تطور للمرض ويتعب المريض من تيبس وتشوه وانتفاخ المفاصل واعياء وتعب في الجسم عموماً ..
لازم تاخذ الأدوية عشان تسيطر على المرض من بدايته وبالخبرة إذا المرض ماحصل سيطرة من البداية وحصلت انتكاسات معناه تفاقم المرض وتطوره بسرعة وهذا مانبيه عشان كذا هي لازم تلتزم بالعلاجات اللي يعطيها لها الدكتور .. طبعا بعض دكاترة بتوصي بالكورتيزون وبعض دكاترة تبتعد عنه بحسب شطارة كل دكتور بس لعلمك احنا هنا معظمنا بياخذ كورتيزون لكن فيه حالات ماأخذت كورتيزون نهائي بس تمت السيطرة على المرض من بدايته بعض الحالات يعطونهم ميثوتريكسيت من البداية أهم شي اننا نحافظ على الحالة من الزعل والمشاكل والصدمات عشان مايهاجم المرض ونضطر بعدين ناخذ كورتيزون شئنا أم أبينا (فهمتيني؟؟)
تحليل الروماتويد مايطلع في حالات كثيرة مثل حالتي بيطلع سلبي غير موجود في تحليل الدم عشان كذا الدكاترة مايكتفون بتحليل معامل الروماتويد فيسوون فحص سريري وياخذون بالأعراض ومثل مافهمت من شرحك ان اختك عندها كل أعراض الروماتويد ..
الاستغفار والرقية والحمية والتقرب الى الله وعدم السهر والحركة والتعرض الى الشمس وممكن بعض علاجات العرب مثل الحبة السودة والقسط الهندي واتباع نصائح الطبيب والبعد قدر الامكان عن النكد والزعل ونسيان المرض هذا كله ممكن يساعد اختك كثير ويسوي فرق ..
الدكتور ضياء معروف بياخذ فلوس كثيرة وللعلم علاجه ماينهي المرض انما يخفضه اطول مدة ممكنة هذا بحسب كلام بعض البنات هنا في التجمع قالوا انهم استفادوا من الليزر وتحسنت احوالهم لكن المرض له هجمات واحيانا بتكون هجماته شرسة إذا استاءت الحالة النفسية ..
وغالباً الروماتويد يجي بعد صدمة تعرض لها المريض .
حياتنا حلوة مع الروماتويد - التجمع الرابع لمريضات الروماتويد
متابعة النقاش، صفحة 376