الخاطب وأهله ...أيهم أولى بالشوفة ؟؟ ~دعوه للنقاش حياااااكم~

والاصول يا راعية الاصول ان ام الولد تذب وجهها على بيوت الناس كل فترة متصلة على ناس ما تعرفهم و تقول بجي أزوركم ؟؟

الاصول تشغلين الناس و بنتهم من الظهر استعدادات عشانك يا طويلة العمر و تجين تحطين رجل على رجل و تتمقلين ببنتهم ؟؟؟؟ هذي الاصول ؟؟؟

إلى متى تستغفلون الناس و تحسبون الي تسوونه صح و هو قمة الغلط ووساعة الوجه !!!

مدري من وين لهم جرأه ينططون من بيت لبيت و كلها بيوت جديدة عليهم و يشغلونهم بولدهم ؟؟

الاصول يا راعيه الاصول انك انتي -صاحبه الحاجه- و الي تبين تسترين ولدك ببنت حلال ،،،،، انتي الي تروحين لين مكان دراستها ولا عملها ولا تدورين بعرس ولا دار تحفييظ ولا الي هو ... اليييين تلقين البنت الي تناسبك و تسالين عنها زيييين و تتمقلين فيها بدون ما تحس فيك يا بتاعة الاصول ..... هذا أجدر و أولى و أحفظ لكرامه البنت و اهلها ..... و لمشاعرها انها تنجرح...! و ثقتها بنفسها و بشكلها ......

انتي الي تدورين لولدك ؟؟ انتي صاحبه الحاجه إذن !!! خلاص يا قلبي روحي تلحلحي و دوري بنفسك ....

شوفه الحريم هذي ما أنزل الله بها من سلطان و ما فيه لها اي قبول لكن اهل البنت يوافقون لأنهم ما يبون يوقفون بنصيب بنتهم مو عشان الاصول على قولتك !!!!

ايش الي شوفه الحريم أهون الشر ؟؟؟

شوفه الحريم اخترعتوها عشان الحريم الفاضيات الي عندهم سواقين و مواصلات متوفره ،،، ،يلقون لهم هوايه جديده ..... يتسلون فيهاا .......

اعرف حرمه تعيب في بيت البنت و ترفض بسبب صغر البيت...!!! و حرمه ثانية قالت بالحرف : مواعينهم احلى من بنتهم !!!

ايش ترجون من حريم تجرأوا و اتصلوا على بيت ناس غرب و بكل بجاحه قالوا : ودنا نجي نشوف البنت ؟؟؟.... وكأنه شي من حقهم و طبيعي ام البنت مسكينه تقول الله يحييكم ...!!!

اساسا شغل الحريم و خطوباتهم نااادر ما يجي من وراهم خيـــر....

انا انصح اي اهل يقولون : بنتنا في الجامعه الفلانيه.....بنتنا في المكان الفلاني......او بنحضر المناسبه الفلانيه تعالوا شوفوها ....... :pbsmile:

ونحط لهالحريم الفاشلات حد .... الي ما عندهم الا التنطنط بين البيوت :laugh2:

بعدين تعالي انتي من اي منطقه ما عرفتينا بمنطقتكم الي فيها هالعادات الغريبه ...؟؟



مو توك تقولين لسسسا بزور البيت و يمكن يعجبوني و يمكن ما يعجبوني ؟؟؟؟

كيف تقولين يجون الحريم يطلبونها من اهلها رسمي و يتركون الموضوع للرجال ...؟؟

وش هاللخبطه ؟؟.. عزيزتي ماقد سمعنا بعاداتكم واحنا نتكلم عن وضع مختلف تماما

اذا منتي فاهمة احنا عن ايش نتكلم ليش تشاركين و تهزئين الي يمنعون شوفه الحريم ...؟؟

اساسا ً واضح ان كلامك هذا خيالي لأن بردودك الاولى جالسه تدافعين عن ((شوفه)) الحريم بالمطلق

احنا نتكلم عن الي قاعد يصير بنجد خصوصا لما تتصل الام و تقول بجي اشوف البنت

وغالبا تجيب معها كم وحده ((لجنة التحكيم))

و تجلس تطالع و تقيم البيت و البنت واهلها و مواعينهم و قهوتهم ثم تطلع

غالبا تطلع بدون وعود ..... و اذا ما عجبتها البنت تطلع و معد تسمعين حسها ...!!!

اذا حابه تعرفين اكثر عن شعور البنت بعد ما يصير هالتصرف اقري الردود مره ثانيه ....!!

من حق الام تشوف خطيبه ولدها الزاوج مو بس زوج وزوجه الزاج عيله يعني الام تربي وتتعب تكبر ولما يصير رجال خلاص انتهت العلاقه انا ضد ان الم تتدخل في الشكل لو عجبت الولد الله يوفقه بس لازم تشوفها الام

لا يا اختي الطريقه مو كذا
الخطبه لها اصول واتيكيت
اما بالاسلوب اللي انتي قلتيه جدا منفر ومستفز
انا اقولك تمشي كيف الطريقه

الخطوه الاولى
الشاب وابوه او عمه او كبير عايلتهم ياخذو موعد من والد البنت
ويجو يتقابلو ويجلسو جلسة تعارف رجال في بعض
ابو البنت ياخذ كل المعلومات اللي يبغاها من الشاب وابوه

الخطوه الثانيه
في هذي المرحله يبدا يسال الاب عن الشاب واهله وسلوكهم ومخابرهم الين يطمن

الخطوه الثالثه
ام الشاب تتصل وتسولف مع الام محادثه تلفونيه طويله نوعا ما ( وصدقيني ام البنت تقدر تعرف اذا ام الشاب طيبه وعلى نياتها ولا لا)
ثم تسال اذا ممكن الشاب يجي يشوف البنت
اذا اهل البنت كانو مبدئيا موافقين على الشاب يحددوله موعد
ويجي يشوف البنت
اذا ما عجبته رح توقف الخطوات لهنا وكلا يروح بسبيله
اما لو عجبته فينتقلو للخطوه اللي بعدها

الخطوه الرابعه
بعد ما يشوفها وتشوفه كلا يستخير واذا صار ارتياح من ناحية الشاب بعد كم يوم يفترض من ام الشاب انها تتصل وتاخذ موعد مو الام عشان تجي تتعرف على البنت وامها ويحددو موعد

الخطوه الخامسه
يصير تعارف النساء
ولما الكل يرتاح لبعض تتصل ام الشاب مره اخرى لتشكر ام البنت على الضيافه وكمان تاخذ الموافقه منهم وتحديد موعد رسمي للخطبه او الملكه والله يتمملهم على خير
اما اذا اهل الشاب مارتاحو للبنت او امها فيفترض انها تعتذر منهم ..
او اذا اهل البنت والبنت مارتاحو لاهل الشاب فكمان يعتذرو ويقولو مافي نصيب..



هذي الخطوات يا حبيبتي وتسمى عندنا بخطبة رجال
يعني البدايه كانت من عند الرجال وباشراف الرجال ..