اللي موظفة ومتزوجة واللي زوجة ثانية تدخل تفيدني
متابعة النقاش، صفحة 2
شاركي في النقاش
سجلي الدخول لإضافة تعليق.
التعليقات
125- فيونكه عذراً بقيم باللايك وبالغلط جاء ديس لايك
(فيونكة حمرا) للاسف انتي حسمتي النقاش معنا اولا يبدو شخصيتك العنيدة جدا لانك تبغي الموضوع ياخد منحى واحد فقط من الاجوبة! نؤيدك في تفكيرك ونجاوب على اسئئلتك فقط ومالنا حق ننصحك من وجهة نظر مخالفة لك! ثاني شي انا مااقدر اعطيكي رايي واجاوب على اسالتك مش لا…
انا مع اخت في كلامها
وزياده كمان انتي بتفكري تاخدي رجل من زوجتو واولادو وهاد والله حرام بتكسري قلوب كتيره
الله يهديكي- لا تعليق ..
- لاتعليق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
موني المكاوية فيونكة حمراء انا مريت بتجارب خطبة كثير والاعزب يبغى اولاد كثير وانا مستحيييييييييييل انجب اكثر من 2 بارادة الله ثانيا المتزوج يبغى وحدة تتدلع له وماتكون تقضي يومها كله بين اولااد ومطبخ وتنظيف ومشاوير ودا يناسبني مرة انا ما احب اقضي مشاو…
حبيبتي للاسف بالرغم من استقلاليتك ويبدو ان ثقافتك متسعة..ماشاء الله
لكن خبرتك بالحياة الزوجية تكاد تكون معدومة..
لكن انا مقدرة وضعك لاني عايشته وهو انك تعيشي في اسرة ماشاء الله ديموقراطية وتمنح افرادها مسافة من الحرية كبيرة
انتي مستقلة ماديا عن اهلك..عشتي حياة عزوبية سنين كثيرة
حيكون صعب عليك احد يشاركك سرير او وجبة او انك تربطي مواعيد استيقاظك ونومك بشخص تاني!
او انك تضطري تجاملي وتبتسمي وتصبري عشان المركب تمشي
هذه سلبيات اضيفها للسلبيات اللي ذكرتيها انصهارك في حياة زوجية مشتركة حيكون امر صعب
يحتاج منك نضج اكثر واستيعاب لمعنى شراكة الزواج
اتوقع انك برج الجدي..
لان شخصيتك قريبة مني كثير وانا هذا البرج
انتي حطيتي فكرة واحدة عن العزابي غير قابلة للتغير
بتراقبي الوضع من جهة وحدة فقط
عزيزتي ادرسي الموضوع من كل الجهات
اول شي على اي اساس تقولي انا مستحيل انجب اكثر من 2؟؟؟
لاتحكمي على شي انتي ماجربتيه
يااختي غريزة الامومة شي لا يوصف ماينفع اقولك تجربتي كأم وتطبيقها
لان سبحان الله هي غريزة حتى الله يكرمك الحيوان ربي زرع فيه هالغريزة
لاتبني قرارات وتضيعي حياتك على اساس شي انتي ماجربتيه
يعني بتحطي من ضمن اسباب زواجك بمعدد انك ماتبي اطفال كثير!
لعلمك في معدد يتزوج بس لجل يخلف قبيلة!
ويمكن انتي لمن تجربي الامومة تغيري رايك
اشياء كثير كنا نقولها زمان مستحيل نسويها ومع الوقت تغيرت قناعاتنا
وفي اشياء لابد نتركها لارادة الله واختياره
ومين قال ان القاعدة كل اعزب يبي اطفال كثير!
ياقلبي ارجوكي
لاتعممي
انا نص صديقاتي بالهواش تخلف زوجها مايبي اصلا ولا يبي واحد
ولا يقولها لمن نوصل منتصف ال30 نخلف
يعني مو قاعدة
وابد مو سبب تحطينه لاختيارك معدد
ثاني نقطة ذكرتيها
انتي شخص متناقض
اول تقولي فيما معنى الكلام ان المتزوج يكون اكثر نضج ومايبغى زي العزوبي احلام وحياة وردية
وانك مالك خلق للعزوبي في هذه النقطة
والحين تقولي
المتزوج يبي وحدة تدلعه وماتنشغل بالبيت والمسؤوليات
حيرتينا ياامي
وفي كلا الحالتين كلام غلط
ياامي المتزوج رجل والعزابي رجل وبائع البقالة رجل وعامل النظافة رجل والوزير رجل
!
ماراح يختلف تكوينه تبعا لحالته االاجتماعية
كل رجل يبي المراة رجل الي وكمبيوتر
تدلعه وتهتم فيه وتخلف قبيلة عيال يفاخر فيهم ويكون اسمه ابو فلان ويظل جسمها حلو ونحيف
وتظل حلوة وشباب
وماتكون نقاقة وتزن
وماتكون شخصيتها قوية تكسره
الرجال كلهم واحد!
كون ان لك رغبة في المحافظة على استقلاليتك
فهذا شي ممتاز
وهذا هو الطبيعي
بينما ماتفعله الاخريات هو الغلط!
فليش تقيس حياتك على الوضع الخاطئ
بالعكس الرجل مايحب الحرمة النشبة
ويتمنى الفكة ويكون لها مجتمع وعلاقات عشان هو كمان يروح للشباب ويسهر
صدقيني انا باكلمك من قلب
وودي اساعدك
كل اعتراضاتك هامشية
طيب لو جبت لك عريس عزوبي
فيه كل هالاشياء اللي تتمنيها؟
المتوفرة بالمعدد
حتنتهي عندك المشكلة؟
انا ماباعترض من جهة اني ضد الزواج الثاني
لان مثل ماقلت لك اول رد
انتي حاسمة الموضوع وماتبي نقاش في هالنقطة
انا مااراح اكلمك من هالناحية
انا بكلمك على افتراضك اللي صراحة اقرب للجنون
وبتدمرين حياتك
الزواج ياقلبي ربنا عز وجل وضعه في اطار المودة والرحمة
انتي تبغي يكون زوجك شكل اجتماعي فقط؟
اسكاتا للناس؟
تجربة جديدة تجربينها؟
يااختي الزواج قرار مصيري
ياايوة يا لا..
وعلى فكرة ماانتي مجبورة ابدا
تصرفي بناءا على قناعاتك
انا وحدة من الناس عندي قناعات معينة ماراح اتنازل عنها لمجرد الزواج
وسانتظر اجد ماابحث عنه في زوج المستقبل
يعني مافي شي اسمه عنوسة
او كبرت
او نظرة مجتمع انا راح اتزوج بناءا على رغباتي وليس تحت اي ضغط نفسي
الزواج _بطريقته الصحيحة غير تلك المنتشرة الان_ اروع واسمى من كل ماتتكلمي عنه
الزواج مش بس مشاوير خاصة اقضيها مع سواقي
مش بس ملابس اورنجية وفسفورية مبهجة اتمختر فيها في بيتي
اسالي نفسك هذا السؤال
انا ليه ابغى اتزوج
وليه ابغى اكون ام لطفلين فقط او اكثر
هل لديك هدف معين؟
ولا بس بتتزوجي كشكل اجتماعي
كل الاشياء اللي ذكرتيها ماراح تتكرر يوميا
يعني مو كل يوم عندك مشاوير مع سواق
ولا كل يوم زوجك يبيك تتدلعي
هذه هامشيات العلاقة
تعالي نشوف الاساسيات
الاساسيات ان هالمعدد
مشطور نصفين
شئتي ام ابيتي
نصفه لك ونصفه للزوجة الاخرى
ومهما كانت الزوجة سيئة او متمادية في ظلمها واهمالها
اول ماتشوف زوجها شرد ونفذ تهديد غير مستبعد انها ترجع تلقي شباكها عليه مرة اخرى
وينهد العش الجميل على راسك
انتي سالتي عن الغيرة
ومن فهمي لشخصيتك اقولك يااختي ماراح تقدري
تخيلي ان كلمة احبك
تنقال لك اليوم
وغدا تنقال للاخرى
مع من هي اصدق؟
ومع من هي ابقى؟
اتوقع انك من الاشخاص شديدين الالتصاق بتفاصيل حياتهم ومملتكاتهم حتى لو كانت بسيطة
اتوقع ان شخصيتك من النوع اللي مايحب يتنازل عن شي يملكه حتى لو كان زاهد فيه
يعني مثال
لو جبتي فستان خطير ويجنن وكنتي مميزة فيه وتحبيه حيل
حتى لو لبستيه 5 مرات وراحت موضته واتقطع وطلبته منك وحدة تاخده لها
ماراح ترضي
هذا رايي في موضوع الغيرة
واتوقع بتفكيرك هذا راح تنصدمين كثير بعد زواجك باي شخص معدد
ومن الافضل ان تببقي بلا زواج من ان تحملي لقب مطلقة او معلقة
لان من هي مثلك ترفض الفشل
وراح تضيعي عمرك من اجل ان تثبتي للناس ان اختيارك كان صحيح
وحتكوني مستعدة تخسري شي بس عشان ماتحسي بالفشل او بالندم
استخيري قبل كل شي وهذا رايي
مواضيع مشابهة
تابعي تجارب أخرى من هذا القسم.