خواتي صدق اللي ما عندها خادمة تهمل نفسها وتعجز قبل وقته؟ تكفون اللي ما عندها ترد علي

اختي سراب
ما فهمت قصدك ايش اللي مو صحيح

اختي احلى روزمدري صح كذاسمك
انتي موظفة واتوقع راح يكون الوضع اصعب عليك
الله يسخر الشغالة لك واشكر مرورك العطر

اختي الامورة وجن و اذكروني
والله ان فرقاهن عيد وما خلانا نتردد الا الخوف من التعب وعصبية الزوج اذا شاف البيت مو مظم ولا انشغلتي عنه اخاف يطفش من البيت
اخاف تجيني طفة بالشغل اول الوقت وبعدين يجيني ملل وكسل واتمناها
والله ان بعض الردود تحمسني مرة وابدأ اخطط وابحث بالنت عن اشياء وطرق تخليني استغني عنها
وبعضها تخليني اشيل الفكرة واقول مالك ومال والتعب


يا ليت خواتي اللي استغنوا ومرتاحين يكتبون لنا نظامهم اليومي اللي توصلو له وريحهم يمكن يفيدنا
الا اكيد بيفيدنا لانها بتكون نتائج تجربة شهور او سنين
خواتي احتسبو الاجر واكتبو تجاربكم واللي يخليك مستمرة في العطاء لبيتك ومصرة على رفض الخدم
اكيد بيجيك ايام تملين وتتعبين وما يكون لك خلق حتى غسل كاسة الموية
وقتها وش تسوين وكيف تمر المرحلة هذي بسلام وترجع لك همتك ونشاطك

اشكركم خواتي وجزاكم الله خير والبسكم لباس الصحة والعافية على ردودكو واثرائكم للموضوع

الي ماعندهم شغالات نفسي اسئلكم كيف تمششون باقي اموركم
البيت ممكن الوحده منا تسيطر على نظافته وترتيبه مع تنظيم الوقت
لكن باقي الامور الثانيه بالذات لوكان عندك اطفال في مختلف الاعمار وكل واحد منهم عنده اصدقاء يبي يجيبهم يلعبون معه
ويحوسون لك البيت وكمان لو عندك بنت تبي تعزم صديقاتها وتضييف وصحون وحوسه
تكوني يادوبك مخلصه ششغل البيت ومنهد حيلك كيف تلحقين كل متطلباتهم
او مع الخرجات والزيارات تكوني معزومه ورايحه تنبسطي ماتسوى عليك لما ترجعين
البيت يحوسونه والي متضارب والي متهاوش مافي حد يراقب البيت بغيابك لا تقولون لي اعلمهم حتى لو علمت مليون مره الصغير يبقى تفكيره صغير مابيترك الجهاز الي بيده ويجلس حارس للبيت الا بالعكس يستغلون غياب الام ويسوون الي براسهم
عشان كذا اشوف عدم وجود الخادمه يقيد مره صح بيكون البيت نظيف ومرتب
لكن في امور ثانيه مافي راحه
بالذات مع وجود الضيوف بدل ماتوسعي صدرك معهم طول الوقت تكوني جالسه تكرفين
وحتى مع زوجك هو يبيك تجلسين معه وينادي عليك كل يوم بعد الغدا والعشا لازم تكوني بالمطبخ تغسلين وحتى لو فضيتي نفسك
له ماراح تجلسين معه الا ونتي هلكانه من الكرف
بعكس لما تكون عندك وحده تخدمك متى مانادك تكوني فاضيه له ولمتطلباته ورايقه ومزاجك عالي

اذا في اطفال ودووام بصدق وبدووون مجاملات وحقيقه وشايفتها بالناس هلاك وتعيشين بدوامه اما اذا اولادك كبار اصغرهم 8 سنين ومانتي موظفه يصير لو عندك قصر بس اطفال ووظيفه لانضحك علي نفسنا اخت زوجي ما تجيب شغاله وعندها 6 ماشاء الله بس ياحرام نسلم عليها رحت يدها كلوركس الغت اي اجتماعات تقعد معنا منهده وللاسف هي مقتدره وزوجها بس قناعتها بس اشوف انها تحزن ارحمها

ويمكن في ناس عندهم قوة ماشاء الله او انا ماني من البشر هههههههههههه انا طاقتي نافذه واكذب علي نفسي لو استغني عن الشغاله خاصة اني موظفه وعندي 2 ورى بعضهم انا بالشغاله وماني مخلصه ابي شغاله ثانيه مع العلم اني اعشق النظافه واحب الديكور بس عشان تصيرين مبدعه ببيتك لابد من احد يشيل عنك الاشياء التوافه اليوميه وتتفظين لابداعاتك

طارق الحبيب سُؤال ان واحد جايبله سواق ومستغربين ليش مدلع نفسه رد قال اي احد يشيل عني راح اوافق لكي اتفرغ لابداعي وعلمي عني احب اكون مهتمه بوظيفتي واولادي وديكور بيتي فلابد من شغاله تشيل عني نظافة الروتين اليومي لاتفرغ لامور الثانيه

الششغاله تججنن راحه قاعده في البيت وعندي طفلين صغار قاعده احاول اسيطر على الوضع واحاول مره مااهمل نفسي من تمارين وخلطات ونوم كافي والحمدلله وفي كثير ماشاء الله اعرفهم خالة زوجي عمره على٣٧ تقريبا وتزوجت صغيره وعندها ٩ كلهم وراء بعض وماعندها شغاله بيتها في اي وقت قمه في النظافه ماشاء الله وشكلها كانها بنت ماتزوجت اناقه ماشاء الله تبارك الرحمن واطفالها صغار

اقترح عليك تعملي زيي

كنت معتمده عليهم من وحدة لغيرها

لكن صرت الحين متفقه مع وحدة تجي مرتين بالاسبوع تنظف صوالين الاستقبال والحمام تبعهم وتكوي ملابس فقط

وباقي البيت علي

يعني ما اشيل هم الضيوف تكون الغرف نظيفة ومرتبة حتى لو جوا فجاه

يمكن دا جدولي لان الشقة صغيرة

بعد شهرين بحول الله ندور و ننقل لشقة تانية ربي يسهل وما ادري كيف راح يكون الوضع

أهم شي الاستغفار والتسبيح وقت التنيظف

و الملاحظ اذا مافي شغالة

راحة نفسية رائعة ولله الحمد .. نشاط ولله الحمد .. تلبسي على راحتك

حتا التمشيات كنت اشيل همها ما ابغا احرمها وبنفس الوقت ما اقدر اخليها لحالها على جنب حتى وانا عندي اطفال..الحين اخذت راحتي

هذا وضعي وماني موظفة لكن الموظفة اتوقع تحتاااجها

والله يسهلك ويكتب لك اللي فيه الخيره