ريناد عادت لكم بطبق جديد >> ميني تشيز كيك الجبن بالشوكولاته << حياكم تراه خطير بالصور





السلام عليكم ورحمة الله وبركاته


كيف حالكم بنات ؟؟؟؟؟؟؟؟؟



ووش أخباركم ؟؟؟؟؟؟؟؟؟؟؟



من زمان عنكم


طبعا قصدي من زمان ماحطيت لكم أطباقي


أطباق ريناد اللي صارت تجي بالقطارة



بس اعذروني


والله صرت مشغولة ولا عندي طبخات وصور كثيرة مليانة الجهاز طبخات



بس مافضيت أنزلها


وتعرفون تنزيل الصور مب سهل لأنها تمر بمراحل متعددة <<<<<<<<< حشى البنت الظاهر في مصنع


ههههههههههههههههه



أتمنى إنكم ماتزعلون مني


وتكونون مشتاقين لطبخاتي



واليوم جايبة لكم طبخة جديدة أنا متأكدة إن مافي أحد مسويها قبلي


إلا كان أحد من أقاربي نشر طريقتي <<<<<<<<<<< اللي يشوفها يقول ذي مخترعتها ههههه



اليوم طبقي :cook:


ميني تشيز كيك الجبن بالشوكولاته


خلوني أقولكم قصة الحلى قبل ما أقولكم الطريقة


هذا الله يسلمكم


كان يا ماكان في بنت اسمها Ghdoo منزله موضوع اسمه


ميني تشيز كيك الجبن بالشوكولاته للراغبات فيه



وهذي صورة من بطاقتها الشخصية وتاريخ موضوعها




لا حظوا 2002 واحنا في 2006 يعني قبل 4 سنوات



وهذا رابط موضوعها

http://forum.hawaaworld.com/showthread.php?t=53819



طبعا أعجبني الحلا لكن كان فيه مشاكل من وين لي بالبسكوت

وأشياء ثانية منيب قايلتها لأنكم أكيد تبون الحلا


المهم وأخيرا


لقيت البسكويت ولقيت كل شيء يهم هالحلى وطبعا ريناد



زي ماتعرفوووووووووووون تموت بشيء اسمه حلى لذلك تمت التجربة


وطلعت ناجحة لكن عملت تغيير بسيط ليصبح أروع


الحين يالله نبدأ نحط لكم الطريقة بالخطوات والصور


طبعا اللي حابة تطبق نفس الحلا بالضبط تدخل الرابط اللي عطيتكم وإلا سووه مثل طريقتي



بنخلي اطريقة في الرد التالي


لأن هذا صار مليان


<<<<<<<<الرجاء عدم الرد حتى الانتهاء من الحلا >>>>>>>>

219 تعليق 58,832 مشاهدة

شاركي في النقاش

سجلي الدخول لإضافة تعليق.

التعليقات

211
  1. @renad81

    صاحبة الموضوع
    عدنا

    يا هلا والله ومسهلا

    شوفوا أول خطوة :


    جيبي بسكويت الفانيليا

    وهذا تلقينه الله يسلمك بالسوبرماركت مثل :

    العزيزية والتميمي وبقالة الحمود اللي في طيبة والعويس <<<<<<<<<<< هذولي متأكدة منهم


    وهذي صورته :





    وجيبوا بعد قراطيس قصدير

    اللي نحط فيها الحلا <<<<<<< وهذي موجودة في السدحان ولقيتها بعد في التميمي بس مشكلتها مب دايم موجودة والحلا فيها أحلى شكل

    وهذي صورتها تجي في كرتون

    وهي عبارة عن قرطاستين في وسط بعض وحدة قصدير والثانية بيضاء

    وتستخدمينهم كأنهم وحدة




    الحين نجي للخطوات والطريقة والمقادير :

    أولا :


    جيبي صينية قوالب الكيك الصغيرة

    وهذي صورتها




    وتحطين كل قرطاسة في قالب وفي كل قرطاسة بسكوته


    هكذا :





    نتابع في الرد التالي

    777

    7



    7


    7
  2. @renad81

    صاحبة الموضوع
    Renad:81
    عدنا يا هلا والله ومسهلا شوفوا أول خطوة : جيبي بسكويت الفانيليا وهذا تلقينه الله يسلمك بالسوبرماركت مثل : العزيزية والتميمي وبقالة الحمود اللي في طيبة والعويس <<<<<<<<<<< هذولي متأكدة منهم وهذي صورته : وجيبوا ب…
    عدنا


    مكونات طبقة الجبن :

    بيضتان

    نصف كأس سكر

    ربع كأس شوكولاته بودرة

    2 علبة جبن فيلادلفيا حجم 200 جرام

    ملعقة صغيرة جدا فانيليا



    وهنا صورة الفيلادلفيا والشوكولاته :







    وتخلطين المقادير السابقة بالخلاط ثم تضعين مقدار ملعقة كبيرة فوق كل بسكوته

    هكذا :






    ثم ادخليه الفرن من تحت فقط

    لمدة 10 دقايق مايطول


    في هذه الأثناء


    اخلطي

    6 حبات جبن كيري

    مع 2 علبة حليب نستله مركز صغير

    بالخلاط

    وضعي مقدار ملعقة صغيرة فوق كل وحدة



    ((((((((ترى صورة الخلطة هنا كنت مستخدمة الطريقة الأصلية وكنت مكثره الشوكولاته البودرة فطلعت غامقة )))))


    ثم ادخليها الفرن لمدة دقيقتين بس علشان تجمد


    ثم زينيها بالشوكولاته المبشورة والفراولة والسكر البودرة

    ثم برديها وقدميها

    وهذا الشكل النهائي :














  3. @renad81

    صاحبة الموضوع
    Renad:81
    عدنا يا هلا والله ومسهلا شوفوا أول خطوة : جيبي بسكويت الفانيليا وهذا تلقينه الله يسلمك بالسوبرماركت مثل : العزيزية والتميمي وبقالة الحمود اللي في طيبة والعويس <<<<<<<<<<< هذولي متأكدة منهم وهذي صورته : وجيبوا ب…
    أتمنى أن طبقي ينال على إعجابكم

    وتجربونه


    ويعجبكم


    وأنا بانتظار ردودكم الحلوة


    ترى الحلى سويته إلى الآن 4 مرات


    والتصوير صورته مرتين


    مرة بالطريقة الأصلية


    ومرة بالطريقة اللي سويت عليها تغيير


    علشان كذا تلاحظوون اختلاف بالصور

تابعي تجارب أخرى من هذا القسم.