تعبت من حياتي وش اسوي

صباح الخير
كيفكم إن شاء الله تمام
بدخل في الموضوع مباشره أنا طبعي من زمان وانا خجوله المهم الحين انا متزوجه ولي خمش شهور وزوجي خجول شوي بس مومثلي يعني فيه جرأه أكثر مني وأنا للحين ماني قادره أكسر حاجز الخجل بينا ولاني قادره أخذ وأعطي معاه ولا شي أول مايجلس معي او حتى اسمع صوته انسى كل شي كنت ابي اقوله له حتى الأكل أستحي أكل قدامه صح اكل بس مو مثل عند اهلي ولا اقدر اطلب منه شي وش اسوي بلييز أنا اموت فيه بس ما أقدر اقول له كلام حلو مثل مايلول له هي كلمه وحده اللي أقولها أحبك وهو بعد يحبني بس أخاف يجي يوم ويكرهني ويطفش مني بسبب خجلي أنا قاعده أحاول أكسر هالحاجز بس ماني قادره بعدين أهو يشرب شيشه ويجلس في غرفه لحاله يادوب نجلس مع بعض ساعتين ع بعض يعني اربع وعشرين ساعه يدخن وانا متضايقه من هالشي بس وش اسوي له أحسه عنيد مره كلمته عشان يتركها وصار يدخن أكثر من اول يعاندني
انا تعبت من كل شي بليز وش اسوي واكسر حاجز الخجل بينا انا احس إني وحيده ابي اتكلم وافضفض لأحد وانا مالي أحد غيره أهلي في مكان وانا في مكان وما اعرف أحد هنا غيره والله اني تعبت تكفووون إذا عندكم حل لمشكلتي واتمنى تعطوني رائيكم ومشكورين