انا مرة كنت منومة بقسم الحوامل لاني كنت على وشك ولادة وكان معاي طلق طبعا كنت اتردد على كشك الولادة يوم اتوقف
عندي الطلق طلعوني قسم الحوامل وحطوني بغرفة فيها وحده حامل اظن ثلاثة شهور وبنهاية الثالث طبعا مافتحت الستارة ولا
هرجناها انا وامي بحالنا وهي بحالها لانها كانت مشغولة مع اتصالات عيالها واتصالاتها مع اختها الله يهديها يارب كانت مصرة الا تنزل
الجنين ومادري ايش سبب دخولها المستشفى بالزبط هيا جات تبغا تنزله او مسوية بعمرها شي الله اعلم
المهم يوم جات وردية مرور الدكاترا جاها الدكتور يستفسر منها ايش سبب تنزيلها الجنين لاحول ولاقوة الابالله تقول هيا ماتبغاه وان
ولدها صغير فالبيت واتفاجئت بعدد اطفالها ماشاءالله الله يبارك لها يارب مع ان عمرها مو كبير بس الله يهديها كانت مصرة بشكل
فضيع حاول الدكتور يفهمها انه مستحيل تنزله لانها مسلمة هذا اول شي وثاني شي هيا بدولة مسلمة تطبق القوانين والاحكام
الشرعية وبمستشفى حكومي يعني مستحييييل تنزله وكشف عن نبض الجنين وقالها حرام عليك الجنين وضعه طيب ماشاءالله
وخرج من عندها على طول اتصلت على اختها اعتقد وطلبت منها تحجز لها عند حرمة تنزله لها الله يهديها ويسامحها يارب
بس هذا الموقف ومادري عنها ايش سوت لاني نزلت الكشك جاني الطلق وولدوني الله يشفع لي مافقدت يارب
من جد كل ماتذكر موقفها احزن الناس تدور وتدفع دم قلبها عشان تتعالج وتحمل وهي بكل بساطة بتنزله
في اروقة المستشفيات وتحديدا غرف التنويم قصص ومواقف
متابعة النقاش، صفحة 2