كرهي لزوجي دمر حياااتي

انا قايمه فيه ومو مقصره بشي معاه لاهو ولا عياله كل حاجه حلوه سويتها له ولهم اضحي بنفسي بس عشان اسعدهم بس قلبي مو بكيفي وعلى فكره حبيبي الاول مافكرت فيه هو مو مشكلتي مشكلتي زوجي اللي نفسي احبه زوجي كل ماقرب منه واحس اني بديت احبه يرجعني لوورا

انت تحسي ان ما احد من البنات فاهم لك .


ببساطه انت حاسه باشياء وتكتبي اشياء ، وهذا يدل انك مخبيه امور كثيره بداخلك سواء تراكمات من مشاكل بسيطه او مشاكل كبار .


لما كتبتي مشكلتك اولا بدأتي بقصة حبك القديمه وانهيتيها بانك كارهه زوجك .......... فالكل توقع انك انسانه ظالمه زوجك لانك تفكري بالماضي


ثم ردودك اللي بعدها ...بدأتي توضحي في ردودك ان اهم سبب في كرهك لزوجك هو زوجك نفسه



ومن ثم صرحتي انك ما تفكري بالاول وانه وانتهى من حياتك




اختي اعذريني بس الواضح انك انت بنفسك ما قادره تفهمي نفسك .... وفيه عوامل خارجيه ثانيه منها بعد زوجك ويمكن تمري بظروف صعبه ضمن العائله تخليك ساخطه على عيشتك ومتردده ولا انك عارفه وين الصح وين الخطا .


بالنسبه للحب الاول ....يمكن انت ما تفكري فيه كشخص ولكن لا زالت حلاوه الكلام ورعشة الحب الاول تدور حولين حياتك ...هذي رعشة الحب ما حسيتي فيها مع زوجك :heart: لان يا اختي وبكل بساطة القلب مثل الوعاء يمتلئ من الحب الاول اول احساس للحب ولرعشه القلب يختبرها مره بحياته وتظل راسخه في عقله وعقله اللاواعي معتبرها انها الافضل والاحلى لانها التجربة الاولى ومهما الانسان حاول وحاول تبقى هي الوحيده الثابته بالذهن لها طعم خاص ..... علشان كذا من اهم النقاط اللي لازم تاخذها البنت بعين الاعتبار ان العلاقات ايام المراهقه تولد التعب النفسي .

اعذريني بس انت ظلمتي نفسك بحبك ايام المراهقه ....واقول هالكلام ليس اتهاما ولا انقاصا منك ولكنني اعرف شعورك ......

زوجك فيه ما فيه من عيوب كاي انسان في هذه الدنيا ....هي عيوب تكون واضحه اذا لم يكن الحب الاول في الحياه ولو كان الحب الاول كان شفتي ان هالعيوب كلها ميزات.


احساسك الثاني بالكره لانك عايشه دور المضحيه والضحيه اللي اهلها حرموها من الحب ..فقررتي انك تعيشي حياتك ضحيه ومضحيه ..... ونسيتي ان لنفسك عليك حق ...... صدقيني لو حبيتي نفسك وضحيتي لاسعادها فيما يرضي رب العباد راح تشوف الكون بسعاده . ....
لما تضمي عيالك ضميهم لانك انت محتاجه الحضن ... مش لان مجبوره اعطيه
لما ترتبي بيتك لانك انت محتاجه تحسي بالحياه ..... مو مجبوره عشان زوجك يحصل البيت نظيف
لما تكوني مع زوجك .........لانك انت محتاجه .......... مو تادية واجب زي الآله



كوني قويه واعترفي اذا تحسي بعدم الرضا وناقشي ............كوني قويه وواجهي مشاكلك ولا تعيشي دور الضحيه ...........

ومثل ما قالت احدى الاخوات ما عيب تطلبي مشورة اختصاصي اسري .


ففي النهايه احنا بنات حواء نحاول نساعد بعض ولا احنا متخصصين وكل وحده فينا عندها هموم ربنا وحده اللي يعلم فيها.


فالاخوات اللي حاولوا يساعدوك وانا والبنات اللي عطوك حلول تنرفز في النهايه احنا بشر تحكمنا اشياء كثيره اللي نشوفه صح غيرنا يشوفه جنون


اختك

اجل تكرهين عيالك عجيبه ومريضه العنز تحب عياله والبقره والقرده وانتي لا ليتك اجل انتي تموتين يارب يالفاشله

القناعه كنز وانتي دخلتي حياه جديده بارادتك فالله يعينك تحملي علشان عيالك اقل شي