متازمه مره الله يرضى على كل وحده تساعدني ويرزقها الجنه بدون حساب ولا سابق عذاب
السلام عليكم ورحمه الله وبركاته
ما اعرف للمقدمات كثير عشان كذا ببدا بمشكلتي على طول بس رجاء لحد يرد بردود جارحه او يدعي عليناانا كتبت لكم هنا لاني فعلا فعلا محتاجه دعواتكم احس اني ضايعه ومو عارفه اتصرف
انا متزوجه من سنه واربع شهور تقريبا ما حملت ولا مره مشكلتي هيزوجي اول سنه مرت مشاكل بمشاكل من كثرتها رحنا لشيوخ وقالو عين واعطونا زيتزيتون مقري فيه ومويا مقريه . بثاني سنه الحمدالله الاوضاع هدت كثير وصار كل واحد فينا عارف اللي له واللي عليه
بس كنت ابدا ابدا ما احس انه يحبني ولا يحب يطلع معاي ولا نتمشى دايم حتى لو طلعنا نتعشا نخلص بسرعه ويحطني عندعمتي (بيت اهله) لانهم اقرب لبيتي او احيانا يوديني بيت اهلي ويطلع مع اخوياه .متعلق باخوياه كثيييير لازم يوميا يقابلهم واربع وعشرين ساعه مشغول ما يفضالي غيروقت الفراش (اسفه ع الكلمه )
طبعا اخوياه الله يهديهم ويصلحهم كلهم اصحاب سوء مع انهم متزوجينوعندهم عيال بس خرابيطهم كثيره بنات وشرب وكذا يعني وكذا مره تصير بيني وبين زوجيمشاكل عشان يقاطعهم بس هو رافض
باول شهرين من زواجي كنت الاحظ على زوجي ريحه غريبه وواجهته كذا مرهوكان يحلف ويقسم انها بيره بس مع الايام اكتشفت ان اللي يشربه بيره بكحول وصارت مشاكل عليها وحاولت بكل الطرق اني ابعدهاعنه وانقطع عنها فتره وبعدين رجعت الريحهوصارت مشاكل من جديد بس قال لي انها بيره عاديه من غير كحول وحلف ان بطل يشرب كحوللانه عرف اضرارها وكذا
من كثر المشاكل اللي تصير بيني وبينه كان يحطني عند اهليبالاسابيع ويطنشني ما يدق ولا يسال ولاشي وبالعكس هالشي ساعده ان بكل مشكله تصيريقول لي انقلعي بيت اهلك واذا تبغين ورقتك برسلها
انا من حركاته هذي شكيت انه يخونني فكنت اخذ جواله افتشه وهو ما يدريعني طبعا هو حاط باسوورد على جوالهومانعني اني افتحه ويحسب اني ما اعرف كم الباسوورد
كل مره افتش جواله ما القى شي الين قبل كم يوم لقيت له محادثه مع وحدهاجنبيه بالواتس وترسل له رسايل بعد انها اشتاقت له ومتى تجي اشوفك ومن هالكلام اللي فهمته ان هو كل فتره يروح لها البنت هذي موساكنه هنا ساكنه بالبحرين ولاحظت انها كذا مره ترسل له وهو يطنشها ما يرد بس هيتحن عليه ويرد عليها طبعاا انصدمتتتتتتت من الكلام اللي قريته يقول لها كلام حلووانا زوجته حارمني منه يجيب لها هداياوانا زوجته يستخسر فيني كم مره المح لهولا فيه فايده صارو اهلي اللي يفاجئوني بهدايا واشياء كنت ابغاها عشان ما يحسسونيبالنقص
طبعا مستحيل مستحيل اروح معهالبحرين دايم يروح مع اخوياه لان اخر مره رحت فيها معاه قبل سنه واكتشفت انه يشرببيره كحول صارت مشاكل وتعقد وبطل يخليني اروح معاه
امي علاقتي فيها رسميه مررره هي عصبيه وزمان كنت دايم اقولها عن مشاكلي عشان تساعدنيبس طفشت مني وغير كذا صارت تعايرني لما تصير بيننا مشكله فبطلت اقولها شي
انا وحيده اهلي ماعندي اخوان واخوات وامي وابوي علاقتهم ببعض مرره سيئه مرت عليهم مشاكل وايام ومواقف للحيناتذكرها ببالي وخايفه تنعاد بحياتي مع زوجي
انا اعترف انا مقصره مع زوجي بس والله غصب عني من الجفا اللي اشوفهمنه وقاعده احاول احسن علاقتنا واكون مثل مايبي مع اني لما اساله تحبني يقول ايهويحلف ويقسم على هالشي بس كلامه شي وحركاته تدل على شي ثاني قبل امس فتشت جيوبهلقيت فواتير لمطعم هنا ويوميا كان يروح له بالاسبوع اللي راح لاني كنت عند اهلي الفواتيركانت مرره غاليه مره الف ومره اربع الاف ومن كذا عرفت انه رجع يشرب
زوجي مو مره سئ فيه صفاتايجابيه انه مثلا اذا ضايقه شي يسكت ما يقول ويخليني على راحتي وطيب معاي علاقته بربه هو يصلي ويصوم الحمدالله بس احيانايجمع لكن ما يترك الصلاه الحمدالله وانا نفس الشي
تكفوووون طلبتكم ساعدوني انا مو عارفه كيف اتصرف واسفه اذا ككان كلاميملخبط لاني قاعده اكتب لكم وانا اصيح من الصدمه وللحين ماواجهته
وتكفووون محتاجه دعواتكم محتاجه دعوات بظهر الغيب بس لاتدعون عليناا ولاعليه
انا احبه والله ومو متخيله اني اتطلق منه عارفه بتقولون غبيه بس واللهاحبه وبلييييز لاتردون علي بردود جارحهاللي فيني مكفيني انا مررره تعبانه موقادره انام وبس اصيح والنفسيه زفت