اوليفيوم مول
اخذنا تاكسي من تقسيم الى اوليفيوم مول كان مره زحمه زحمه ماقدرت اصور كثير

جلسنا نمشي فالسوق ونتفرج فالمحلات

اشتريت من ذا المحل (محلات كثيره مسويه تخفيضات )

من كثر المشي جعنا وقلنا خلينا نتعشا دايما نتغدا قريب العصر ويسير غدا عشا بس هذا اليوم تغدينا بدري .. شفنا محل اسكندر عليه زحمه فــ اخترناه للعشا

سلطه وبطاطس واسكندر ماشاء الله تبارك الله


الاسكندر اخترنا اصغر مقاس لان عندهم كبير ووسط وصغير صراحه ماعجبني

الحلى كنافه

...اليوم التاسع...
اليوم قررنا نفطر خارج الفندق فــ اخترنا سميت سراي ،، كان زحمه وضيق المكان زي اغلب مطاعم ومحلات تركيا اخذنا سميت بالجبنه لذيذ..

بعد مافطرنا رحنا نتمشى كالمعتاد في شارع الاستقلال ،، كنا مخططين اليوم نروح ناخذ حلاوه حلقوم
من محل حافظ مصطفى الفرع الكبير لان له فرعين وكلها قريبه من بعض ..واخذنا تاكسي لــ امينونو مشينا وجلسنا نتفرج على المحلات في طريقنا.. فدخلنا محل lc wikiki اشتريت منه اكسسوارات وملابس لولدي المحل قريب من الفندق اللي سكنا فيه اول يومين ..

هذي علب القهوه التركي جاهزه وعلب حلاوه حلقوم

عندهم انواع الحلويات بقلاوه وكنافه ومهلبيه وسوفليه وشيز كيك واشياء كثيره

جلسنا في هذي الجلسه وعندهم جلسات فالأعلى وجلسات خارجيه

جلسنا نشرب قهوه واكلنا مهلبيه بالرز

اخترنا الحلاوه وهنا جالس يعبي فالعلب عندهم بالرمان مررره خطيره



هذي حلاوه للضيافه عند المحاسب طعمها قهوه تركي مررره عجبتني

اول ماخرجنا من المحل قدامنا الباص السياحي ..اخذنا تاكسي للفندق عشان الاكياس ماشاء الله ثقيله

ارتحنا فالفندق ،، وخرجنا الظهر رجعنا مره ثانيه ميناء امينونو بس جهة البحر












