مشكلتي مع حمواتي غيبتي وكلامي في الناس ؛

انا اكره ان اتكلم في الناس وبقوووه واعتبره السبب في البغضااء والمشاحنه وحمل الكره في النفوس حتى بين اقرب الناس
حمواتي مااجلس معاهم الا ويصير حششش في بعضهم وكلام ماارضاا ان يُقال عني ولاانا راضيه بهذاالوضع ومااقدر اقاومهم اذا صاروا يحشون استمع لهم وقد اتكلم معهم في اي شي لايعجبني واحمل في نفسي لانهم ينبهوني على اشياء فيها مسبه لي بطرق مختلفه واذا انفردت بنفسي انددددددم واتعهد على نفسي مااعيدها لكن مااااقدرت والمصيبه اني صرت في بعض المجالس انا ابدأ رغم علمي بكره من معي للغيبه والسبب تعودي معهم وقد يكون مما حملته في قلبي علي الناس من اثر الغيبه.. لاحول ولاقوة الابالله
دعواتكم لي بالبعد عن الغيبه وقيل وقال وراااااحة الخاطر 
اللي عندها طريقه او حل للبعد عنها وتجنب هذا الامر تدلني مأجورة باذن المولى

18 تعليق 4,829 مشاهدة

شاركي في النقاش

سجلي الدخول لإضافة تعليق.

التعليقات

18
  1. @aaskrym_2

    اي احد تشوفيه يغتاب انصحيه ع طوول
    انا زي كذا اذا سمعت حش وسب اقول خلاص بس استغفرالله العظيم بس اذكرهم عشان يفهمو
    وانتي قوليلهم ترضون تآخذون ذنوبهم ويآخذو حسناتك
  2. شوفي حبيبتي انتي كلامك صح

    دائما حطي في بالك من حكى لك حكى فيك

    اذا وحده منهم قعدت تحش قوليلها مابي اسمع وريحي نفسك

    والله يسعدك دنيا واخره :)
  3. @beautiful_girls

    لاتنجرفين معهم
    ترا المتعه الي تجيك وانتي تستمعين لحشهم وتقطيعهم بخلق الله بتاخذين ذنبها وتحملينه انتي لوحدك وذنب عظيم مو سهل لكن حنا عشان نستمتع بالكلام نتجاهل ونطنش ماراح يفيدونك بشي حمواتك
    الحل شفتيهم يحشون ويتكلمون انصحيهم ما فاد اتركي مجلسهم ولا تتكلمين معهم بخلق الله او الهي بجوالك وانشغلي فيه او روحي سوي اي شي واذا طلبو تشاركينهم او قالو لك موقف يخصك من فلانه والا علانه عشان يجرونك بالكلام معهم قولي الله يستر عليهم ماابي اتكلم في احد لا تاخذين وتعطين قفلي الباب مره وحده بوجهم

    وتذكري مثل ما تتكلمين معهم بخلق الله الناس تتكلم فيك وباشياء اعظم وتذكري بعد مثل ماقطعو بخلق الله قدامك والله انهم يتكلمون بك عند الناس هالنوعيه ما يهمها الا متعه الحش
  4. الله يعينك حبيبتي
    فعلا مجلس الغيبه متعه وقتيه بعدها يضيق صدرك
    خلي سواليفك عامه عن مشكله معينه بس بدون ذكر أشخاص
    أو فوائد أو سولفوا عن سواليف الحريم اللي يحبونها مكياج وملابس وطبخ
    والأجمل لو تجيبين فوائد دينيه أو أسريه
  5. @trfyl

    اذا عرفتي ضرر الغيبه
    وكيف انها تسبب عذاب القبر
    باذن اله يكون دافع لك تنصحينهم او تتركين اجتماعهم
    وبتكونين باذن الله سبب لهم يتركون الغيبه
    لا تكونين سلبيه وتستمرين بهالوضع

تابعي تجارب أخرى من هذا القسم.